Yohanes 19:19 - Eipomek

¹⁹ Pilatus arye nyabukura, yo lakase deice ayupu sekuka, Yesus el kisok deice tam, pakuk dakdeibik. Ayupu ara ani. ‘Yesus ara Nasaret mutukunye. Yahudi yala nang sik weik ninye deiyoknye Rajanye,’ nyabuka, ayo lakase deice sekdeibik.

Yohanes 19:19 Referans Kwoze

Matius 27:37

Ninye arye, “Yesus el malye nyalye ning ara ani,” nyalamik ning ara, yo lakase deice surat sekuka deibikce, Yesus el kisok deice tam deibik. Ayo lakase deice surat sekik yupu ara, atia. ‘Yesus ara, Yahudi yala nang sik weik ninye deiyoknye, Raja ulule,’ nyabuka sekeipmek.

Lukas 23:38

Ninye arye, “Yesus el malye winilul ning ara ani,” nyalamik ning ara, yo lakase deice surat sekuka deibikce, Yesus el gisok deice tam deibik. Surat sekik ning ara, ani. ‘Yahudi yala nang sik weik ninye deiyoknye Raja ara ani,’ nyabuka sekdeibik.

Markus 15:26

Ninye arye, ‘Yesus el malye winibuk ning deiyok ara, ani’ tenen, yo lakase deice surat sekuka deibikce, ayo lakase ara, Yesus el kisok deice tam deibik. Surat sekik ning ara, atia. ‘Yahudi yala nang sik weik ninye deiyoknye Raja ani,’ sekuka deibik.

Yohanes 19:14

Pilatus arye aning deice bukuk sum ara, Kaplina ati Kwalina kintinin sum nyalamik. Keting ara, keting dukduk arye nyabuk. Pilatus, yupu bokolina deiyoknye bulamak ning deice bukukce, nyabuk. “Anggun Yahudi yala ninye, anggun weik ninye deiyoknye, Raja Yesus aunmala atia,” nyabuk.

Rasul 3:6

Dinmok anyak, Peterus arye ayupu nyabuk. “Geil uang atouk bukni, dekna pia weik ning perak ap, emas ap ara, pia nun ton kum upmasil bukni, aupmanil ning ara, arepnukine. Nasaret nang arye deiyamiknye Yesus Kristus, el si mikip arye, tikuka bilyame, nyapkine,” nyabuk.

Yohanes 19:21

Eibikce, sik Yahudi yala ninye, Allah arena ati deiyok nang arye, Pilatus ati malye kanye bobuka, yupu weik arye nyanmek. “Se, ‘Yahudi yala ninye, sik weik ninye deiyoknye binye,’ nyabuka, sekdeipmalama ara, yata ati do? Winibuka sekena ara kum bukni, teleb ning ara, anye birye, ‘Nara, Yahudi yala ninye sik weik ninye deiyoknye unune,’ nyalamuk. Nun nyanmap yupu ara winibuka sekmatume,” nyabik.

Yohanes 19:12

Yesus arye ayupu nyabuk talak arye diprongobuka, atalak noutamak nirya ara, Pilatus ara ilil ubukba, ‘Yesus lopdeiptinye’ tenen, lo talak dipdeyuk bukni, sik Yahudi yala ninye deiyok nang arye weik arye nyabik. “Kume, ance anye bira Yesus lopdeipminyopura, Roma mutuku nirya talilul weik deiyoknye Kaisar arye, anti, ‘Anye bira na ka koprop,’ kum tenenamkile. Aning ara talye kum nyapkiyabe. Yatanye do nirya, ‘Nara, ninye deiyoknye,’ nyabuka, si ereldanyak ninye nirya ara, Roma mutuku weik ninye deiyok talibuka, ulul Kaisar ati, yanina atonun ninye unyake. Ati, ayupu atonun nyabuknye Yesus kum lopdeiptume,” nyabik.

Yohanes 19:3

Winibikce, abulubuka wekmek yin talin nang arye, Yesus dam yanuka nyanmek. “Se, anda weik mambulnye. Yahudi yala ninye sik weik ninye deiyoknye, Raja ulyame,” nyabuka, Yesus el urasin deice taruk arye onmek.

Yohanes 18:33

Aninye arye ayupu nyabikura, Pilatus el weik aik pum tamubuka wekelbiyukce, “Yesus dobuka boyanululume,” nyabuka deice arye, Yesus dobuka el dam boyayik. Dopdeibikopura, Pilatus arye Yesus ati asipdeyuk. “Sik aninye arye, anti, ‘Elda Yahudi yala ninye, sik weik ninye deiyoknye, Raja ulule,’ nyakinyak yupu ara dib do? Telila do?” nyabuka asipdeyuk.

Yohanes 1:49

Nyabukura, Nataniel birye mambul kanye bobuka nyabuk. “Se, anda Peterena Deiyoknye, Rabinye dipkoprop ulyame. Na kele, anda Allah el Mi Koprop ulyame. Anda Israel yala ninye nun weik ninye deiyoknye, Sisinanye Raja unamsilame,” nyabuk.

Rasul 26:9

Ara, menopa arye na babye, aning dib tenebuka darabuka ulamse. Ara, Nasaret mutuku deiamiknye, Yesus, el si erelamik ning ap, el peterelamuk yupu ap, el mapu ap, elti, winilamik ning nirya ap ati, ‘Na winilamtinye ning nirya arye, aning yaniptinirye, kum kipdeiptinye,’ tenelamse.

Matius 2:23

Galilea tam biyukopura, tonok mutuku si Nasaret mutuku binuka ulamik. Nasaret mutuku binuka ulamika ara, sik Allah yupu laka nyalamik nang, nabi nang arye ayupu nyalamik. Ara, “Ninye Lyena Deiyoknye bira, ‘Nasaretnye ulule,’ nyapnamake,” nyalamik. Aning ati ara, Nasaret mutuku binuka ulamikce, sik Allah yupu laka nyalamik nang laka nyalamik touk, Nasaret mutuku binuka ulamik.

Lukas 18:37

Asipdeyukura, yuk nang arye, “Yesus Nasaret mutukunye yanganmale,” nyabik.