Yeremia 26:14 - Eipomek

¹⁴ Bukni, na Yeremia biti ara, anggunce tomopmanulumba, anggun dam unmana anya arye, anggunce nati, ‘Winipnamabe, teleb ning ara ani,’ tenepmanulum ning ara, teleb uka. Anggunce tenepmanulum touk, dawinipnamnululume.

Yeremia 26:14 Referans Kwoze

Yosua 9:25

Bukni wini talak ara, nunce an deice uk deipkepyopura, ‘Nun ni Yosua, ance tenepsiminye touk, talipsiminyeura, unamabe. An babye tenepmalam ning ara, ‘Aning ara telebe, winipnamabe,’ tenepminye ninguk wininalama ati, nun kanye ara, aning ara, telebe uka. Nunda anggun amu tam unamabe,” nyabik.

Yeremia 38:5

Nyabikba, amutuku ninye deiyoknye, Raja Zedeikia kekebukce, “Telebe, anggun tenepmalum touk, dawiniplulume. Narye el dobuka, anggun taruk noutam deipsine. Anggun tenepmalum ning ara, narye ‘Bataklulume,’ nyabuka, yupu kum seknamsine,” nyabuk.

2 Samuel 15:26

Bukni, Allah arye nati, kanye kum deipnilirye, ‘Wininamlule,’ kum tenepnilyopura, aning babye teleb uka. Allah arye tenepnamnila atonun, aninguk wininamnile. Na kanye ara, kintinipmana anya arye, aning nirya teleb uka.” Raja Daud birye nyabuk.

Daniel 3:16

Ura, ayupu nyabuk talak ara, Sadrak, Mesak, Abednego ap, sikce ninye deiyoknye Nebukadnesar ati, tamubuka nyabik. “Nai Rajao, nun dem aryuk, kum lyepdatibye. Anyapmasilam yupu ara, nun bidamnye arye, yupu kum sekdatibye,” nyabik.

Yeremia 26:15

Nyapmasin bukni, anggunce moubuka tenepnamlulume. Na dipkoprob nyapsine. Anggunce, na malye ton kum winipmanbuk, opnulum ati ara, anggun deiyok nang ap, anggun amutuku noutamak ululum ninye ap nirya ara, ikin ning dopropnamlume. Ara, malye winina kumnye opmunyopura, na ining, anggun kisok deice upnamsile. Deiyok ara, anyapmasin yupu ara, na kanye aryuk kum nyapsine. Nara, Allah Yahweh arye, ‘Na yupu, sik aninye dam laka nyapminba, sik malye wininyak ning bataknamak do, kum do?’ tenen, Allah arye nyapnuk touk, anggun dam yanuka nyapmasina. Ara, anggun bidamnye, malye winimunya ati, nyapdeibukba, yanuka nyapmasine. Ayupu nirya ara, Yeremia birye nyabuk.

Ester 3:11

Raja Ahasyweros birye, el cincin kwiribuka, Haman biti arebukce, nyabuk. “Amio, ‘Yahudi yala ninye onamak nang arepnamne,’ teneminye ning, perak keil uang ara, na uang yo bok delinak delina meme. Dauplye. Na si deice arye, ance sik Yahudi yala ninye ati, ‘Wininamne,’ tenelyam touk, talye lukparabuka winipnamlyame. ‘Telebe,’ akunum nyapkine,” nyabuk.