Yesaya 2:22 - Eipomek

²² Ati ara, anggun Israel yala nang ap, tukwak mutuku im sirya, mutuku nirya ululum nang ap, ninye sirika arye, deiamikce nang ati, ‘El anye birye, nun ikin upsilye talak ara, melibuka lyepnamsilarya,’ kum tenenamlume. Tukwak unyak nang nirya ara, sik u pum bisik ara, isin deice arye kam unyake. Sikda talye tukwak nang ati, yata wiripting deice arye, anggun tukwak ululum nang ati, melibuka lyepsiting do? ‘Kume, aning ara, pia kum winipmanto ati, dauplye,’ nyapsine. Allah arye nyabukba, nabi Yesaya kekebukce, Israel yala nang ati, laka nyabuk.

Yesaya 2:22 Referans Kwoze

Yeremia 17:5

Na Allah Yahweh arye nyapsine. Nara anggun ni koproba Allah Yahweh unun bukni, anggunce bataknulumce, ninye koproba atibuk, ‘Sik mikip deice arye melipnamsiakca,’ tenemunce, talye tukwak nang ati, ‘Sik yuk mutuku nang aryuk, melibuka lyepsitinge,’ tenelulume. Aning atonun tenebikce nang nirya ara, narye wenebuka opnirye, kanye imun weik ning, sik deice deipnamnarya! Deiyok ara, sikce nati, diba tenena kumce, sik kanye talima noutam arye, tenibuka batakaninyake.

Mazmur 146:3

Na kayapu nang, anggun nirya kekepnululume! Anggunce, yuk tukwak nang ati, ‘Anye lyepnutueʼ tenen, pia kum tenenamlume. Ara, talye tukwak mutuku ninye arye, nun nirya ati, dipkoprob kum lyepsitinge. Ati, yatanye birye do, nirya talye tukwak mutuku nang ati, ‘Se, anang aryuk lyepsitinge tenen, anggun kanye, anang deice kum delinamlume.

Yakobus 4:14

Anggun ayupu nyalulum ning ara yata ati do? Ambusum winipnamasil ning, aning babye tenebuka kum kel keptuma ati, nyana meme. Anggun kam unamlulum talak nirya atonun ning nyapnusine. Dua puto welebli ani, keting deiplirye, keting bupu arye minopce kum danalamle touk ululume.

Mazmur 8:4

Allah ance im kwepdeiplumce, wala ap, kurya ap nirya, kwepdeiplum ning nirya ara, na asing arye elinunce, ‘Se, aning ara pia telebe’ tenen, mambul kanye bonune. An mining taruk arye, im noutamak ulul ning nirya kwepdeiplumce, ‘Asukumuk unamle,’ tenelamlum touk, deiplumba, tuba aulul touk, na asing arye dinye talak ara, narye ‘Se, aning ara pia telebe’ tenen, mambul kanye bonune.

Yesaya 40:15

Dipkoprop nyapsine. Tukwak im sirya, mutuku sirya nirya unyak ninye, ayala-ayala nirya, pia weik daunyak bukni, sik nirya ara, mek kwepmakibuk makau pum tam arye, bitik-bitik abuka saklamle atonun unyake. Atonun tonok mek durumna miklamle tuku deice poulbiliba palilamle touk ulule. Tonda tukwak mutuku unyak ninye ayala ninye, ayala ninye nirya buluptingce, weik timbangan deice deiptinga, ara, talye uku sice butbuta atonun uptinge. Sik ikin ara pia kume. Allah el mikip ap, mambul ap ulya ara, pia weik atia. Laut mekwen noutamak ululba, dana-dana tam nirya mekwen arye sekdongobuk mutuku pia kum nukmanto daulul bukni, Allah arye amutuku nirya tuku butbuta atonun bulubuka doptue.

Mazmur 62:9

Ati ara, anggun tukwak mutuku noutam ululum nang, mutuku sirya, im sirya nirya ara, Allah atibuk, diba tenebuka, el deiceuk anggun kanye talima delinamlume. Tonda, anggun kanye talima noutam, ikin usulul ning nirya ara, el tibuk laka nyanamlume. Diba, Allah ara, nun lyena deiyoknye usulule. Elce melibuka kalikinamsile.

Kejadian 7:22

Tukwak mutuku im sirya, mutuku sirya nirya, isin uamuk ning kam ulamuk ning nirya dibuk.

Kejadian 2:7

Atalak noutam arye, Weik Deiyoknye Allah, el si Yahweh arye, tukwak mikamuk tuku doprobukce, tuku pinibuka, ninye nong tonok kwepdeibukce, el u pum bisik si pito pubukba, isin ubuk. Winibuka deice arye, anye kam una deiyok ning arebukba, isin wekukce, kam bukuk.

Ayub 27:3

Na dipkoprob nyapne. Allah el Pia Teleb, Lek Dip Kanye arye, na isin arepnuka deice arye, kam tuba unune. Na nong kam tuba unamne talak nirya ara, na si bambol deice arye tilila yupu ton kum nyanamne. Tonda, na si tang deice arye, talye yupu ton kum nyanamne.

Yesaya 40:17

Tonda mutuku-mutuku nirya unyak ninye ara, pia kum nukmanto weik daunyak bukni, Allah el kanye ara, ‘Anang nirya ara, talye uka. Sikda weik mambul kume,’ tenelule. Allah arye pil dolye ning ara, weik mambul bukni, ninye arye pil donyaka ara, nong ton kum upnamla ati ara, sikda weik mambul kume.

Yesaya 51:12

Allah arye, sik Israel nang ati nyabuk. Nara Allah aunune. Narye ayupu nyapsinirye, anggun kanye talima melipsinirye, teleb unamlume. Naryuk anggun nirya ati, kanye pia teleb kipdeipnamsine. Winipnane ati ara, anggunda, yata ning deiyok ati, tukwak mutuku noutam malye unyak nang ati, ilil usulul do? Tukwak nang nirya ara, dibinauk unamake. Winipmanto ara, talye yo mutmuta, keting tin arye opliba, sesal sepmalye touk, unyaka anya arye, sik talye tukwak nang ati, ilil una kume.

Maleaki 3:15

Tonda nyanululume. “Nun bidamnye asing arye akunum elinyabe. Ara, sik kanye talima pum tam erelana deice arye karye dobuka, kwalinyak ninye babye ara, ikin ning ton sik nong deice kum yangalule. Teleb aryuk ukirye, teleb kanye bobuka, kil-kil asa aryuk unyake. Tonda, sik malye wininyak nang nirya babye, dekna weik ning dopdobikirye, bona weik talin nang unyake.” Tonda, malye unyakce, “Malye winin ninguk winibirye, Allah ati winipdenuyabe,” nyalulume. ‘Allah arye, nunti wenebuka kum opnamsile,’ tenekirye, “Pia mandipna kanye bobuka, kum kekamna atonun malye-malyeuk wininyak nang ara, tuba telebuk unyake. Allah arye sikti, kum oplirye, ikin ning sik dam kum yangalule. Ati, anang malye wininyak touk, nun babye atonun wininamabe,” nyanululume. Allah arye Israel ninye ati, nyabuka wenebuke.