Yesaya 6:8 - Eipomek

⁸ Nyapnuk talak uk, Allah arye yupu ton nyanmokba, kekepse ning ara, ani. “Yatanye wipdeipniba, na yupu nyalbinamle do? Nun yupu laka nyalbana ati, yatanye birye nyalbinamle do?” Allah arye nyapmokba kekepse. Nyabukura, narye nyapse. “Kume, na aunman ati, ance na uk wipdeipniminba, narye an yupu laka nyalbinamne,” nyapse.

Yesaya 6:8 Referans Kwoze

Efesus 3:8

Na kanye ara, Allah el mapu nirya ara, ilil weik asa unyak bukni, na Paulus ara, ilil pia kumnye unune. Nara, ilil pia kumnye ununa babye, Allah el kanye deipnukce, ‘Paulus ara, Ninye Lyena Yupu, Kristus el pia teleb yupu bobuka, Yahudi yala kum ninye peterelbinamle,’ tenepnukce, wipdeipnuke. Allah arye, Kristus deice kintinipdeipsukce, el ap kanye dukdongobuka upyopura, arenamsil ning nirya ara, nukmanto kum ati, nunce kum biktibye.

Rasul 22:21

Nyabuk akarye, ayupu ton nyabuk. “Nyapsibuk, nun ni kopropa Yesus tamubuka nyapnuke. ‘Dabilyame. Yahudi yala kum ninye unyak mutuku, pia karin mutuku dabinamlyame’ tenen, ‘Wibuka dopkwetepnamkine,’ nyapnuk,” Paulus arye nyabukabukce, awekmek nang ati, laka nyanmok.

Yesaya 65:1

Na Allah Yahweh arye nyapsine. Na kum wiamse ninye, yuk pera mutuku ninye arye, ‘Allah Yahweh ara, yatanye do?’ tenen, nati minop talak kum asilelamnik ninye arye, wini talak ara, nati “Allah ara, yata tonye do? yatato Allah ulul do?” nyabuka asileninyake. Tonda, minop talak ara, ‘Nun ap, Allah Yahweh ap eipdatibye’ tenen, nati kum elamnikce, pia kum morolamnik ninye bukni, wini talak ara, sikda nati eninyake. Wininyak ninye ara, nati, “Nun ni,” nyabuka moropnetingopura, narye kekebuka meliptinye. Narye sikti, “Na aunune,” nyanamne.

Rasul 20:24

Nun deiyoknye Yesus arye, pil arepnuk ara, Allah el kanye aryuk nun bico ati, Yesus deice lyepsilirye, talye melisulul yupu, el laka teleb yupu peterena pil arepnuke. ‘Apil nirya doptinirye, sirya daktinyopura, anyuk ara, pia teleb,’ tenenune. Yesus arepnuk pil ara, ‘Pia dopra balamnya ani, sirya daknamne’ tenen, na ona babye, dipna babye, telebe uka. Na kam una ara, ‘Na’ tenen, tenena kum arye, ‘Urtalya, daopnitinge,’ tenenune.” Paulus arye nyabuk.

Kejadian 1:26

Winibukopura, Allah arye, nyabuk. “Nun unyaba atonun ninye ton kwepdeinuyabe. Nun urasin atonun tukwak ninye kwepdeibibyeba, ninye arye, tukwak mutuku ning nirya ara, talibuka deiyok nang kibuka unamake. Ara, laut mekwen noutam ulye ning ap, mek pum bal ikan ap, tonda im deice lakuka balamle maka ayala-yala nirya ap, ninye arye weinamak ning yala nirya ap, tuku deice yanibuka banamle ning nirya ap, ara, tukwak mutuku im sirya, mutuku sirya unamle ning nirya ati, tukwak ninye talibikirye, deiyok nang kibuka unamake.” Allah arye nyabuk.

Kejadian 11:7

Winibicak tenen ati, tukwak mutuku u binamabe. ‘Sik neika yupu talilamikibuk, moubuka kum kekepdanamake’ tenen, sik yupu deiyok, pia yuk-yuk kipdeipnuyabe. Winibipyopura, sik nirya pia kum kekelanamake.” Allah arye, nyabuk.

Yehezkiel 1:24

Sik akam un ning nirya, pol deice arye lakuka banmekba, pol lelim weik arye nyanmokbuk kekepse. Ara, weik mek lum sakanmalirye, lelim lelamle atonun, nyanmoke. Tonda, yin talin nang arye, ‘Yuk nang olbinamap’ tenen, yin lelim weik arye nyalamak touk nyabik. Tonda, aning-aning nirya, talibuka deice tam ulirye, Weik Erenanye, el yupu weik arye nyaliba, lelim weik lelamle tonun, sik lakuka banmek talak ara, sik pol lelim weik nyabik. Winipmanto ara, yin talin nang weik arye bulubikirye, yupu weik arye nyakiba, lelim weik nyalamak touk, banmek talak ara, weik lelim nyanmek. Bukni, sik tunim abuka unmek talak ara, sik pol ara, tukwak tam deibikba, sik pol lelim tunim abukura, anirya tunimabuk.

1 Raja-Raja 22:20

Aning eipsiba, Yahweh arye ayupu nyabuk. “Yatanye birye yupu nyapdeipmalba, Ahab birye ‘Ramot Geleat mutuku nang olbinaman’ tenen, banmalaba, anang arye elti, opnamak do?” nyabuk. Nyabukura, abulupmek yin talin malaikat nang arye, bin ton yuk, bin ton yuk, “Aning winipnuyap do? Aning winipnuyap do?” nyabuka, yupu yuk-yuk nyanmek.

Yehezkiel 10:5

Malaikat urasin atonun ning, el si Kerub, pol dana-dana arye, lang-lang nyanmeka deice arye, weik lelim nyamukba, Allah el aik pum noutam babye, bai tam aik dam bukni, mitik pere sukum nirya babye, lelim weik nyanmokba kekepse. Alelim kekenmase ning ara, Allah Yahweh aning-aning nirya talibuka, Pia Mikip Weik ululnye birye, el yupu nyanmaliba, lelim nyalamle touk, nyamukba kekenmase.

Kejadian 3:22

Atalak aryuk, Weik Deiyoknye Allah, el si Yahweh arye, nyabuk. “Nunce, ‘Malye ning ani, teleb ning ani,’ tenebuka moubuka kel kinyap touk, Adam akunum tenipmala anya arye, nun mitik anun unyaba atonun akunum uple. Ati, talye namin kibibyopura, aminyan ara, Kam Una Deiyok yo duk ton dakuka diplyopura, pia kam unamle. Aning ara, kum winiptua ati, yupu seknune,” Allah arye tenebukce nyabuk.

Rasul 9:4

Saulus tuku deice puplobuka lalakmok bukni, ninye yupu atonun arye “Saulus Sauluso. Yata ati ikin ning na nong deice deilinilyam do?” nyabukura, kekebuk.

Rasul 26:19

Nyabukopura, Paulus arye ayupu ton dukdongobuka nyabuk. Aning ara, Paulus arye ayupu ton nyabuk. Aning ati ara, na ni Raja Ageripao, im deice arye lengdar atonun dopkwetepnukura, eipsirye nyapnuk ara, kum batakse. Yesus arye nyapnuk touk tuba wininune.

1 Samuel 3:4

Winipmokbuk, Allah el si Yahweh arye, Samuel biti yukubuk. Yukubukba, Samuel birye “Naio na aunman atia,” nyabuk.

Yehezkiel 9:1

Allah arye, “Yerusalem mutuku nang ati, bico kum tenepnamne,” nyapnukopura, ayupu ton dukdongobuka nyabuk. Na Yeheskiel birye kekenmasiba, Allah arye weik yupu deice arye nyabuk, “Sikda, Yerusalem mutuku weik asik domik ning ati, kalikina deiyok nang yukupmunce, ayin nang asukum boyanamlume. Anyasik kalikinyak yin talen nang ara, yuk-yuk bukni, sik nirya ara, sik taruk arye yin do, yuk ninye on ning do, aning bobikirye, yanuyake,” nyabukba kekepse

Kejadian 22:1

Abraham bira, amutuku pia daulamuka ani, aminyan talak ara, Allah arye, ‘Abraham bira nati, pia dipkoprob tenelamnil do? Na nyapnye touk aninguk winipnamnil do, kum do?’ tenen, asipdeyuk. Asipnamok ati, yukubuk. “Abraham, Abrahamo,” nyabuka yukubukba, Abraham birye, “Naie, na aunmane,” nyabuk.

Kejadian 22:11

Taruk ereptalibuk bukni, Allah el si Yahweh arye, im deice pil donanye, Malaikat tonoknye dopdeibukba, im deice arye, Abraham biti yukubuk. “Abraham, Abraham,” nyabuka yukubukba, Abraham birye tamubuka, “Na aunmana atia,” nyabuk.

2 Samuel 1:7

Sik Pilistin nang arye, ‘Saul opnuyap’ tenen, ‘Dobolbanmek ati bindopnun’ tenen, bindeyukbuk, el dam akunum yayik ati, Saul tamubuka dipdenukce, na eipnukopura, yukupnukba, na bisirye nyapse, ‘Naio yata wiribuka melipkitinye do?’ nyapse.