Yesaya 21:13 - Eipomek

¹³ Arab mutuku tam ululum nang ati, Allah arye, ‘Winipnamne,’ nyabuka, na Yesaya dam yanuka nyapnuk. Ayupu ara ani. Se, anggun Dedan yala ululum nang ara, anggun bona dekna ati, Unta basam balye deice bukuka yangalulum nango. Anggunce sik dukunubuka mapnamluma ati, Arab mutuku tam noutam ara, talye palamle taica ning ap, bai tam mutmuta kan-kan ap, asukumuk yanuka dukunubuka unamlume.

Yesaya 21:13 Referans Kwoze

Yehezkiel 27:15

Tonda, Rodus mutuku nang babye, anggun Tirus mutuku nang ap, neika bona deibuka dekelalalume. Tonda winilamlum talak ara, sik mek lilun mutuku, pantai pasir lilun unyak nang nirya, anggun mutuku yangalamikce, anggun delilamlum bona uk yanuka deklamsik. Ara, Gaja basam el yang ap, mirin yo dekna pia weik yo ap, boyanuka dekelamike.

1 Tawarikh 1:32

Abraham bira, kil bitinye domuk. Aminyan dobuk kil el si ara, Ketura ulamuk. Atalakuk, akil arye deibuk mapu sik si ara, ani. Zimram ap, Yoksan ap, Medan ap, Midian ap, Isybak ap, tonda Suah ap, deiamukak ulamik. Tonda, Yoksan bira, mapu bitinye deiamuk. Sik si ara, ani. Syeba ap, Dedan ap, deiamukak ulamdik.

Kejadian 25:3

Bitinye ning deibuk mi si ara, Yoksan deibuk, ami nebukce, aminyan talak el mapu Seba ap, Dedan ap deibuk. Dedan birye deibukba, danirye deiamik nang si ara, Asyur yala nang ap, Letus yala nang ap, Leum yala ninye ap ulamik.

Galatia 4:25

Ati Hagar bira, Arab mutuku noutam bukni, Sinai Mutuku deice Allah arye mem yupu aribuk ning ati, ‘Aning ara Hagar atonun ulule,’ tenenamlume. Tonda, Hagar bira, weik asik domik ning Yerusalem atonun ulule. Deiyok ara, Yerusalem unyak ninye ara, Hagar ulamuk atonun wininyake. Ara, yuk nang arye yo bok deice dekikirye, pil weik aruklamak ninye atonun unyake. Aning atonun, Hagar babye, minop talak Abraham birye yo bok deice dekukba, el amu tam ubuka talye piluk dolamuk. Hagar atonun unyak ninye ara, ikin ning amu tam unyake.

Yesaya 13:20

Babel mutuku nirya, akunum sirya oplyeura, amutuku noutam ara, tonoknye ton batakneba, atalak arye dipdongobuka, doupnamle talak nirya babye, amutuku noutam pia kum unamle. Tonda, Arab mutuku nang arye, sik domba basam amutuku weina ati, tiya dolina tenda aik babye, kum yanuka dopnamake. Tonda domba basam ap, kambing basam ap, wein nang arye, sik wein ning amutuku mutmuta dina ati, pia yanuka kum weinamake.

Yesaya 13:1

Allah elce, Babel mutuku nang wenepnamle ati, Amos el mi nabi Yesaya biti arebukba, Yesaya lengdar mabuka deice arye, ayupu kekebuk. Ara, Allah arye nyabukba, Yesaya birye kekebuk yupu ara, ani.

1 Tawarikh 1:9

Aning atouk, Ham birye deiamuknye, el si Kus birye deibuk nang ara, sik si ara, ani. Seba ap, Awila ap, Sabta ap, Raema ap, tonda Sabtekha ap deiamukba, sikda amutuku nang ulamik. Tonda, Kus birye deibuknye Raema. Raema birye, deibuk nang ara, Syeba ap, Dedan ap ulamdik.

1 Raja-Raja 10:15

Tonda, yuk nang arye arelamik ning ara, nukuka kum nyapmabe. Ara, sik bona dekna aik deiyok nang ap, sik Arab mutuku deiyok nang ap, sik pala tam talibuka Gubenur ulamik nang ap, anang-anang nirya boyangalamikce, Salomo biti arelamik ning ara, kum nukik bukni, adekna weik ning ara, pia weik arelamik.

Kejadian 10:7

Ham el mi Kus birye deiamuk mapu si ara, ani. Seba ap, Hawila ap, Sabta ap, Rama ap, Sabteka ap ulamik. Kus el mi Rama birye deiamuk mapu sik si ara, ani. Seba ap, Dedan ap ulamdik.

Yesaya 21:12

Nyabuka asipnukba, narye tamubuka, el anye biti nyapse. “Berekna ara yanul, bukni aminyan talak ara lukunyan babye tamubuka yanamale. Aning ati, aminyan talak, ‘Ton ap asipdenune,’ tenepminyeura, tamubuka yan asilyanamsilyame,” nyapse.

Yeremia 49:8

Se, anggun Edom tam bukni, iknapye tam (arah selatan) Dedan mutuku noutam ululum nang ara, anggun adiparyuk tamubukamunce, bibik abuka binululume! Anggunce, ‘Se, weik ikin ning nun dam yasilyeba, kanye imun unamapʼ tenen, bikbik abuka bimunyeura, pia moubuka duknupnamlulume. Deiyok ara ani. Ura, na Allah arye, anggun deipkirikdop anye, Esau birye deibukba, dadeipdanin yangalamika ani, wini talak delisinyak nang nirya ara, obukapnirye, atu kiplopnamne. Deiyok ara, narye sik wenen sum akunum dam upmale.