Yesaya 13:15 - Eipomek

¹⁵ Atalak kam unamak nang ara, bikbik abuka bendopnamak bukni, yata nang do nirya, yu yin talin nang arye, anang eibicopura, tomobuka ninye on tatce ning arye, aninye opnamake. Dipkoprob, na tenepse mutuku nang yukak bindobikceba, sik anang olalbinamak yu yin nang arye, eibicopura, anang nirya ara, parang ya arye lukuka opnamake. Ayin talin nang arye, eibuka tomopnamak nang nirya ara, adiparyuk lukdanuka obikceba, dipnamake.

Yesaya 13:15 Referans Kwoze

Yeremia 50:27

Winipmunyopura, sik amutuku yin talin nang nirya ara, adiparyuk obuka, sirya daknamlume! Min talak ara, weik yim sapi basam, mikip weik ulamle touk ulamik bukni, wini talak ara, ayin nang nirya opmunce, anang nirya ara, kum kipdeipnamlume. Ura, sik Babel mutuku yin talin nang nirya ara, bicoe! Sik wenebuka ona sum, akunum dam upmala ati, anggunce adiparyuk opmunce, kum daneipnamlume!

Yeremia 50:25

Ati, na Allah arye, na yin ap, mal ap, parang ya ap, topnong ap, delina ati kintinibuka domse asik ara, bublan akunum kuklopmane. Ara, na pia yu weik deice arye, anyasik pum tam noutam deiamse ninye on ning nirya ara, adiparyuk dobuka dopkwetepnamake. Anggunda, obuka sirya daknamsine. Deiyok ara, na Allah Yahweh, im deice unyak yin talin malaikat nirya, sik deiyoknye ununa ati, na mikip ara pia weik unulule. Tonda, aning-aning talibuka, mikip weik ununa ati, na tenenye touk unune. Narye, sik Babel mutuku noutam ara, mambul pil weik tonun donamne. Ara, anggun amutuku noutam nirya ululum nang ati, wenepsinirye, dengna arepnamsina ati, nyapmasine.

Yesaya 21:15

Aning yanuka arenamluma deiyok ara, ani. Sik anang ara, yuk mutuku yin nang arye, ‘Parang ya ap, mal ap arye adiparyuk opnuyap tenen, dobolyayikba bai sakuka yayik nang unyaka atia. Sik anang ara, weik mal olanmeka arye, ikin kanye bobuka, bai tam sakuka bikbik abuka yayikce, asukum yanuka duknubuka unyak nang atia.

Yeremia 51:22

Narye anggun Babel mutuku nang ati, lo arepsiseba, yuk mutuku sal ap, kilapu ap on nang akunum kipdeipsise. Tonda, wisi nang ap, wel nang ap, mitik mapu ap, ninye dona kum kilapu ap nirya ara, ninye on nang akunum kipdeipsisiba ninye olulume.