Yohanes 19:35 - Eipomek

³⁵ Sikce winibikura, aning nirya eibuknye birye, akunum lakak laka nyapsuke. Elce, “Anang arye winibike,” nyabuka, laka nyapsuk yupu ara, dipkopropuk ulule. Anye birye, dib yupu nyapsuka ara, ‘Sik nirya kekebikirye, dib tenepnamak’ tenen, nyapsuke.

Yohanes 19:35 Referans Kwoze

Yohanes 21:24

Ara, ayupu noutamak “Anye,” nyapdeipmasinanye bira, na Yohanes ati nyapsine. Anyapmasin ning nirya ara, na asing arye elilamse. Na aryuk sekuka deipsine. Nun nirya kele. Narye sekeipmasin yupu ara, Yesus arye nyalamuk yupu ap, winilamuk ning nirya ara, dipkoprop ulule.

Yohanes 15:27

Elce nati laka nyapnamle bukni, anggunda na mapu ababye, ‘Yuk ninye nirya kekenamak’ tenen, nati adiparyuk laka nyalbinamlume. Na pil deiyok kipse talak arye diprongobuka, wini talak nirya ara, na ap neika unyaba ati, anggunce tonap nati, laka nyalbinamlume.” Yesus arye el wipdeiamuk nang ati nyabuk.

1 Peterus 5:1

Anggun kan-kan unyak ati, Allah yupu aik talina deiyok nang ati, ayupu ton nyapnusine. Ara, na babye Allah yupu aik talina deiyoknye birye, na nyapnusin yupu kekebuka, ‘Wininamlulum’ tenen, moropsine. Tonda, Kristus nong deice ikin ning deibikbuk donmoka ani, obikbuk dibuka ara, na asing arye akunum eipse. Tonda, Yesus tamubuka yanamle talak, Allah arye weik teleb ubuka mambul ning ap, dirina weik ap, upnamsil talak ara, na ap unamabe. Aning nirya wininye deice arye, na Peterus arye moropsine.

Roma 15:4

Sik minop talak seklamik yupu nirya ara, nun kel kina ap, peterena ap ati seklamik. Ara, Allah arye nunti, ‘Winibuka wininamak,’ tenyamsuke. ‘Allah yupu nirya kekebikca deice arye, sik kanye talima kwa dibleba, sikce, ‘Ikin upmasilya babye, Allah dipkoprop lyebuka melinamsile’ tenen, batakna kum, pia pi dobuka wininamake. Na Allah ati ara kum wininamake,’ tenyamsukce, el yupu nyalilamukba seklamik.

Rasul 10:39

Yerusalem mutuku ap, Israel ninye sik mutuku-mutuku nirya ap, amutuku noutamak arye el winilamuk ning nirya, nun asing arye elilamubu. Elilamubu ning ati yuk nang ak lak nyanyabe. Sik amutuku nang arye Yesus dobuka sekelin yo deice deibuka obikba dibukura, eibupu.

Yohanes 20:31

Bukni, abuku noutamak sekuka deipse yupu nirya ara, talye ati kum sekse. Ayupu nirya kekebikirye, ‘E, Yesus ara, dipkoprop Ninye Lyena Deiyoknye, Kristus ulule. Elda, Allah el Mi Koprop dipkoprop ulule’ tenen, dib tenebiceura, ‘El si deice arye kam pia unamlum’ tenen, abuku sekeipsise. Na Yohanes arye nyapsine.

1 Yohanes 5:13

Ara, anggunda, ‘Allah el Mi Koprop diba’ tenen, talibuka ululum ninye ara, ‘E, nunda dipkoprop kam pia unamap’ tenen, ‘Kanye bokoltona kumce, dipkoprop kel kipmunce, talima tunim abuka unamlum’ tenen, na Yohanes arye anggun ati, ayupu seksene.

Yohanes 19:26

Sik nirya tikmeka noutamak arye, Yesus el lin Maria ap, Yesus wipdeiamuknye, el kanye weik arye deiyamuknye ap, neika tikrikba, Yesus arye eibuk. Eibukce, el lin biti nyabuk. “Nongo, an mi atia,” nyabuk.

Yohanes 14:29

Na ni dam min kum binye talak, “Na benamne,” nyabuka akunum laka nyapmasine. Ati, aminyan talak ara dipkoprop anggun batakuka yukak binyopura, anggunce, ‘E, elce nyapdeiamsuk touk akunum winipmale’ tenen, dib tenepnamlulume.

Yohanes 11:42

Ance na nyakunun yupu nirya tuba kekenilyam ning ara, na akunum bikamse bukni, na ap atikmak nang arye, ‘E, Allah arye dipkoprop Yesus dopkwetepsuke, tenebuka, kel bikikirye, dib tenepnamak’ tenen, nyapkine.” Yesus arye nyabuk.

Yohanes 11:15

Dipmok bukni, anggun kel bikna ati, el dipmo talak ara, na ap el dam kum unmanua ara, na kanye deipne. Ara, talya ati kum nyapne. Na mambul pil dopnyopura, ‘Anggun dib tenepnamlum’ tenen, nyapsine. Winira, Lazarus el dam binuyabe,” Yesus arye nyabuk.

3 Yohanes 1:12

Yuk ning ton nyapnune. Yuk ninye nirya arye, nun kwit Demetrius ati, “Elda telebuk ulule,” nyabuka nyanyake. Tonda, Allah yupu nyasilye touk ululnye anya arye, Allah yupu deice arye ton, ‘Demetrius bira, telebuk ulule,’ tenenyabe. Atouk ton, nun babye, elti, “Telebuk winilule,” nyanyabe. Aning ara, talye kum nyanyabe. Tonda, anggun kele, nunce nyalamap yupu nirya ara, dipkopropuk nyanyabe.