Yohanes 10:22 - Eipomek

²² Aminyan talak ara, sik Yahudi yala nang arye, weik kwalina talak ton kintinibik. Akwalina deiyok ara, ‘Allah el si eren aik teleb updeipnamsil’ tenen, Yerusalem mutuku domik aik ati, keting tamun nirya kwalilamik. Ara arukna li noutamak kwalilamik.

Yohanes 10:22 Referans Kwoze

Yohanes 10:21

Nyabik bukni, ton nang ara, “Kume, amapo, elce nyapmasil yupu ara, isa arye ayupu atonun yupu kum nyaptue. Isa Mutuku Dongonye el mikip deice arye asing kuamuknye kweteptuba, teleb ubuka eiptu do? Kume. Anye bira isa talyamuknye kume,” nyabik.

Yohanes 10:23

Akwalina talak noutamak, Yahudi yala nang arye, Allah el si eren aik bukni, minop talak ulamuk Raja Salomo arye koak buna ati domuk aik, el si ara serambi, Yesus arye aning aik aruma amuak bisik banmok.

1 Raja-Raja 8:63

Winibik talak ara, Raja Salomo birye Allah el si Yahweh ati ninye weilamak kam tuba ulamle ning sapi basam 22.000 ap, domba basam ap, kambing basam ap, tabakuka 20.000 ton obuka arebuk. Ara, ‘Na ni Allah, el si Yahweh ap, nun Israel ninye ap, teleb ubuka neika unamap’ tenen, aning arebuk. El ap, sik Israel ninye ap arye, winipmeka deice arye, Allah el si Yahweh, el si eren aik ara, bisik bublan kukna nyalamak touk, anyaik ara bisik bublan kukik.

2 Tawarikh 7:5

Winibikura, ninye deiyoknye Raja Salomo birye, Allah Yahweh si erena ati, ninye arye weilamik kam ning sapi basam, yupa pia weik, dua puluh dua ribu (22.000) ap, domba basam seratus dua puluh (120.000) ap arye obuka arebuk. Ara, ‘Nun ni koprop Allah Yahweh ap, nun Israel ninye ap, teleb ubuka neika unamapʼ tenen, aning arebuk. El ap, sik Israel ninye nirya ap, wininmek deice arye, Allah Yahweh el si eren aik ara, ‘Akunum teleb kipdeipmabeʼ tenen, sah kina ati nyalamakto, aning tenena ati, akunum winibik.

Esra 6:16

Allah el winiryuk aik melibuka don pil sirya dakikopura, Allah el aik pum pil dolamik nang, imam nang ap, sik pil melin nang, Lewi yala nang ap, tonda minop talak Babel mutuku bobinamikba, daulamika ani, tuba tamubuka Yerusalem mutuku yayik nang, wisi nang nirya ap, sik nirya weik arye, kanye deibikce, Allah el si eren aik weknuyik talak ati, mot sebukabikce, kam ning obuka, Allah ati arenmekce, el si erenmek.

Markus 3:22

Tonda, Musa sekamuk yupu peterena deiyok nang, Yerusalem mutuku ulamik bukni, Galilea mutuku yayikce, yuk nang ati ayupu nyanmek. “Isa nirya sik weik deiyoknye el si Isa Mutuku Dongonye, el si ton Belesebul, elce Yesus talibuka pil dolule. Isa nirya sik deiyoknye Belesebul mikip deice arye, Yesus ara, isa mer nirya yakuka dolkwetelule,” nyanmek.