Yeremia 32:11 - Eipomek

¹¹ Narye atuku akunum deksopura, ‘Atuku akunum dekmale,’ nyabuka sekik surat ara, bitinye kintinipse. Ton surat ara, lin ning pum tam libuka deipse. Asurat bukni, bitinye ning ara, laka talipse. Aning ara, narye asurat bukni, kopi kipse ning ara, yo atonun ning arye, minop taplakuka deipse ning doropse. Asurat bitinye ara, atuku deken ning, lak nyana ati, ‘Atuku dekna ati, winibuka keil uang arebuk,’ nyana ap, tonda atuku dekuk ning un ning ap, tonda, ‘Adekuk tuku deice ara, aning-aning wininamle,’ lak nyan ning nirya ara, alin ning pum tamuk libuka, deipsirye, alin ning kitibik sukum ara, yo atonun ning arye, taplakuka deipsirye, lipdongopse.

Yeremia 32:11 Referans Kwoze

Lukas 2:27

Nyamuka anya arye, Allah El Dib Kanye arye Simeon el talima noutam nyapdeibukura, Allah ati arilbalamikce el si erelamik aik dam biyuk. Biyukce daunmoka ani, Maria ap, Yusuf ap, Allah arye, ‘Winamlulume,’ nyapdeibukura, ‘Musa arye sekeiyamsuk touk aning winipnunam’ tenen, Allah ati arilbalamikce el si erelamik aik dam wekrikura, Simeon aunmokce eibuk.

1 Korintus 11:16

Ura, yuk nang arye, ‘Aning ara, kume, kisok kaluna nyapmasil yupu ara, nun like. Elce talye nyapsile’ tenen, lik upliba, yupu yuk-yuk nyaptingopura, ayupu ton nyapsine. Allah dib tenenyak ninye, mutuku-mutuku nirya ap, nun peterena deiyok nang ap, yuk-yuk kum nyanyabe. Anyapmasin touk, tonok kanye bobuka atouk tenebuka, anyapmasin touk wininyabe. Yuk ton kume.

Rasul 26:3

Na weik kanye deipman ning ara, ani. Ara, Yahudi yala nang arye, sik wininyak ning ap, sik yuk-yuk tenepdobikirye wapdanuka malye nyaldanyak yupu ap, ara akunum moubuka bita kel biklume. Ati ara, na nyapnaman yupu nirya min kum kekapminye talak ara, ‘Nimalye arye kekenamanilam’ tenen, moropkine.

Yeremia 32:12

Aning nirya akunum kintinibuka winipsopura, narye atuku dekna ati, laka nyan surat dobuka, na ka el si Baruk biti arepse. Ara, ninye si Mahseia, elce deiamuknye Neria, elce deiamuknye, el si Baruk biti, arepse. Asurat dobuka Baruk biti arepse talak ara, na ka Hanameel ap, atuku deksirye, tanda tangan kipmasiba, eipmanikce, sik si asurat deice sekmek ning ap, tonda Raja Zedeikia el yin talin nang, sik aik koproba dam bukuka unmek Yudea mutuku nang babye, sik nirya ap dinmek sukum arye, asurat dobuka, Baruk biti arepsiba, eipmanike.