Yeremia 34:6 - Eipomek

⁶ Allah arye anyabuk yupu ara, na Yeremia birye, Raja Zedekia, Yehuda mutuku taleamuka deiyoknye, Yerusalem mutuku weik asik ulamukak bisirye, el kekenak binuka, laka nyapsiba kekebuk.

Yeremia 34:6 Referans Kwoze

1 Samuel 3:18

Nyabuka ati, Samuel bira, Allah arye nyapmok yupu nirya, Eli dam laka nyabuk. Pia tonok ning babye, ton kum siklipdongobuk. Nyabukopura, Eli birye nyabuk, “Kume, elda Allah, el si Yahweh anya arye, elcuk, ‘Aning telebe,’ teneplye ning ara, anyuk winipnamle. Akunuma,” nyabuk.

Rasul 20:27

Ara yata ati do? Allah minop arye tenelamukce nyasilye yupu nirya, ‘Aning nyapnun do, aning kum nyapnun do?’ tenen, teniltolamsirye kum peterelamsise. Ayupu nirya talye mangkau arye parapkabuka lakak peterelamsise atia.

Matius 14:4

Dopromuka ati, Yohanes arye Herodes biti nyalamuk. “Anda an weit el kil dopluma deice, Allah arye ‘Yuk nang kilapu dolona kume, winina meme,’ nyamuk yupu ara, ance yanipmalame,” Yohanes arye Herodes ati, nyalamuk.

Yehezkiel 2:7

Ati ara, narye nyapdeipnukin yupu ara, Israel ninye noutamak malye tenebuka, talye mangkau kibuka peterepmin bukni, anang arye kekepnamaka babye, kum kekepnamaka babye, na yupu peterenauk unalame. Aninye ara, kat kanye bokirye, mandipna kanye bobuka, na yupu kekena kum ninye unyaka ati, ance nyanalam yupu ara, kum kekenamkiyake, nyapkine. Aning ara, luba kina kume. Allah arye, Yehezkiel nati nyapnuke.

1 Raja-Raja 22:14

Nyapdeibuk bukni, sik bitinye min kum yanaprik talak ara, Mikha birye el yupu bobinmoknye biti nyabuk. “Nara yuk ning ton kum nyapnune. Allah el si Yahweh ara, pia Kam Una Deiyoknye dipkoprob ulule. Ati, Yahweh elce nyapdeipnunil yupu uk, dipkoprob aninguk, binuka nyapnuna,” nyabuk.

1 Raja-Raja 21:19

Akunum biminyopura, Ahab biti nyapnulyame. “Allah el si Yahweh arye anti nyapmakile. Ahab anti ara, Nabot opmalam diparyuk, el anggur wa wiamuk ning ara, an kipropnmalama ara, malye winipmalamba, kum eipmakin do?” An Elia birye Ahab biti aning nyapdeiplyame. Nyapminyopura, ayupu ton nyaplyame. “Ahab bira, Allah el si Yahweh arye nyapmakile, ‘Anggunce Nabot opmalumba, el ining banmoa ara, talye kam arye yanuka dipmaue. Asukum aryuk, Ahab an babye ara opkikiba, talye kam yakirye an ining babye dipnamkiyake. Allah arye nyapmakile,’ binuka lak nyaplyame.” Ara, Allah el si Yahweh arye, Elia biti nyabuka ayupu nyapdeibukba, bobuka Ahab dam nyalbiyuk.

Yeremia 1:6

Nyapnukba, narye Allah ati tamubuka nyapse. “Diba, na ni Allah Yahweh, anda aning-aning nirya talibuka deice tam, Weik Erena Deiyoknye ulyama anya arye, ance, ‘Winipnamne,’ tenelyam touk winilyame. Bukni, na mambul kanye bopne. Na yupu nyanuna ara, moubuka teniptinirye, kel kum biktinye. Narye pia teleb-teleb kibuka kum nyaptinye. Deiyok ara, nara kamnye koprop ununa ati, na alye unulule,” nyapse.

Yeremia 1:9

Nyapnukopura, Allah Yahweh, el taruk arye na si bam bol deice talipnuke. Ara, ‘Yupu nyanamle’ tenen, talipnukce nyapnuke. “Na yupu nyapdeipkin ning ara, akunum arepkina ati, an adiparyuk yuk ninye, sik damak laka nyalbinulyame,” nyapdeipnukce, ayupu ton nyabuk.