Yeremia 38:1 - Eipomek

¹ Yeremia, ninye deiyoknye aik pum tam bukni, wenen aik tuba daulamuk talak ara, el yupu tuba nyalamukba, amutuku ulamik ninye nirya, kekenauk ulamik. Ara, “Allah arye, el yupu, na dam nyaninyak ning ara, ani,” nyabuka, tuba nyalamuk. Ayupu nyalamuka ani, sik yuk nang ton kekebik. Ara, ninye si Matan, el mi Sefaca ap, Pasyur el mi Gedalya ap, Selemya el mi Yukal ap, tonda Malkia el mi Pasyur ap, sik nirya ara, Yeremia nyanmok yupu kekebik. Kekebik bukni, sikda, ‘Ayupu ara, nun lik,’ tenebikce, malye kanye bobik.

Yeremia 38:1 Referans Kwoze

Rasul 5:28

Delilyayikura, adeiyoknye birye nyabuk. “Nunce, ‘Yesus si deice tonap kum peternamlume,’ nyapmapu ning ara, ‘Peterena kum arye, talyeuk unamlum’ tenen, weik arye wenebuka nyapmapu. Nyapmapu bukni, anggunda, pia tuba peterenuk wininmalumbuk, Yerusalem unyak ninye weik tonap, kekenmake. Tonda, Yesus obik ning deiyok nirya ara, Sandeheren nang, sik nong deice deipminyopura, yuk nang arye, ‘Sandeheren nang, Yesus obika deiyok nang ara, anang akunuma, tenepnamak’ tenen, tenepmasulumce, tuba peterelulum do?” nyabuk.

Nehemia 11:12

Ura, Allah yupu aik pum tam talibuka pil dolamik nang imam-imam sik yupa pia weik 822 nang ulamik. Anang sikce dadeipdanin yangalamik nang ara ani, Yeroham el mi Adaya elce deibuknye Pelaya ap, Zakaria el mi Amzi ap, Malkia el mi Pasyur ap ulamik.

Nehemia 7:9

Sefaca birye deibukba dadeipdanin biyik ninye yupa weik 372 deiamuk nang ara, Yerusalem mutuku tamubuka yayik.

Esra 2:3

Tonoknye, el si Paros, elce deiamukba, dadeipdanin yangalamika ani, sikce deiamik yala nang ara, dua ribu seratus tujuhpuluh dua, (2.172.000) nang ulamik.

1 Tawarikh 9:12

Tonda, yuk imam-iman nang, sik si ara, ani. Ara, Yoreham birye deibuk mi ara, Adaya ap, Yoreham el li koproba Pashur ap, Pashur el li koproba Malkia ap, Adiel el li koproba Yazera ap, Yazera el li koproba Mesulam ap, Mesulam el li koproba Mesilemit ap, Mesilemit el li koproba Imer ap, sik anang nirya babye, Babel mutuku arye batakuka, Yehuda tam tamubuka yayikce, Yerusalem mutuku, yayikura, asik dobuka ulamik.

1 Tawarikh 6:40

Simea el li koproba ara, Mikhael ulamuk. Mikhael el li koproba ara, Baseya ulamuk. Baseya el li koproba ara, Malkia ulamuk.

Yeremia 25:2

Yehuda yala nang ap, tonda Yerusalem mutuku ulamik nang nirya ap ati, na nabi Yeremia birye, ayupu kekepsirye, sikti, laka nyapse.

Yeremia 39:17

Bukni, atalak ara, narye anti, melipkinirye, lyepropnamkinarya. Winipkinyeura, yu nang arye, an dobuka, malye nang ati, kum arepnamkiake. Ara, ance, ‘Seʼ tenen, ilil ukulul nang dam, yuk nang arye, an dobuka, anang deice kum deipnamkiake.