Yesaya 15:8 - Eipomek

⁸ Dan tam do nirya, Moab mutuku noutam unmak nang nirya ara, weik arye engenmakceba, anggun tam tuku wilinak ara, pia karenak, iknapye tam (arah selatan) unmak nang babye, dabu tam (arah utara) unmak nang babye, kekenmake. Ninye ngalukuka malye nyanmakirye, engena lelimuk nyanmaceak, kekebikirye, ‘Seʼ tenen, malye kanye bobuka, unamake. Angalukuka engenmace lelim ara, Eglaim mutuku ap, Beer-Elim mutuku unyak nang ap nirya ara, kekepnamake.

Yesaya 15:8 Referans Kwoze

Yehezkiel 47:10

Minop talak ara, aweik mekwen, el si ara Laut Mati, garam weik ubuka ati, amek pum tam ara ikan pia kum uamuk bukni, aminyan talak ara, amitik mekwen akunum balirye weklyeura, aweik laut mekwen dana-dana tam nirya ara, ninye arye ikan tomonamake. Ara, keting komulbalamle tam, mutuku si En-Gelaim arye anyapce, dipdongobuka binamlya ani, otam keting panalyangan tam mutuku, el si En-Eglaim mutuku nirya ara, amekwen pia teleb upnamlarya. Winiplyeura, alaut mekwen lilun arye, ikan don nang nirya ara, pin-pin aryuk unamake. Winikceura, sik ikan don aling, el si ara jala, kalekuka deilinamake. Amekwen akunum teleb uplyeura, amekwen noutam nirya ara, ikan yala-yala nirya aunamake. Ara, weik Laut Mekwen, el si Laut Mediterania, tonda Laut Tengah nyalamak laut mekwen ulye touk, Laut Mati babye, atonun unamle.

Yesaya 15:7

Ati ara, Moab mutuku nang, sik bona ap, sik talilamik teleb ning ap ara, mitik tonunuk bulubuka kintinipmikce, ‘Aning nirya, alubuka dopropsicakʼ tenen, amek koubuka, otam binmekce, amek el taruk tam, Harabim mek kin doubuka deibik.

Yesaya 15:9

Tonda, Dibon mutuku noutam, balye mek nirya ara, ninye obikceba, sik ining ap tabaklyeba, amek ara, ining bi uk kibuka banamle. Allah elce sik amutuku ulamice nang, sik deice ara weik imun ikin ning ton ap dokweteplyeba, pia weik kanye imun upnamle. Allah elce kus atonun ning, weik yu ning, el si singa kus dopdeiplyeba, sik Moab mutuku nang, ‘Obuka sirya daksicakʼ tenen, bai sakuka bindopnamak nang ara, obuka sirya daknamle. Bukni, asukumuk, Moab mutuku noutam daunamak nang, mitik tonun tuba kam unamak nang ara, tuku ton arepnamlarya.

Bilangan 21:16

Israel nang ara, amutuku tia ati mapmeka ani, amutuku arye tamubukabikce, yukak Beer mutuku biyik. Beer mutuku nyalamik mutuku dam ara, tonok mek kwen ton deiamuk. Amutuku kon mek deiamuk mutuku ati ara, min talak Allah Yahweh arye, Musa biti, yupu nyapdeiamuk ning ara, ani. “Ance sik Israel nang ati, nyapminyeba, bulubuka binuka wekikcopura, narye sikti, mek arepnamne,” nyapdeiamuk.