Yeremia 22:11 - Eipomek

¹¹ Na Allah arye, ‘Anggunda, Raja Yoahas biti, tenipmunce, engenamlume,’ nyapmasina ara, talye ati kume. Deiyok ara ani. Raja Yosia dibukba, el punubuknye, el mi Yoahas biti ara, na Allah Yahweh arye, ayupu nyapdeipsine. El li koproba dibukba, punubukce, Yehuda mutuku Raja kipmanto ubuknye bira, anggun mal olan nang arye, anye bobuka, yuk mutuku dabobinuka batakikba, ulul bukni, asukumuk dadipnamla ati, amutuku Yudea tam, kum tamubuka yatue.

Yeremia 22:11 Referans Kwoze

1 Tawarikh 3:15

Amon birye, Raja kin ning sirya dakukopura, el mi Yosia birye, ninye deiyok talibuka, Raja kibuka daulamuka ani, el mi du mi, el si ara, Yohanan deibuk. Raja Yosia birye, deiamuk mapu ara, dumbarye deiamuk. Sik si ara, ani. Yohanan ap, Yoyakim ap, Zedekia ap, tonda Yoahas ap deiamuk.

2 Raja-Raja 23:34

Tonda, Mesir mutuku ninye deiyoknye, el si Firaun Nekho, elce Yosia birye deiamuk mi yuknye bira, el si ara Elyakim, ‘Elda Yehuda tam talipnamleʼ tenen, ninye deiyoknye una ati, wipdeibuk. Winibukba, anye elce ninye deiyoknye kibuka, Yehuda mutuku ulamik ninye nirya ati, taleamuk bukni, Firaun el amu tamuk ulamuk. Firaun Nekho birye, Elyakim wibuka deiyoknye una ati, deibuk talak ara, anye el si ara, Elyakim nyalamik bukni, Nekho birye, yuk si sibuk. Ara, “Wini talak arye, dipdongobuka do, unamle talak ara, anye bira el si ara, Yoyakim nyanamake,” nyabuk. Winibukopura, Nekho birye, Raja Yoahas bira bobinuka, Mesir mutuku tamubuka delilbinamukba, binuka wenen aik pum dongamukba, dabinuka ulamuk bukni, Yoahas bira, asukumuk dibuk.

2 Tawarikh 34:22

Raja Yosia birye nyabuka ati, anang ara, imam Hilkia ap, Akiham ap, Abdon ap, sekertaris Sefan ap, tonda Asaya ap, sik nirya ara, Allah el yupu laka nyalamuk kil tonok, el si Hulda dam biyik. Ara, ‘Allah yupu nyalamuk ning ara, akil Hulda, elce aning ara, laka nyapsutuʼ tenen, binuka morobik. Akil ara, Allah arye nyapdeipnaba, kekepnarye, laka nyalamuk kil, akil ara nabi ulamuk. Elda, Yerusalem mutuku dam bukni, winiryuk mitik asik dobuka ulamikakuk, el babye asukum ulamuk. Hulda bira, ninye si Tikwa, el mi Salum domuk. Salum bira, Allah yupu sum ati, imam-imam arye ongolamik baju Wina deiyoknye ulamuk. Ati, Raja arye dopdeibuk nang nirya, neika anabi kil Hulda, el dam binuka, Raja arye nyapdeipmok yupu nirya ara, laka nyabikba, akil kekebuk.

2 Tawarikh 28:12

Tonda aning atouk, Efraim yala nang ati, deiyok kibuka taleamik dumbarye nang ara, sik si Yohanan el mi Asarya ap, Mesilemot el mi Berekhya ap, Salum el mi Yehiskia ap, tonda Adlai el mi Amasa ap, sik anang arye, Israel yin talin nang, Yudea mutuku olamikak arye, Samaria mutuku yanganmik nang dam biyikce, “Yata ati, aning ara winipmalum do?” nyabuka, derebikce, wenebik.

2 Raja-Raja 23:31

Yoahas el ulamuk talak keting tamun ara, dua puluh tiga (23) tahun nebuk talak arye, ninye deiyoknye Raja kibuka, Yehuda tam ulamik ninye ati, Raja kibuka talibukce, Yerusalem mutuku noutam ulamuk. Bukni, elce amutuku talibuka, ulamuk talak ara, yupa weik kume. Ara, wala winilye deice aryuk, elce deiyoknye kibuka talipmok. Yoahas el lin si ara, Hamutal. Akil Hamutal, elda Libna mutukunye, Yeremia birye deiamuk kil ulamuk.

2 Raja-Raja 23:30

Eibikopura, el pil don nang arye, Yosia el nong dobukabikce, kuda arye, kirikuka tuku deice balamuk ning, el si kereta kuda deice deibukabikce, Megido mutuku arye, batakuka Yerusalem mutuku boyayik. El nong ara, Yerusalem mutuku ninye deiyok nang weina ati, akunum kintinip deiamik keil deiya deibikce tuku lukik. Winibik talak ara, sik amutuku ulamik ninye nirya arye, el mi Yoahas bobuka yayikce, ‘Eluk Raja unamsile,’ tenebikce, minyak mek dobuka, el kisok deice dikdongobikce, elti, erepdeibik. Winibikopura, Yoahas bira, el li koproba pununa ati, Yehuda tam ninye, sik ninye deiyoknye ulamukce, aninye taleamuk.

Zefanya 1:1

Allah Yahweh arye, ninye si Zefanya dam yanuka, aminyan talak winipnamuk ning ati, laka nyan yupu nyapdeiamukba, nabi kibuka ulamuk. Zefanya bira, ninye si Kusyi birye deiamuknye ulamuk. Kusyi el li koproba ara, Gedalya ulamuk. Gedalya el li koproba ara, Amasia ulamuk. Amasia el li koproba ara, Raja Hizkia ulamuk. Sik anang arye, deipdanin bana ara, min talak arye dipdongobuka, Zefanya ulamuk talak nukuka sekupu. Raja Yosia birye, Yehuda tam ulamik nang taleamukce, Raja kiamuk talak noutam ara, nabi Zefanya ulamukce, Allah Yahweh arye nyapdeiamuk yupu, laka nyalamuk.

2 Raja-Raja 23:29

Raja Yosia birye, Yehuda yala ninye talibuka ulamuk talak noutam arye, Mesir mutuku ninye deiyoknye, el si Firaun Niko birye, utenebuk. ‘Na wit Asyur mutuku weik deiyoknye melipnamne’ tenen, el mutuku dam arye, batakuka, weik mek si Efrata mekin biyuk. Winibukopura, Raja Yosia birye, ‘Anang olbinamap’ tenen, el ap, el yin talin nang ap arye, sik ak olbiyik. Olbiyik bukni, Firaun Niko birye, mutuku si Megido mutuku binuka epdarikce, oldanmek talak ara, Yosia oplobuk. Oplobukba, Raja Yosia el pil don nang arye, el nong eibik.

Yeremia 22:27

An ap, an nin koproba ap, an tam nang ap, anggun nirya arye, ‘Se, nun mutuku uk tamubuka bitibyeʼ tenen, malye nyabuka, engenamlume. Winibuka tenenamlum bukni, Yudea mutuku noutam, tamubuka kum yanamlume.