Yohanes 18:37 - Eipomek

³⁷ Nyabukura, Pilatus arye, “Ayupu nyapmalam ati, anda ninye deiyoknye, Raja ulyame,” nyabuk. Nyabukba, Yesus arye, “Pilatus ance, ‘Anda Rajanye, weik ninye deiyoknye ulyame,’ nyapmanilam yupu ara, dib nyaplame. ‘Weik ninye deiyoknye, Raja unamne’ tenen, tukwak mutuku yase. Adeiyok ati deipnike. ‘Dipkoprop yupu nyanamne’ tenen, tukwak mutuku yase. Dipkoprop yupu kekebuka talinyak ninye ara, na yupu kekebuka diba teneninyake.” Yesus arye nyabuk.

Yohanes 18:37 Referans Kwoze

Yohanes 8:47

Deiyok nyapnusine. Ara, Allah arye anggun kanye talima kum talisilibuk, el mapu kum ululuma anya arye, narye nyasinye yupu kekepmunce, diba kum tenelulume. Bukni, yata ninye do nirya, Allah arye sik kanye talima talibuka, el mapu unyak ninye nirya arye, Allah nyalye yupu kekenyakce, ‘Deiyok anye,’ tenen, moubuka tenebikirye, talinyake. Yesus arye sik Yahudi yala deiyok nang ati nyabuk.

1 Yohanes 4:6

Bukni, nunda, Allah el mapu unyabe. El mikip deice ubirye, yupu nyalamibibuk, Allah diba tenebuka pia talinyak ninye arye, nun yupu kekesinyake. Allah el mapu kekesinyak bukni, diba tenena kumce, Allah kum talinyakce unyak ninye ara, nun nyanyap yupu pia kum kekesinyake.

Yohanes 8:14

Nyabikopura, Yesus arye sik nirya ati, nyabuk. Kume, minop talak na mutuku koprop arye yanamse mutuku ap, na aminyan talak benamne mutuku ap, na kel kiyamsa ati, na bidamnye atibuk, na si erepdatinya babye, na nyasunun yupu ara, dipkopropuk ulule. Bukni, anggun Farisi nang ara, na yanamse mutuku koprop ap, na aminyan talak benamne mutuku ap, anggunda pia walwale.

1 Yohanes 3:19

Allah ara, aning-aning nirya kel kiyamukce, el weik kele arye tenelul ning ara, pia weik ulule. Nun kanye tenen ning noutamak arye, malye ning usilye bukni, Allah arye, “Kume, nati akunum diba tenebuka na nong deice sik kanye akunum deipnike. Ati, sik talima malye ulul ning ara, tuba-tuba kum tenenamne,” teneplirye, talye kanye dosulule.

Yohanes 14:6

Tomas arye nyabukba, Yesus arye tamubuka nyabuk. “Diksukum Bisik ara, nauk unune. Tonda, Dib Koprop Yupu Nyananye unune. Tonda, Kam Una Deiyoknye bira, na tonok unune. Yata nang do nirya, na Ni koprop el dam bana ati, na deice aryuk binamake. Yuk bisik ton pia kum ulule. Yata ninye do nirya, na deice kum yaicopura, na ni Allah un dam kum binamake.

Yesaya 55:4

Narye, ‘Dipkoprop Daud bira, Israel ninye, anggun ninye deiyoknye Raja unamle’ tenen, wipdeiamse. Tonda ‘Yin talin nang, sik weik deiyoknye unamle’ tenen, wipdeiamse. Ara, talye ati kume, Daud erepdeipsiba, aning nirya winilamuk ning deiyok ara ani. Ara, Daud erepdeipsiba, el winilamuk ning ara, ‘Ninye nirya eibikirye, na si ap, na mikip ap, moubuka kel biknamniak’ tenen, winyamse.

Yohanes 7:17

Yata ninye do nirya, sikce, ‘Allah tenenyamsukce, el yupu deice nyasilye touk, aninguk talibuka unamabe,’ tenebikirye dipkoprop ubicopura, kel biknamak ning nyapnusine. Na Yesus arye, na kanye aryuk peterenun do? Na Ni Koprop Allah arye nyanilye yupu uk peterenun do? Ayupu dobolbanyak ninyeuk kel biknamakca,” Yesus arye nyabuk.

1 Peterus 1:22

Ara, Allah el dipkoprop yupu talibuka dobolbalamunya deice arye, malye un ning nirya akunum batakluma anya arye, yuk diba tenena ninye ati, dipkorop kanye deipdanuka, melilanauk ululume. Aning ati ara, pia dipkoprop anggun talima ap, kanye ap, arepdamunce, bico tenebuka, weik arye melinlanauk unamlulume.

1 Timotius 6:13

Na mi Timotiuso, aning nirya, kam una deiyok ning arisilinye Allah ap, Pontius Pilatus dam yupu boban talak arye, yupu teleb ubuka lak arye nyabuknye Yesus Kristus ap, sik bitinye kekebuka dinmasirak deice arye, amambul yupu nyapdeipnukine.

Lukas 23:3

Nyanmeka ati, Pilatus arye Yesus ati asipdeyuk. “Yahudi yala nang sik weik deiyoknye, Raja atonun nyanyaknye bira, an akunum do?” nyabuka asipdeyuk. Asipdeyukura, Yesus arye tamubuka nyabuk. “Diba anyapmanilam touk unune,” nyabuk.

Markus 15:2

Bobinuka arebikbuk, Pilatus arye Yesus ati asipdeyuk. “Yahudi yala nang sik weik deiyoknye ati, Raja nyanyaknye bira, an aulyam do?” nyabuka asipdeyuk. Asipdeyukura, Yesus arye tamubuka nyabuk. “Diba anyapmanilam touk unune,” nyabuk.

1 Yohanes 5:20

Ton kel kibupu ning, ton nyapnusine. Ara, ‘Sikda Pia Dib Koprop Allah, diba tenebuka talipnamake’ tenen, Allah el Mi Koprop Yesus yayukce, kel kina deiyok ning akunum arepsuke. Pia Dib Koprop Allah ap, nun ap, talima dukdongopsukba neika unyabe. Aninguk kume. Allah el Mi Yesus Kristus el bidamnye ap, nun ap, talima dukdongopsukba, neika unyabe. Yesus Kristus elda, Dib Koprop Allah el nong tonok ulule. Tonda, elda, Pia Kam Una Deiyoknye ulule.

Yohanes 3:32

Im deice arye yayuknye birye, el elilamuk ning ap, kekelamuk ning ap ati, laka nyasulul bukni, tukwak ninye nirya arye, el yupu diba tenebuka kum kekenyake.

Matius 26:64

Asipdeyukbuk, Yesus arye tamubuka nyabuk. “Diba, ance nyapmanilam touk na aunune. Ara na uka. Bukni, na dipkoprop nyapsine. Aminyan talak ara, nara Ninye Mi Koprop Atonunye, Allah el Pia Mikipnye birye ereipniliba, el sirik taruk tam bukniba eipnamnulume. Eipnamnulum talak ara, im deice arye dua kan-kan koluka yanamne talak eipnamnulume.”

Matius 27:11

Yesus bobuka, amutuku nirya talyamuk deiyoknye, Gubernur Pilatus el dam bobinuka arebikura, Pilatus arye Yesus ati asipdeyuk. “Yahudi yala nang, sik weik deiyoknye Raja atonun nyanyaknye bira, an akunum do?” nyabuka asipdeyuk. Asipdeyukbuk, Yesus arye tamubuka nyabuk. “Diba, anyapmalam touk unune,” nyabuk.

Wahyu 3:14

Ninye Mi Koprop Atonunye birye nyapnuke. “Yohanes, ance Laodikia mutuku diba tenenyak ninye, sik melin malaikat ati, ayupu sekuka dopdeiplyame. Dopdeipnulam yupu ara, ani.” Ayupu nyapsinye bira, na tenene ning nirya nong akunum upnamla ati, ‘Amin,’ nyananye unune. Nara, batakna pia kum diparyuk, Allah el yupu tuba dipkoprop nyanune. Allah arye kwepdeibuk ning nirya ara, na talinirye, weik deiyoknye unune.

Wahyu 1:4

Amapo, na Yohanes arye, anggun Asia tam noutamak bukni, Allah diba tenebuka, tekbarye mutuku ululum ninye ati, “Telebe,” nyapsince, abuku sekeipsene. Na Yohanes arye, anggun Asia tam ululum ninye ati tenenirye, Allah morosunun ning ara, nyapnusine. Ara, Allah el kanye aryuk bico tenesilirye, melisilye ning ap, kanye imun kanye bona kumce, kanye deibuka teleb una ati arisilya deiyok ning ap, ‘Weika arye arenamsile’ tenen, Allah morosunune. Anyapmasin ning arenamsiak ninye ara nyapnusine. Allah ara, minop talak akunum ulamuka ani, anoutam talak ulirye, aminyan sirya talak ara, yanamlanye birye arenamsile. Tonda, aning-aning deice tam ulirye, weik Ninye Deiyoknye una ati, weik buna ning deice bukliba, el urasin tam ara, Allah el melina dib kanye tekbarye bunyake. Sik adip kanye arye ton arenamsiake.

1 Yohanes 3:14

Yata ninye do, nirya, sikce yuk nang ati, bico tenena kumce, kum melinyak ninye ara, kam una deiyok ning kum doprobikura, sik talima ak kum ulule. Sik pia talye dipnamak ninye, talye nonguk tuba unyake. Bukni, nunda anang atouk kum unyabe. Minop arye nun kanye tenen ning ap, talima ap, dipna atouk ulamubu bukni, wini talak ara, Yesus arye akunum kam bukeipsuke. Pia kam unamaba ati, ila tamubuka tonap, kum dipnamabe. Aning kel kinyaba deiyok ning ara ani. Ara, nunce yuk nang ati, kanye deipdanuka, bico tenebuka melilanyabe. ‘Bico tenebuka melinyaba deice arye, ila tamubuka tonap kum dipnamape’ tenen, kel kinyabe.

Lukas 22:70

Nyabukopura, sik nirye arye Yesus ati asipdeyik. “Aning ati ara, anda, Allah el Mi Koprop ulyam do, kum do?” nyabuka asipdeyik. Asipdeyikura, Yesus arye tamubuka, “Anggunda dipkoprop nyanmalume, nara Allah el Mi Koprop unun ani,” nyabuk.

Markus 14:62

Asipdeyukopura, Yesus arye tamubuka nyabuk. “Anyapmanilamnye bira, natia. Na Ninye Mi Koprop Atonunye, Allah el Pia Mikipnye, el sirik tam bukniba eipnamnulume. Eipnamnulum talak ara, im deice arye dua kan-kan koulukuka yanganye talak eipnamnulume.” Yesus arye nyabuk.

Yohanes 1:14

Yupu nyalamapnye bira, ninye nong atonun dayukce, tukwak mutuku yayukura, nun kan-kan noutamak neika ulamubu. El pia teleb ubuka ulamukba, elilamubu. El pia teleb ulula ara, talye ati kume. Ara Allah el Mi Koprop tonok ululnye bira, el uka. Allah el Mi Koprop ulamukce, el dipkoprop una ap, el dipkoprop yupu nyana ap, el kanye aryuk tukwak ninye ati bico tenebuka, pia melina deiyok ning ap, anye deice weik arye uamuk. Nun ni koprop Allah arye anye bira dopdeipsukba, pia telebuk ulamukak, elilamubu.

Yohanes 1:17

Ayupu nyapmasina deiyok ara, ani. Ara, Allah arye, ‘Wininamlume, aning ara kum wininamlume,’ nyapdeiamukba, Musa kekebukce sekeiyamsuk mem yupu nirya ara, Musa deice arye areamsuk. Bukni, dipkoprop winina deiyok ning ap, Allah arye el kanye aryuk nunti bico tenesilirye, melibuka lyesulul ning deiyok ning ap, tukwak ninye ati melilana deiyok ning ap, ninye lyena deiyok ning nirya ap ara, Yesus Kristus deice arye arisulule.

Yohanes 8:45

Bukni na Yesus arye, anggunti dipkoprop yupu nyasunune anya arye, anggunce ayupu ati dib kum tenenululume.

Yohanes 8:46

Anggun kan-kan noutamak yatanye dipkoprop yupu nyapturye, ‘Yesus malye winibuk ning eipsa ara ani-ani,’ nyabuka wenepnutu do? Pia kumanya arye, narye anggunti dipkoprop yupu uk nyasunun bukni, yata deiyok ati diba kum tenelulum do?

1 Yohanes 2:21

‘Allah el dipkoprop yupu ara anggun walwale’ tenen, ayupu kum seksene. Aning ara kume. Allah el yupu ara, akunum kel kiplume. Tonda, el dipkoprop yupu noutamak ara, tilila yupu tonok babye kum ulule. Aning bitinye ati ning ara, anggun talima mulina ati, ayupu seksene.