Dan mutuku do nirya, mutuku dana-dana lyu uamlyak noutamak ara, tuku dalubuka asukum deipmunce, erebuka teleb kibuka yalinamlulume. Mutuku kon bukamlyak nirya dalubuka lu kilinamlulume. Luknubuka erebuka kilalye bisik nirya ara, teleb kibuka lu kilinamlulume. Erebuka bukamlye tuku ap ara pubuka yamupmunce teleb kilinamlulume. Ara, ‘Nun ni Allah yanamle bisik ara, pia teleb upnamle’ tenen kintinilinamlulume.
Yesaya 2:14 - Eipomek14 Atonun, yata nang do nirya, sikce, ‘E, anggun eiplume! Otam cang weik mutuku erebuka bukuk ning ap, weik mutuku kon nirya ap ara, urasin pia teleb, mikip weik ning ulamle touk, nun babye atonun mikip weik nang unyabe,’ tenepdakirye, kanye erelanyak nang ara, Allah arye, pia amu tam kipdeipnamle. Gade chapit la |
Yesaya 2:14
6 Referans Kwoze
Anggun mal olan nang, sikce cang kat keil poka dobuka antanap dongobikce, ‘Nun mal olan nang yanamak talak eipnamapʼ tenen, apoka deice arye cang keil aik ton memepdeibik ning, ulupnamlu talak ara, ninye weik tonun obuka sirya daknamlume. Bukni, atalak ara, pia weik mutuku dupak ap, mutuku kon ap nirya deice tam arye, pia teleb mek panabuka yanamle.
Winibuka unyap talak ara, Allah yanin ninye nyanyak yupu nirya ap, sikce, ‘Yuk nang Allah dib tenepnamak’ tenen, sik bidamang kanye erebuka tenepce arye nyanyak yupu ap nirya ara, bisibuka, kum kibuka delinyabe. Winibuka pil donyapa deice arye, nun kanye tenena ap, yuk ninye sik kanye tenena ap, tamupsilyopura, Kristus arye, ‘Wininamake,’ tenesilye touk, ansinibuka tenebibirye, el yupu kekebuka, aninguk talibuka elti, dobolbanyabe.
Tonda, yata nang do nirya, sikce, ‘E, anggun eiplume! Otam cang weik aik dobupu ning ap, tonda weik asik dobupakarye, dana-dana tam antanap dongobuka, dobupu cang keil poka ap, aupmasila ati, kalekdabirye, yuk mutuku yu nang arye, yanuka kum opnamsitinge. Telebuk unamabe,’ tenenyak nang nirya ara, Allah elce dakuka bataklirye, anang ara, pia amu tamuk deipnamle.
Piblisite