Yesaya 44:4 - Eipomek

⁴ Sik aninye unamak ning ara, mek kup-kup ak mutmuta paplirye, teleb kibuka tiklamle atonun unamake. Tonda kwilim yo atonun, el si ara gandarusa yo, mek kup-kup tiklirye mek pum tam yating dongopliba, bok teleb ubuka palamla atonun, ance deipminba dadeipdanin banamak ninye babye teleb ubuka weika tonun upra banamake. Tonda sik mikip weik upra banamle.

Yesaya 44:4 Referans Kwoze

Yesaya 58:11

Na nyapsinye ning winipmunyopura, na Allah Yahweh arye, pia tuba talibuka bobasinirye, kalikisiniba, telebuk mikip arye unamlume. Tonda, anggun tuku ilimak ululuma babye, narye anggunti, pia tuba-tuba melibuka kalikisiniba, anggun din dipmunye babye bounamsile. Winipmanto ara, ninye arye koun ning koubikiba, mok weik cepliba, teleb kibuka palamle ning atonun, narye melipsiniba, teleb unamlume. Atonun, tonda mek pu ara, cena kumce, mek pia tuba balamle touk, pia melipsiniba, telebuk unamlume.

Mazmur 1:3

Allah yupu moubuka tenelulnye bira, el wininamle ning nirya ara, telebuk wininamle. Anye el wininamle ning nirya ara, winipmanto ninye arye mek kup-kup ak yo koubikiba paplirye, bok teleb kibuka paplirye, duk moun talak li nirya ara, batakna kumce, teleb kibuka duk moulule. Tonda ayo bok kolubuka, kum saklamla atonun, Allah ati diba tenelulnye birye, wininamle ning nirya ara, telebuk wininamle. Deiyok ara, Allah arye diksukumuk wininyak ninye ati melilamliba, telebuk wininamake.

Yehezkiel 17:5

Ayo taruk asukumuk deibukopura, amutuku noutam ulamik nang, sikce winibuk koulamik yo taruk ton doprobuk. ‘Rajawali maka arye, aning winiryuk yo koupnamle’ tenen, akunum kintinip deiamukak yanuka, winiryuk yo koubuk. Ara, pia tuku teleb uamukak yanuka koubuk. Akoubukak ara, mek ton pia cena kume, banauk ulamuk.

Rasul 4:4

Sik Saduki nang arye dib kum tenebik bukni, sik peterenmarik yupu kekenmek nang ara, yupa weik diba tenebik akarye, Yesus minyuma dib tenelamik nang ap, tabakuka yupa weik pamubarye ribu (5.000) nang kibik.

Rasul 5:14

Ton ninye ara, utenelamik bukni, ton ninye ara, sal babye, kilapu babye, Yesus diba tenebuka tabaknin balamik akarye, minop talak, Yesus ati dib tenelamik nang ap, tabaknin balamikura, Yesus ati dib tenelamik nang yupa ara, weik kipnin balamuk.

Yesaya 61:11

Winipmanto ara, yala ning dokikiba paplirye, weik tonun nelamle atonun, Allah Yahweh arye pia diksukum winipnamle ning, ninye lyen ning arepliba, lyenamla deice arye, ninye weik upra banamle. Ara, ninye lyen yupu peterepra bakibuk, ninye weik tonun arye diba tenebikirye, tapakra bakibuk, diba tenena ninye pia weik upnin banamake. Allah Yahweh arye, Weik Erena Deiyoknye ulirye, ‘Wininamne,’ tenelye touk, el mikip arye ninye winipman kum ning winilulnye, Allah arye lyen ning weik areplyopura, ninye mutuku-mutuku nirya, Allah el unamle ning eibikirye, Allah el siuk erebuka kinamake.

Imamat 23:40

Asum like tonok ning deice ara, yo duk moulamle yo binuka, pia teleb yo duk dakuka, nati arepnamnulume. Tonda, kapce bok atonun bok ap, tonda yuk talye yo taruk bukni, bok weik wamlye ning ap, dobuka kintinipnamlulume. Ayo taruk weik tonun talipmunce, erebuka kwakdupmunce, na si erenamnulume. Atalak noutam ara, ikin kanye bona kume. Teleb kanye bobuka, pin-pin asa arye, na si Yahweh ati, si erenamnululume. Winipmamunya ani, like tekbarye sum akunum uplyopura, akunum ati bataknamlulume. Aning nirya wininamlum ning ara, aketing tamun, aketing tamun noutam nirya, wala tekbarye ning akunum kiplyopura, apil donamlulume.

Ayub 40:22

Akam ulye ning ara, balamle mek dam bukni, yo taruk weik palamle yo amu tam, wekuka malule. Ara, ‘Keting deiplyeba, na nong bol tin weik upnilyakʼ tenen, pala yo taruk tiklamle yo, el si ara gandarusa yo, taruk wamlyak wekuka malule.

Ayub 5:25

Tonda, nunce deibibyeba, dadeipdanin binamak mapu nirya ara, nukmamkumce, weik arye upra banamake. Nunce deibibyeba, dadeipdanin, banamak nang ara, dinak duk yamulamle atonun, upnin banamake. Pia weik unamake. Ayub an mapu babye, atonun upnin banamake.

Yesaya 48:19

Aninguk kum bukni, anggunce deiplumba, dadeipdanin banamak nang, sik yupa ara, ninye arye mek wininga weik ati, kum nukmanto ulamaka atonun akunum upmatinge. Narye anggunti melipsitiniba, anggun deipnin banamlum mapu babye, pia ati unamtinge. Narye sikti, pia eibuka kaliknyopura, sik mapu silip ara, na dam arye, min kum upnamtinge. Ara, yuk mutuku nang, yu nang arye, sik mapu silip ati, pia malye kibuka, kum sirya daknamtinge. Ninye mutuku sirya im sirya nirya ara, sik si tuba teninauk unamtinge. Anggun mapu silip nirya ara, kum opnamsiyake. Pia ati unamtinge.