Yeremia 42:8 - Eipomek

⁸ Yanuka nyapnukopura, na Yeremia birye, Kareah birye, deiamuknye Yohanan ap, tonda Yehuda mutuku ulamik nang, sik yin deiyok nang ap, tonda sik ap neika melibuka yanmek nang nirya, weik sisi nang babye, mitik sisi nang babye, sik nirya ati, “Anggunda yalulume!” nyabuka yukupse.

Yeremia 42:8 Referans Kwoze

Yeremia 42:1

Yohanan ap, el ap neika banmek nang nirya ap, Yehuda mutuku ulamik yin talina deiyok nang nirya ara, bulubuka, na Yeremia ap eldana ati, na dam yayik. Sik anang ap Kareah el mi Yohanan ap, tonda ninye si Hosaya deiamuknye, el si Asarya ap, amutuku ulamik ninye weik nang babye, mitik nang babye nirya ara, bulubuka yayikce, na Yeremia biti nyapnike.

Yeremia 40:13

Sik anang nirya ara, teleb daulamik. Daulamika ani, tonok talak ton, Kereah el mi Yonahan ap, tonda Yehuda tam nang bukni, bai mutuku talye banauk ulamik yin nang ara, sik deiyok-deiyok nang ap, sik amu tam yin talibuka ulamik nang ap, Gedalya ulamukakuk, Mizpa mutuku yayik.

Yeremia 40:8

Kekebikopura, sik nirya arye, Gedalya dam biyik. Ara, ninye si Netanya, elce deibuknye Ismael ap, Kareah arye deibuknye Yohanan ap, Tanhumet arye deibuknye Seraya ap, Efai el mapu silip bukni, Netofa mutuku arye yayik nang ap, tonda Maaka arye deibuknye Yezanya ap, adeiyok nang ap, sik amu tam yin talin nang ap, sik nirya neika, Mizpa mutuku binuka, Gedalya ulamukakuk yayik.

Yeremia 42:7

Yehuda mutuku nang arye, Yeremia dam yanuka morobikce, daunmeka ani, like takubarye sum, akunum mapupopura, Allah Yahweh arye, na Yeremia dam yanuka, nyapdeipnuke.

Yeremia 42:9

Yukupsiba, anang nirya yayikopura, narye sik kekenmek sukum arye laka nyapse. “Anggunce nati, moropnulum ning ara, ‘Yeremiao, ance nun Israel yala nang si erenyap Allah, nun ni koproba Allah Yahweh ati, moropnamsilame,’ nyapdeipmanuluma atonun, ayupu bobinuka, Allah ati, narye akunum moropse. Moropsiba, Allah Yahweh kekebukce, anggunti, ayupu nyapdeipmasile.