Yesaya 6:2 - Eipomek

² Tonda dinmasiba, malaikat sik si Serafim arye, dana-dana tam nirya tikuka, antanap dongopmekba, sik urasin atonun upmeka ara, sik pol ara, 6 uamuk. Sik pol bitinye arye, sik urasin tam lelipdongopmek. Ton bitinye pol ara, sik yan nirya lelipdongopmek. Atonun, sik pol bitinye ara, erebuka laka banmekba, eipse.

Yesaya 6:2 Referans Kwoze

Wahyu 4:8

Akam unyak ning dumbarye nirya, sik yuk-yuk bukni, sik pol ara naku barye ubuk. Sik nong bol deice ara, asing pia weik ubuk. Sik pol amu tam babye asing ubuk. Sik nong ap, urasin ap, anyapmasin touk ubukba eipse. Lukunyan babye, keting noutam babye, batakna pia kumce, tuba-tuba ayupu pia nyanyake. “Minop talak ulamuka ani, wini talak tuba ulirye, aminyan sirya talak yanamlanye bira, aning-aning nirya malye kibuka, aning nirya deice tam ulirye, weik mikipnye ulule. Elda nun Weik Deiyoknye ulule. Elda malye winin ning tonok babye kum ulula ati, pia telebuk pia telebnye ulule, pia telebuk pia telebnye ulule, pia telebuk, pia telebnye ulule,” nyabuka mot senyake.

Yehezkiel 1:11

Sik nong deice dana-dana tam, dumbarye ubuk ning nirya ara, maka pol atonun ubukura, sik pol nirya erebuka talilanmek. Sik nong nirya pol bitinye arye, dinikdongopdayikce, ton pol bitinye ning ara, yongkaleklobikba, sik nong nirya pakupdongobukba eipse. Ati, tonok kam ulamuk ning, el mining dam tikmok kam ning ara, sik pol epdanuka unmarik. Ton tam pol bitinye arye, sik nong yuk-yuk bukni, sik nonguk kitibuka, dungnupdongoprik. Sik nirya atonun wininmekbuk, narye eipse.

Mazmur 104:4

Aning-aning nirya talibuka ulyama anya arye, kum ap, uku ap ara, an amu tam bukuka ulula anya arye, ance, ‘Winipnamle,’ tenepminye touk, an piluk dolule. Tonda, bebeya lakna ara, an melina ninguk ulule.

Mazmur 103:20

Aning ati ara, Allah el im deice pil talibuka donyak nang, sik malaikat nirya ara, Allah elce, “Winamlulume, amutuku binuka pil donamlulume,” nyalilul yupu nirya, kekepmunce, anyalye touk pil dobuka ululume. Anggunda, mikip weik malaikat ululume. Allah aryuk, “Wininamlyame,” nyabuka arisilye yupu nirya ara, kekebuka ululume. Ati, anggun malaikat-malaikat nirya babye, Allah Yahweh, el siuk erenamlume.

Yesaya 6:6

Nyapse bukni, tonok im deice ululnye, malaikat Serafim, na dam lakuka yanmokce, uku tuba dinmok. Uku sirika ara, tau arye dobuka boyayuk. Aning ara, Allah el si erena ati, kam ning obuka, uku danyak sukum arye, tau arye dobukabukce, uku dinmok kalum bobuka, na dam boyanuk.

Mazmur 18:10

Aning winipkuk talak ara, ance im deice kukuka dinmalumce, tukwak mutuku yalume. Tukwak mutuku yalum talak ara, pia mirin dua ara, an yan amu tam upkukba, adeice arye yalume.

1 Raja-Raja 6:24

Tonda amalaikat atonun ning, el si Kerub, el pol dana tam pol babye, dana tam pol babye 2 setengah meter (2.5) atonun ubuk. Ton tam pol arye, otam pol dinikil bana ara 4 setengah meter (4.5) atonun ubuk.

Wahyu 14:6

Aninye nirya eipsopura, tonok malaikat ton im noutamak lakuka banmokak, eipse. Minop talak arye dipdongobuka wini talak noutamak nirya, Allah arye el laka teleb yupu, ninye lyen yupu nyalul yupu ara, amalaikat arye doprobukce, laka nyapra banmok. Nyapra banmoka ani, atalak tukwak mutuku im sirya, mutuku sirya nirya noutamak, tuba ulamik ninye kekelamik. Ara im sirya, mutuku sirya nirya unyak ninye ap, ninye ayala-ayala nirya ap, yupu yuk-yuk nyanyak ninye nirya ap, weik mutuku noutamak unyak ninye (negara-negara) ap, ‘Ninye lyena ati laka teleb yupu Kekenamak’ tenen, amalaikat arye ayupu nyapra banmokba, kekepse.

Wahyu 8:13

Aning nirya wininmokba, dinmasi talak ara, tonok Bib Seng-Seng ana maka arye, im noutamak lakuka banmokce, ayupu nyanmok. Elce nyanmok yupu ara, ani. “Sik yuk malaikat winilye nang arye, sik terompet deice lelim nyabikiba, anggun tukwak mutuku ululum ninye nirya ara, weik kanye imun ning winilye tonap yanganamsila ati, anggunda bicoe. Se, anggun bicoe, bicoe, bicoe,” nyabuka, lakuka banmokce nyabukak, kekepse.

Wahyu 7:11

Ayupu nyanmek talak ara, sik malaikat nirya ara, sirya tam antanapdongobuka tikmek noutamak ara, sik 24 wisi deiyok nang ap, sik dumbarye kam unyak ning ap tikmekba, noutamak ara, Allah el weik bun ning deice bukmokak eipse. Eipse talak ara, sik nirya arye, ‘Nun Ni kopropa Allah kibuka, el si erepnuyap’ tenen, el bun ning urasin tam gutam tuku dipdongobuka bukmikce, ayupu nyanmek.

Daniel 7:10

Atalak ara, el yanuka bukmoka dam arye, weik mek balamle touk, uku dilamuk mek, kutukuka sakukce biyuk. Winibukba, im deice ninye, yupa pia weik, nukmanto kum beribu-beribuan ap, berjuta-jutaan nang ap nirya arye, el tibuk kanye deibikce kinmek. Sik nirya arye, ‘Elce tenebuka nyapsilye touk wininamap’ tenen, el dam kintinibuka kekenmek. Atalakuk, sik im deice unyak ninye, pia kum nukmanto ninye ton, el dam yanuka wekuka, antanap dongopmek diparyuk, tukwak ninye nirya bukni, sik yuk-yuk winilamik ning, sekiamuk buku yanuka deibikce, ‘Ninye yupu bokeipnuyap’ tenen, abuku yanuka yok deibik.”

Yehezkiel 10:21

AKerub nirya babye, yuk-yuk bukni, urasin dumbarye uamuk. Tonda, sik pol nirya bitinye otam, atam ubuka anya arye, anirya isibuka dumbarye uamuk. Tonda aning atonun, ninye taruk urasin ulamle touk, uamuk ning ara, sik pol amu tam uamukba eipse.

Yehezkiel 1:24

Sik akam un ning nirya, pol deice arye lakuka banmekba, pol lelim weik arye nyanmokbuk kekepse. Ara, weik mek lum sakanmalirye, lelim lelamle atonun, nyanmoke. Tonda, yin talin nang arye, ‘Yuk nang olbinamap’ tenen, yin lelim weik arye nyalamak touk nyabik. Tonda, aning-aning nirya, talibuka deice tam ulirye, Weik Erenanye, el yupu weik arye nyaliba, lelim weik lelamle tonun, sik lakuka banmek talak ara, sik pol lelim weik nyabik. Winipmanto ara, yin talin nang weik arye bulubikirye, yupu weik arye nyakiba, lelim weik nyalamak touk, banmek talak ara, weik lelim nyanmek. Bukni, sik tunim abuka unmek talak ara, sik pol ara, tukwak tam deibikba, sik pol lelim tunim abukura, anirya tunimabuk.

Yehezkiel 1:9

Akam ning unmek ning, sik pol nirya ara, neiktoto lang-lang buka banmikce, singnilanmekak, eipse. Sik pol mouse siryak nirya ara, bol pibuka lingnipdanin banmik. Sik banmek talak ara, pung bisikuk banmekce, bisik ton kirikuka kum banmek. Diksukum bisikuk banmekba eipse. Sik banmek talak ara, sik nong nirya tamubuka dilina pia kumce, pung diksukum diamuk banmekba, narye eipse.

Yehezkiel 1:6

Adumbarye kam ulamak ning ara, mitikto ninye urasin atonun upmek bukni, adumbarye ning sik nong ara, tonok bukni, sik urasin ara, yuk-yuk dumbaryeuk unmek. Sik nong ara, tonok-tonok unmek bukni, tonok nong ara, kisok ap, urasin ap ara, dumbarye ubuk touk, sik pol babye yuk-yuk dumbarye ubuk. Sik nong deice nirya awamuk pol ara, maka pol atonun ubukak, narye eipse.

Ayub 15:15

Na kanye ara ani. Ara, Allah arye amu tam bukni, im deice el pil don nang, sik malaikat ati, ‘Sik nirya ara, pia dipkoprob, teleb piluk donyaka,’ diba kum tenelule. Tonda, im deice ulye ning nirya ati ara, Allah arye, ‘Aning nirya ara, malye winina pia kumce, dipkoprob pia telebuk ulula ati, na dam yangana telebe,’ kum tenesilul.

Ayub 1:6

Ayub diksukumuk ulamuk bukni, Allah el pil dona nang malaikat dilamikce, ‘Nun ni koprop Allah damak unamap’ tenen, biyik talak ara, isa sik deiyoknye Isa Mutuku Dongonye babye, sik neika biyik.

1 Raja-Raja 22:19

Ayupu nyabukura, Mikha birye tamubuka nyabuk. “Dipkoprop nyapmakine. Ati ara, Allah el si Yahweh arye, nyapmakil yupu kekepnulyame. Aning-aning nirya talilulnye Yahweh, el bunak bukmokba, el pil don nang yin talin malaikat wekuka el kwanim tam ap, el sirik tam ap, tikmokak bukmokba, eipse,” nyabuk.

1 Raja-Raja 8:7

Winibikura, amalaikat urasin atonun ning, dana-dana nirya, sik pol bitinye arye ayo lakase arye domik marikna ap, amarikna bobana ati cang yo ap singnipdongoprik.

1 Raja-Raja 6:27

Solomo birye, aKerub bitinye dobuka, pia Teleb Aik pum tam deibuk. Anyaik noutam deibukba, atam Kerub el pol ara, otam abilinga ak bol pipdongobuk. Atam Kerub el pol ara, atam abilinga bol pipdongobuk. Anyaik noutam ara, sik noutam pol ara dukdongopdarik. Atam Kerub babye, otam Kerub babye, sik pol laklobuka lelebuka tikrik.

Keluaran 37:9

Winipdeibukba, aKerub bitinye, sik pol ara, apeti marikna deice ara, otam arye, atam arye, dam koprobuk epdarik. Winibukba, aKerub sik pol sirya tam ara, yanuka epdadikce, dam koprobuk kipdik. Akerub pol otam arye, atam arye epdadik ning ara, Allah arye, “Aning ara, winilamlume, aning ara, pia kum wininamlume,” nyapdeibukce, sekdeibuk yupu, Musa birye, apeti yo marikna pum tam dongobuk ning deice ara, lelipdongoprik. Apil nirya ara, Bezaleel birye dobuk.

Keluaran 25:20

Memep deipmunyeba, aKerup bitinye, sik urasin ara, tonok noutamuk kipdeipmunyeura, dilanamdake. Winipdikirye, sik pol epdadikirye, anoutamuk, pol kup-kup dukdongopdanamdake. Winipdikirye, sik urasin babye, tonok tam noutam bisikuk kipdikirye, dilanamdake. Ara, amarikna pum peti, el deice tam bublan, el si Kalulongona Perdamaian, asukumuk dilanamdurake. Akalulongona deice arye, sik pol ara, apeti yo pum tam bukni, noutam bisikuk, atam ap, otam ap, mining damuk dipdongopdanamdake.

Mazmur 89:7

Diba, nun ni Allah Yahweh, an uminye mutuku im deice ara, Allah an uminya atonunye ton, kum ulule. Tonda, im deice unyak malaikat nirya babye, an touk ton kum unyake. Allah Yahweh, an uminya atonunye ton, pia kum ulule.

Ayub 4:18

Atonun, Allah el pil dona nang, sik im deice unyak nang malaikat babye, mitik anun arye, malye winipmanto unyaka anya arye, Allah arye el malaikat nirya ati, ‘Diksukumuk unamake,’ kum tenelule. Aning atonun, Allah el im deice arye yanuka yupu laka nyapra ban nang, malaikat malye winibicopura, Allah arye sikti, ‘Malye winipmaluma ara, anye,’ nyabuka wenelule. Sik tukwak mutuku unyakce, pil donyak nang babye, mitik ton malye wininyaka anya arye, Allah arye sikti, ‘Diksukumuk unyake,’ kum tenelule.

1 Raja-Raja 19:13

Elia anyabuk yupu akunum kekebukopura, el ongolamuk cang baju kwiribuka, asok deice siknipdongobuk. Akunum siknipdongobukopura, akeil deiya unmokak arye kubuka, akeil dupak binuka tikukba, ninye yupu atonun arye nyabukba kekebuk. Ara, “Elia anda yata deiyok ati, amutuku yanmalam do?” nyabuk.

Keluaran 3:6

Nyabukce, Allah arye Musa biti, ayupu ton nyabuk. “Nara, an apu yapu Abraham ap, Isak ap, Yakub ap ati, sik melipnin yangalamsinye bira, na akunume.” Nyabukura, Musa arye, ‘Se’ tenen, el urasin lelipdobuk. Winibuka deiyok ara, ‘Kume Allah ara, na ilil’ tenen, ‘Kum eiptinye’ tenen, lelipdobuk. El ilil weik ubuk.

Kejadian 17:3

Nyabukura, Abram kekebukce, ‘Se, na ni Allah ati, si ereipnun’ tenen, tuku deice sakuka mabukce, kisok kanupdongobuk. Winibukopura, Allah arye, ayupu ton dukdongopbuka nyabuk.

Ibrani 1:7

Allah arye, el malaikat nirya ati tenebukce, ayupu nyabukba, Mazmur yupu deice arye, adomon yupu sekamik. Ayupu ara ani. ‘Allah arye, el im deice pil don nang malaikat ati, sik winina yuk ning urasin yuk kililulba, kumanya atonun dakirye, unyake. Tonda, sik urasin yuk kililulba, uku buk ulamle atonun dakirye, el pil melibuka donyake.’ (Mazmur 104:4)

Lukas 1:10

Pil donmoka ani, nintong teleb ning uku dongopnuyuk talak ara, ninye weik anyaik dam bulubuka Allah moronmek.

Zakaria 3:4

Ati, Allah Yahweh, el pil dolul malaikat arye, yuk im deice pil melibuka don malaikat nang ati, nyabuk. “Ura, imam Yosua birye, sung-sunga palibuk baju ongopmal ning ara, anggunce kwiribukapmunce, donoklulume,” nyabuk. Tonda, Yosua elti, nyabuk, “Wini talak ara, winipmanto ning ara, sung-sunga palibuk baju ongopmamu ning, kwiripnamakiyaka atonun, narye an malye winiplum ning nirya ara, akunum dobuka donoknirye, kum kipdeipne. Winipkince, wini talak winiryuk baju punubuka arepnukine. Ara, teleb kanye delin sum deice, ninye arye, ‘Weik tonun kwalya kwalipnuyapʼ tenen, pia teleb baju ongolamak ning atonun, akunum arepkiniba, ongopnulame. Deiyok ara, an malye winilalum ning nirya ara, akunum kum kipdeipmakine.” Malaikat arye nyabuk.

Daniel 9:21

Allah moronmasiryuk dinmasiba, malaikat Gabriel, yayuke. Gabriel bira, Allah el yupu nyapliba, ayupu bobuka, lak nyalbananye ulule. Gabriel bira, asum lengdar mapmasa deice eipmasinye bira, Gabriel el uka. Na tuba Allah moronmase talak, Gabriel lakuka min yuma yangayukak, eipse. El yayuk keting ara, sintam ninye arye, Allah el si erena ati, kam ning obuka, uku dalamak ketinguk, yangayukak eipse.

Yehezkiel 10:16

Akerub banmek talak ara, sik nong dam bukni, amu tam uamuk roda, yan serek babye, neik bisikuk banmek. Tonda, atonun, sik Kerub nirya arye, sik pol nirya laklopmekce, banmek talak babye, sik yan dam uamuk yan serek ning babye, melibuka banmek. Mining damuk, neika tonok kibuka unmek.

Yehezkiel 1:4

Allah arye, yupu nyapnuk talak ara, narye dipkoprob dinmasiba, kumanya mikip weik ning ton, outam arye dobukba, mikip weik asa arye, dua bum kat ning weik arye, bopdakuka yayuk. Adua deice ara, uku buk weik arye lengerekenmokba, adua dana-dana tam nirya ap, im deice tam nirya ara, dirina pia weik ubuk. Auku noutam, kiklina ara, kat ning uku pakanmalye noutam dapmakibuk, buppu pia weik uplirye, bi ubuka ongolamle touk ubuk.

Nehemia 9:6

Tonda, sik Israel ninye arye, nyabik. Yahweh an tonok ara, dipkoprob Allah ulyame. Yuk ton kum ulule. Ancuk im deice kwepdeiplume. Ancuk im deice ulul ning kurya ap, wala ap, keting ap, aning-aning nirya kwepdeiplume. Tonda, laut mekwen ap, laut mekwen noutamak ulul ning ap, tukwak mutuku ap, tukwak mutuku noutamak ulul ning ap, nirya ara, ancuk kwepdeiplume. Winiplumce, aning-aning nirya kam una ati, isin areplumce, meliminba, tuba kam unyake. Ati ara, im deice yin talibuka unyak malaikat nirya arye, an si erena ati, kisok kanupdongobuka si erekinyake.