Yesaya 21:7 - Eipomek

⁷ Akalikinanye dinmalya ani, Ninye ton kereta kuda deice bukmakce ak bonamak do, tonda kuda basam balye deice bukuka yanganamak nang do, tonda unta basam balye deice bukuka yanganamak nang do, keledai basam balye deice bukuka yanganamak nang do?’ tenen, aning ati moubuka kaliklirye, pia moubuka dinamlule. Allah arye Yesaya biti, “Ance ayupu nyalbinulyame,” nyapdeibuk.

Yesaya 21:7 Referans Kwoze

Yesaya 21:9

Tonda, abublan bisik pum kaliknanye birye nyamuk. “Anggun nirya dilulume! Sik yin talin nang ara, kuda basam balye deice bukuka yanganmak nang ara, ninye bitinye-bitinye kibuka, akunum bukuka yanganmak nang ara, ayanganmaka atia!” Tonda, abisik bublan kin-kin kaliknanye biryuk, “Se, Babel mutuku weik asik nirya ara, akunum uluplopmakce, dakuka batakmake. Tonda sik amutuku nang arye si erena ati, patung deiamik ning nirya ara, dakuka batakmakce, sirya obuka tuku deice uk poupmake,” nyabukak kekepse.

Ibrani 2:1

Arup akunum nyapmasin yupu nirya aupmala ati ara, peteren nang arye peterelamsikba, kekelamubu yupu ara, pia kanye moubuka tenenamabe. Ara, ‘Mangkau kanye bobuka, walwal arye, Allah arye nyapdeipsuk bisik batakuka, yuk malye bisik kirikuka bipyak’ tenen, nyapsine.

Yesaya 37:24

Ance ninye dopdeiamlumba, mok yupu nyalyanmika deice arye, na Allah Yahweh, aning nirya talenirye, mikip weiknye ulunua bukni, nati nalibuka akutunmanik. Ance nyapdeiamlume. Ance, “Nara ninye bukuka olban ning ati, el si kereta perang ara, yupa weik tonun deipsirye, weik mutuku dup welepsirye, iknapye tam Libanon mutuku noutam babye, weik mutuku deice tam welepse. Libanon mutuku noutam nirya ara, na patan ning talye alubuka dopropse!” nyaplume. Ara, ayupu deice an kanye erepdalumce, maknya kintinimince,” Urasin pia teleb kat wa mutmuta yo, pia teleb cang arye tiklamuk ning nirya ara, webuka sirya dakamse. Tonda, pia teleb wa mutmuta cang yo palpal tikamuk weik mutuku dup, ninye kum binmanto mutuku babye, narye amutuku welepsirye ayo webuka sirya dakamse,” nyaplume.

Yeremia 17:24

Anggun apu yapu winilamik bukni, narye nyapsine. Na Allah arye nyapdeipsise yupu nirya ara, moubuka talipnamlume. Tonda, Sabat sum ara, Yerusalem mutuku bisik bublan arye bona bobuka, abisik wekelbana kum wininamlume. Aning kum bukni, Sabat sum noutam ara, ‘Naʼ tenen sum ati, na si eren sum ulula ati, anggunce talye pil nirya ara, asum deice arye, pil kum donamlume. Winipmunyopura, teleb ning ton arepniba, anggun dam yanamle.