Yesaya 7:15 - Eipomek

¹⁵ Ami deibikcopura, nepnin balamlya ani, kanye wisiplirye, din el yuk dobuka dilye talak ara, ‘Malye winin ning ara ani, teleb winin ning ara ani,’ tenen, teleb winin ninguk, wibuka teneplirye unamle. Malye ning nirya ara, kum wininamle.

Yesaya 7:15 Referans Kwoze

Yesaya 7:22

Sik yu nang arye, Yahudi yala ninye umunye mutuku nirya, sirya daknamsiak bukni, amutuku noutam ninye mitik anunuk bataksikiba, kam unamak ninye nirya ara, dipkoprob moum yung ap, bai tam mong mek ap, dibuka unamake. Yuk din ning, aning-aning nirya kum danamla atia.

Amos 5:15

Aning atouk, ‘Malye winin ning ara, nun like’ tenen, pia diksukumuk unamlume. Yata malye winin ning do nirya, malye ning nirya batakmunce, ‘Aning ara, nun like’ tenen, malye ning pia kum wininamlulume. Winibuka umunyopura, dinamlume. Winipmunyopura, nara, Allah Yahweh, Pia Mikip Weik Deiyoknye unirye, im deice unyak yin talin nang nirya talinunye bira, dipkoprob anggunti, melinamsine. Telebuk winimunyopura, narye minopce wenebuka kum opsinirye, tuba tamubuka, tonap bico tenepsinyopura, Yusup el yala ninye ati, teleb updeipnamsine. Ara, anggun apu koproba, Yusup birye deiamukba, dadeipdanin yangalamika ani, wini talak babye ululum Israel ninye ati, na Allah Yahweh arye anggunti, bico tenesipnirye, melinamsine.

Matius 3:4

Yohanes arye unta basam bola kobuka, potong kepman baju wibuka ongolamuk. Abasam bolauk deiyatinga delilamuk. Tonda, Yohanes arye mong mek ap, sul kwising ap, dilamuk.

Lukas 1:35

Asipdeyukba, malaikat arye tamubuka Maria ati nyabuk. “Allah El Dib Kanye an nong deice deipkilirye, Allah el mikip ara, kanya atonun an nong deice unamkile. Winipnamkila deice arye, mi bominya ani, aminyan talak, malye winin ning tonoknye babye, pia kum wininamle mi deipnamlama ati, ninye nirya arye, ‘Ami ara, Allah el Mi Koprop,’ tenebuka nyanamake.

Mazmur 51:5

Na nyapmakin yupu ara, talye ati kum nyapne. Na malye winipse ning ara, narye akunum kel kipmana ati, laka arye, lak nyapkine. Tonda, na malye wininun ning ara, pia tuba tenenauk ununa anya arye, mambul kanye bonune.

Roma 12:9

Ura, anggunce, ‘Yuk ninye nirya ati, bico tenebuka melinamabe,’ nyabuka tenepce arye talye yupu nyabuka, kum wininamlum bukni, dipkoprop yuk ninye ati pia bico tenebuka melipnamlulume. Tonda, malye winin ning aning-aning nirya ati, ‘Aning ara pia nun like’ tenen, bataknamlume. Malye ning tonok babye talibuka kum unamlume. Teleb winin ning yala-yala nirya ati, aninguk talipmunce kanye deibuka diksukumuk unamlume.

Lukas 2:52

Allah arye Yesus ati, kanye deibukce, pia melilamukura, Yesus el nong ap, Allah arye winin ning kel kina deiyok ning ap, weik winilamukura, ninye nirya arye elti, kanye delilamik.

Lukas 2:40

Birikce, sik daulamika ani, Allah arye Yesus ati, kanye deililamukce melilamukura, weik arye nepnin balamukce, el nong mikip ap, Allah winin ning kel bikna deiyok ning ap, el kanye talima noutamak, weik upnin balamuk.

Kejadian 18:8

Elce nyapmok touk, sik nirya akunum winibikopura, din ning kintinipmik arye, susu ap, sik dapmek tup ap, din ning el si keju ap, dobukabukce, ninye asik nang winilye nang ati arebuk. Arebukopura, sik dinmek talak ara, Abraham arye, ayo deiyok dam bukuka dinmok.

Ulangan 1:39

Tonda, ayupu nyapdeipnukopura, Allah Yahweh arye, nun nirya ati, nyapdeiamsuke. Ara, ‘Anggunce delimunye mapu ara, sik kanye kum deiamnyaka anya arye, sik ‘Malye winin ning ara ani. Teleb winin ning ara aniʼ tenen, kum biknamake. Amitik mapu nirya ara, sik ton malye kum winilamika ati, ateleb mutuku ara, amapu ati arepniba, binuka weknamake. Amitik mapu ara, minop talak anggun Israel nang arye, ‘Se, nun mal olan nang arye, nunti opsikcopura, nun mitik mapu alubuka dopropnamsiake,’ tenelamlume. Bukni, amitik mapu ara, sikce ateleb mutuku arepniba, binuka wekikirye, amutuku talibuka, teleb kibuka unamake. Allah arye nyapdeiamsuke.