Yoel 2:15 - Eipomek

¹⁵ Allah el ululak, Sion mutuku deice arye, pong-pong ana, el si terompet, lelim weik lepnamlulume. Nyapmunyopura, amutuku ninye nirya kekebikirye, utenepnamake. ‘E, bikilina ati, terompet nyanmaka anya arye, asum ara, weik mambul sum upmala ati, ‘Alelim nyanmak’ tenen, din dina kum deice arye, din si tebuka, bulang unmabirye, Allah moronamaba ati, nyanmak’ tenen, sik nirya bulubuka yanamake.

Yoel 2:15 Referans Kwoze

Yoel 1:14

Ati, sik Israel ninye nirya ati nyapminyeba, din dina kumce, si tebuka ukirye, ‘Dipkoprop asum ara, weik mambul sum’ tenen, ninye weik bulubuka yakirye, yupu talipnamake. Atalak ara, amutuku ninye deiyok nang ap, wisi-wisi nang ap, tonda Yehuda yala nang ap nirya ati, yukupmunyeba, sik nirya arye, Allah el si eren aikuk bulubuka yakirye, Allah Yahweh el tibuk, ‘Se, nun ni Allah Yahweh, ance melipsilyame,’ nyabuka moronamake.

Yoel 2:1

Allah arye, ‘Na tenen mutuku’ tenen, Sion mutuku wibuka, el si Yahweh nyabuka, Sion mutuku deice deibuka ati, elda amutuku ulule. Ati, yanuka tikmunce, pong-pong ana, el si terompet, lelim nyapmunyopura, amutuku ninye arye, ‘Se, mambul sum ati, pitin-pitin kinmake,’ tenepnamake. Se, anggun Yehuda yala ninye nirya ara, awinipnamle ning eipmunce, ilil upsiliba, yok sirim talipnamsile. Ara, urdem ati kume. Allah Yahweh arye, nun malye winin ning dekna ati, ‘Wenepnamne,’ tenebuk sum, akunum dam upmala ati, ‘Se, ikin ning nun dam upmale’ tenen, imun kanye bobuka unamlume.

1 Raja-Raja 21:12

Ara, sik anang nirya arye, Yisreel mutuku ninye ati, “Din dina kum, din urdem unamalulume,” nyapdeipmekba, din dina kum, talye unmekce, tonokak uk bulubuka wekmek. Asukumuk Nabot bira dobuka aninye dinmekak uk, weik nang bulamikak yanuka deipmek.

Bilangan 10:3

Amemepminye ning bitinye deice, weik yupu arye, nyapminye talak ara, sik Israel nang nirya kekebikirye, ‘E, ara, nun nirya bulubuka, Allah el si eren aik, doltakna tnda aik bublan dam yangana ati, yukupmasil ning’ tenen, adiparyuk sik Israel ninye nirya yanganamake.

Yeremia 36:9

Sik nirya daunmeka ani, Raja Yosia el mi, Yoyakin amutuku ninye deiyok kibuka taleamukba, keting tamun pamubarye noutamak, wala sembilan akunum kibukura, amutuku noutamak ulamik ninye arye nyabik. “Kume, nun ni koprop Allah, el si erena ati, din dina kumce, dina bulunguk ubirye, Yerusalem mutuku binuka bulubipyopura, Allah el si erenamabe,” nyabik. Nyabika ati, sik Yerusalem mutuku asik noutamak ulamik ninye ap, Yehuda mutuku noutamak asik yuk-yuk dobuka ulamik ninye ap, sik nirya bulubuka yayik. Ara, Yerusalem mutuku noutamak bukni, Allah el si eren aik dam bululyayik.

2 Raja-Raja 10:20

Winibukopura, Yehu birye, “Ura, Bahal isa, el si erenyaba anya arye, ‘Aning ara, wininamlume. Aning ara, pia kum wininamlume,’ nyan ning arebuk. Ara, tonok weik sum arye, Bahal el si neika erenamaba, ati kintinip deipnamlulume! Winipmunyeba, ninye nirya arye, ‘Asum ara aniʼ tenen, kintinilinamake,” nyabuk. Yehu birye nyapdeibuk touk, winibik.

1 Raja-Raja 21:9

Asurat sekukce nyabuk yupu ara, ani. “Anggunce nyapnululume. Amutuku noutam ara, nun nirya, din dina kum, urdem malamibirye, weik sum kipnamaba ati, tonokak bulubuka weknululume. Nyapmunyeba, sik amutuku ninye bulupmakirye, bukuka dinmakcak pia lakak, Nabot bira dobuka deipnamalume. Ara, weik nang bulamak sukumak buknamlule.

Yesaya 1:13

Anggunce delilyangamunye ning nirya ara, talye dem ati boyangalulume. Winibuka boyangamunye ning nirya ara, dukna dukikiba, tong ati ukinikilongolamak touk, usunune. Narye anggunti lik upniliba, kum dilisunune. Anggunce wala tikilongon talak ap, Sabat sum ap, weik mambul sum ap upliba, Allah yupu kekena ati, bulubuka wekelyangamunyak ara, na like.