Yohanes 2:12 - Eipomek

¹² Yesus arye Kana mutuku noutamak arye, ninye kum winipmanto kum pil, minyuma yubukap ning akunum dobukopura, amutuku batakuka, Kapernaum mutuku koluku biyuk. Yesus ap, el lin ap el weitcapu ap, elce wipdeiyamuk nang ap, neika biyikce Kapernaum mutuku like winilye atonun, like dumbarye atonun mapmek.

Yohanes 2:12 Referans Kwoze

Matius 12:46

Yesus anyaik bukmokce, awekmek nang ati tuba nyanmok talak ara, el lin koprop ap, el weit yapu koprop ap arye, ‘Yesus ap yupu taliptibye’ tenen, Yesus dam yayik. Aik yanuka tikikce, ‘Yuk nang arye Yesus binuka nyapdeipnunyaka’ tenen, nyabik.

Galatia 1:19

Atalak ara, nun Deiyoknye Yesus el weit kopropa Yakobus ap eibdanumu bukni, Allah el yupu peterena ati deiyok kouna deiyok nang, Yesus arye wipdeiyamuk Rasul nang, sik sebelas nang ara, anang kan-kan tonoknye babye, ton kum epdapu.

1 Korintus 9:5

Tonda, sik Allah yupu peterena deiyok nang bukni, yuk Rasul nang ap, Yesus el weit yapu ap, Peterus ap sik nirya ara, sik domik kilapu ap, neika peterelbanyake. Sikda sik kilapu ap peterepra banyak touk, narye ton, ato kil Yesus dib tenebuk kil ton kum dopnamtinya ati, nyanululum do? Kume, na deiyok ati, ‘Dopnune,’ teneptinyopura, kil doptinye.

Markus 6:3

Tonda ayupu ton nyabik. “Kume anye bira, nun mutukunye binye, yo cakuka marikna memelinye, eluk do? Diba de, Maria arye deibuk mi, el akunum atia. El weit yapu, Yakobus ap, Yoses ap, Yudas ap, Simon ap, sik aunyake. Tonda, el weit kilapu babye, nun ap, aunmabe,” nyanmek. Nyabikce, ‘Yesus ati yu weik ubuka ati ara, elda talinye binya’ tenen, elti, lik ubukura, ‘Nun like’ tenen, batakik.

Matius 4:13

Galilea mutuku noutamak bukni, Nasaret mutuku batakuka, Kapernaum mutuku yanuka ulamuk. Kapernaum mutuku ara, Galilea mekwen dam asik domikak ulamuk. El ulamuk mutuku ara, minop arye Zebulon yala nang ap, Naftali yala nang ap, ulamik.

Yohanes 6:17

Biyikopura, weik mek lia yo wekmekce, ‘Mek kwen otam Kapernaum mutuku binuyap’ tenen, yo lakase dobuka bukunmekce banmek. Mekwen deice banmek talak ara, akunum inibuk bukni, Yesus ap kum biyik. Yesus ara, el yuk tukwak tam tuba unmok.

Matius 11:23

Anggun Kapernaum mutuku ninye ara, ‘Nun teleb nang anya arye, Allah arye erebuka im deice deipnamsile,’ tenelalulum do? Kume, Allah arye wenebuka uku din mutuku donoksiliba, uku arye dibuka sirya daknamsile. Anggun Kapernaum mutuku nang ara, anggun dilamlumba, anggun mutuku noutamak narye ninye kum winipmanto ning, mambul pil dolamse bukni, diba kum tenenululume. Bukni, amambul pil ara, Sodom mutuku noutamak apiluk dolamtinyeba, eipmanitingopura, Sodom mutuku ulamik ninye arye, “Se, nun dipkoprop malye unyabe,” nyabuka, sik malye ning bataktingce, nati diba tenelamnitingopura, kam tuba unamtinge.

Yohanes 2:2

Ayuna deiyok nang arye, Yesus ap, elce wipdeiamuk nang ap ati, “Anggun ton dilyalulume,” nyabuka yukubika ati, sik ap anyaik uk, kil dona ati yupmek aik unmek.

Yohanes 4:46

Galilea mutuku noutam bukni, mutuku si ara Kana mutuku, Yesus arye talye mek dobuka winipman kum pil dobukba, amek ara anggur mek daneibuk. Talye mek bukni, anggur mek dayuk mutuku ara, like tonok talak ton biyuk. Kana mutuku biyuk talak ara, tonoknye amutuku tam talibuka ninye deiyoknye ulamuknye bira, el mi uk dilamuk. Ami ara, Kana mutuku kum, pera mutuku, Kapernaum mutuku uk talipmokba, unmok.