Yesaya 42:9 - Eipomek

⁹ Minop talak narye nyapsise. ‘Aminyan doryanamle talak ara, dipkoprob winibuka-winibuka winipnamle,’ nyabuka nyalilamse ning ara, wini talak aning nirya nong akunum aulule. Aning nirya min kum uamuk talak ara, akunum nyalilamsise. Wini talak arye dipdongobuka, doryanamle talak winipnamle ning ara, ‘Winipnamlarya,’ nyabuka nyalisunune. Aminyan talak winipnamle ning nirya, akunum kel bikmana ati nyapne. Awinipnamle ning nirya ati, min kum winipmalye talak arye, ayupu ara anggunti nyasunune.

Yesaya 42:9 Referans Kwoze

Yesaya 43:19

Anyapmasina ara talye ati kume. Deiyok ara, narye winiryuk ning ton winipnamsina ati nyapsine. Ati, aning pil dopneba, anggunce moubuka tenipmunce kum eipnamlum do? Otalak ara, apil akunum deiyok koubuka pil donmane. Narye mek kumak ati, ninye kum unyak mutuku, pata mutuku noutam bisik yapdeipnamsine. Tonda mek kumce talye bukamlye mutuku noutam ara, mek arepneba, mek pu dobuka banamle. Ati anggunda ‘Kabul do?’ tenen, bita kel kum bikmalum do?

Yohanes 13:19

Ayupu akunum nyapmasina deiyok ara, nyapnusine. Ura, aning min kum winipmalye talak akunum laka nyapsinyopura, aminyan talak ayupu atonun akunum winibicopura, adeice arye moubuka tenepnamnulume. Ara, nara minop talak babye, doyanamle talak babye, Pia Kam Ululnye bira, na aunune. Na akunuma, yuknye kume. ‘Aning tenepnamlum’ tenen, akunum nyapsine.

Yosua 21:45

Ati ara, Allah Yahweh arye, sik Israel nang, el mapu koproba ati nyabuk. “Aning ara, winipnamsine,” nyapdeiamuk yupu ara, tonok ning babye, ton kum bataklamuke. Anyalin yupu nyapdeiamuk touk, winipnin yangalamuk. Tonok yupu babye, pia kum kumdanamle.” Anyapdeiamuk touk winilule.”

1 Raja-Raja 11:36

Winipnamne bukni, Daud bira na amu tam ulamukce, na nyapdeiamse yupu kekelamuka ati, Yerusalem mutuku noutam ara, ‘Daud birye deiplyopura, dadeipdanin binamak ninye nirya kum kipdeipnyak’ tenen, tonok yala nang ton Salomo biti arepnamne. Winipniba narye, ‘Amutuku noutam na si deipniba, pia si erenamake,’ nyalamsirye, ‘Wipdeiamse mutuku Yerusalem upnamak’ tenen, winipnamne.

Rasul 15:18

Allah elcuk aning nirya pil dolule. Min arye aning lakak nyabukura, ninye kel kinyaka deiyoknye bira Allah el uka. Elce ayupu nyapdeiyamuk.’ (Amos 9:11-12)

Yesaya 48:3

Minop talak anggunti ikin weik tonun akunum ulamuk ning ara, aning kanam kum uamuk talak, na Allah arye, “Aning ara, anggun wenena ati winipnamsine,” nyabuka akunum nyalilamsise. Na si bambol deice arye, ‘Winipnamsile, winipnamsile,’ nyabuka lak nyapdeiamsisirye aning nirya ara lak kibuka nyapsise. Winibuka nyalamsisa ani, aminyan talak ara, aning nirya talye karin arye, aning nirya nong ubuke. Ara, narye, ‘Wininamsine,’ nyapse ning nirya ara, anyapdeipsise touk nong ubukba, akunum lak kipdeipsise.

Yesaya 48:6

Ati ara, anggunce moubuka teniplulume! Narye, ‘Doyanamle talak ara, aning-aning winipnamsile,’ nyamsisiba kekelamlum ning nirya ara akunum winibuk. Ati ara, narye anggunti akunum lak nyapdeaimsise yupu ara, anggunce, ‘Se, nunda malye ubupu. Allah arye dipkoprob yupu uk nyapdeipsuke. Elce nyapdeiamuk touk akunum nong ubuka ati, ikin usulule,’ teneplumce, aning ton lak sukum arye kum nyapnamlum do, nyapnin banamlum do? Bukni, wini talak ara, narye anggunti, yuk ning ton, winiryuk winipnamle ning ati nyapnusine. Tonda, minop talak duknyamsirye, kum lak nyapdeiamsise arye, anggun ton min kum biklum ning lak nyapnusine.

Yesaya 48:5

Anggunda winibuka ululuma ati ara, minop talak, narye anggunti, ‘Aminyan talak ara, anggun wenena ati, ikin weik ning anggun dam yanamle! Akanye imun ning min kum yayuk talak arye, ‘Aning dipkoprob akunum winipnamsile,’ nyapdeiamse. Winibuka babye, talye ati kum winipse. Deiyok ara, anggunce, “Kume, awinipmal ning nirya ara, nunce puturubuka deibupe talye ning, isa si erena ati aning, puturubuka deibupe ning arye, aning nirya arepsuke. Akumopura, nun si erenyap ning, el mikip deice arye, mambul weik pil nirya dopsukce, kanye imun ning arepsuke,” nyabuka, ‘Kum nyapnutumʼ tenen, aning nirya min kum winibuk talak ara, narye akunum lak nyapsise.