Yoel 3:15 - Eipomek

¹⁵ Atalak ara, keting ap, wala ap ara, kunuknamle. Tonda kurye nirya ara, dirina kum danamle.

Yoel 3:15 Referans Kwoze

Yoel 2:10

Winibuka, ‘Olbinuyap’ tenen, deiyok koubikirye, banamak talak ara, mutuku nirya ap, im ap nirya ara, weik arye luluknamle. Luluklirye, wala ap, kurya ap, keting ap nirya ara, kunuknamle. Atalak kurya dirina babye, pia ton kum upnamle.

Matius 24:29

Aikin talak noutamak bukni, anyapmasin kanye imun ning akunum uplyopura, ‘Aning winipnamle,’ nyabuka nabi Yesaya arye sekamuk yupu atonun winipnamle. Ati, Yesaya sekamuk yupu deice nyapnusine. Ayupu ara ani. ‘Keting ara, kunuknamle. Tonda, wala babye dirina kum upnamle. Tonda, kurya nirya, im deice arye tukwak saknamle. Tonda, im alip tam ulye ning nirya luluklirye, bindaknamle.’ (Yesaya 13:10) “Ayupu ara, nabi Yesaya arye sekamuk yupu nyapsine,” Yesus arye nyabuk. Nyabukce, ayupu tonap nyabuk.

Yoel 2:31

Winiplye talak ara, keting kunuknamle. Tonda, wala ara, ining bi atonun upnamle. Aning nirya wininamle ning ara, Allah Yahweh el tenebuk sum, min kum winipmalye talak bukni, dam uplye talak ati, wininamle. Atalak ara, pia weik mambul anya arye, ilil weik unamsile.” Allah arye nyabuk.

Yesaya 13:10

Malye unyak nang nirya, wenepnamne talak ara, kunauk upnamle ati, kurya tonok-tonok tikilul ning ap, tonokak bulubuka, deiyok tikinyak kurya nirya ara, daksaknamle. Tonda, dirina ara, pia kum eipmanto upnamle. Tonda, keting puruplye talak beren tam, keting dirina ton kum uplirye, kunuknamle. Atonun wala dirina babye, kum eipnamake. Kunuknamla atia.

Markus 13:24

Aikin noutamak talak bukni, anyapmasin ning kanye imun ning akunum uplyopura, “Aning winipnamle,” nyabuka, Allah el yupu laka nyalamuknye nabi Yesaya birye sekamuk yupu atonun winipnamle. Ati, nabi Yesaya sekamuk yupu deice nyapnusine. Ara, ‘Keting kunuknamle. Tonda, wala dirina kum danamle.

Wahyu 8:12

Malaikat dumbarinye birye, el terompet nyabuka deice lelim nyabukopura, adiparyuk keting ap, wala ap, kurya ap malye updeibukba, kunukuk. Ara keting ap, wala ap ara, nong tonok-tonok bukni, anoutamak bokukabukce, mitik tam kunukuk bukni, weik tam ara tuba teleb ubuk. Kurya ara, yupa weik uamuk bukni, winilye atonun bokukabukce, mitik tam kunukukce, weik tam ara, tuba teleb ubuk. Keting ap, wala ap, kurya ap bokuka, mitik tam kunukuka deice arye, keting noutam babye, lukunyan babye, mitik talak ara, dirin kum kibukce, pia kunukuk. Ton talak ara, dirin tuba ubuk.

Penghotbah 12:2

Aminyan talak ikin upnamkila ati, nyapkine. Ikin upkilyopura, an asing kupkilye talak ara, keting ap, wala ap, kurya ap, sik dirina ton teleb kibuka kum eipnamlame. Atalak nirya ara, pia kunukna uk upnamkile. Tonda dua bum tobuka balamle talak ara, mok duk bobuka yangalule. Awininamle ning ara, ‘Na opnilyak’ tenen, an ilil pia weik unamkile.

Yehezkiel 32:7

Narye an opkinirye, kum kipdeipnamkin talak ara, im tam arye, siknipdongopnamne. Tonda kurya nirya ara, singipdongopniba kunuklirye, dirina ton kum danamle. Narye keting ara, dua weik arepnyeba, dua arye lipdongopnamle. Wala dirina babye, kum danamla ati, ninye arye kum eilinamake.