Yeremia 10:13 - Eipomek

¹³ Allah elce, “Aning ara, winipnule,” nyaplyeura, im deice tam arye, long-long aplirye, weik mek lelim nyalamle touk, lelim nyalule. Allah elcuk, Tukwak mutuku kup-kup arye, dua weleptue,’ tenebuk talak ara, adiparyuk, dua weleplirye, tukwak mutuku nirya siknilongolule. Tonda, Allah elcuk, ‘Weik mok cepnulirye, bebeya lakalamle touk winipnamleʼ tenen, nyaplye talak aryuk, yo ceplirye perenglang an ning babye nyalule. Tonda, ‘Allah arye min dobuka, ‘Naʼ tenen deibukak arye, banamle teneplye talak ara, minopce dobuka deiplyeba, tukwak mutuku deice balule.

Yeremia 10:13 Referans Kwoze

Mazmur 135:7

Winipmanto ara, ani. Tukwak mutuku sirya, im sirya arye, elce arepliba, weik dua welelule. Tonda, elce arepliba, weik bebeya laklamle ning, bebeya lakalule.

Ayub 38:22

Mourye li talak noutamak, weik mok ceplirye, tererem alamle, el si salju nyalamak ning ara, aning el delinak ara, an akunum bikamlum do? Tonda, ‘Mok dumduma sakanamle’ tenen, kintinibuka deilinunak ara, an eiyalumce, bikamlum do?

Mazmur 18:13

Allah an nong dam ara, dirina weik uamuka ati, pia kunukuk dua kan-kan arye, an dirina tukwak ubuk. Tonda, an tukwak yalum talak ara, im deice arye weik es mok, mitik keil bum atonun ubuka sakuk. Tonda, uku buk tuba dilamuk kalum ap, tukwak mutuku deice sakuke.

Mazmur 147:8

Allah elcuk, im deice tam ulye ning nirya ara, ‘Tukwak nang kum eipnamak’ tenen, dua kitibuka deiplyeba, aning nirya arye, lelilul deice arye, kum elinyabe. Bukni, adua kan-kan arye, ‘Tukwak mutuku deice nirya mok cenamle’ tenen, mok ton kintinibuka delilule. Allah arye areplyeba, mok ceplyeura, Allah el mikip deice arye kintinip deibuk mutuku kon bulye deice nirya ara, maning ap, mutmuta ap, palule.

Mazmur 135:17

Aning atonun, aning memebuka delinyak ning ara, amul ton memebuka, delinyak bukni, pia kum kekeptinge. Sik memebuka deibikirye, si erenyak ning nirya ara, kam kum ulula ati, isin ton pia kum ulule.

Mazmur 68:33

Anggun yuk-yuk mutuku sirya, im sirya nirya, talibuka ululum ninye deiyok nang nirya ara, buluplumce, Allah ati, “Anda pia telebuk ulyame!” nyabuka, el si erenamlume. Diba, aning-aning nirya talibuka, mikip weik ulya deiyoknye ulula ati, nun nirya arye, Allah ati, “Anda pia telebuk ulyame!” nyabuka, el si erenamabe.

1 Raja-Raja 18:41

Aning nirya akunum winibikopura, Elia birye Ahab biti nyabuk, “Na deiyoknye, atalak ara an minopce din binuka dipnulyame. Ara, mok sik kum upnule. Akunum mok weik cepnularye, mok yanganmalba lelim kekepne. Ara, lak arye pitin-pitin kipmalaba, kekepna ati nyapkine,” nyabuk.

Keluaran 9:23

Nyabukura, Musa el kama im deice pukukba, Allah arye weik liman ap, bebeya lakna ap, weik dekne duk-duka purwu mok ap, tabakuka tukwak mutuku dopkwetebuk. Allah arye, Mesir mutuku weik dekne duk-duka purwu mok dopkwetebukba, Mesir mutuku nirya weika arye langdibuk.

Zakaria 10:1

Kwapu youbuka bongon li talak kiplyopura, anggunce Allah Yahweh ati, “Mok arepsilyame,” nyabuka moropmunyopura, Allah el si Yahweh arye, dua kunukna ning arepsiliba, kunuklirye, weik mok ceplirye, tukwak mutuku saklibuk, ninya wa wibuka koulamak ning nirya bongoplirye, bok teleb ubuka palule. Winiplyopura, Allah arye tukwak im sirya, mutuku sirya nirya, unyak ninye nirya ati, bongobuka palamle ning aning-aning nirya bokeipliba, talibikirye, teleb kanye bobuka unyake.

Kejadian 2:5

Aning-aning nirya talibuka, Weik Deiyoknye Allah arye, im noutamak ap, tukwak mutuku ap kwelilamuk talak noutamak ara, ninye ton kwepdeiamuk. Ara, yata yala ning do, tuku deice arye talye palamle ning ap, wa win dam palamle ning yala nirya ap, min kum pamuk. Deiyok ara, aning-aning nirya talibuka Weik Deiyoknye Allah, el si Yahweh arye, min kum nyapdeibuka arye, mok ton kum celamuk. Tonda, atalak ara, ninye min kum kwepdeibuka ati, wa wina ap, tuku palibuka yala ning koulamak ning ap, pil dopmantonye ton kum uamuk.

Mazmur 104:13

Tonda, im deice mutuku arye mutuku dam mok dolkwetelyame. Winipmince, tukwak mutuku nirya ara, ance kwepdeipnulum ning, aning-aning weik betekuka, telebuk palule.

Yeremia 51:16

Allah Yahweh arye, ‘Aning ara wininamlume,’ nyaplyopura, im tam arye, weik mek olamlirye, lelim nyalamle touk, lelim weik nyalule. Allah elcuk, tukwak mutuku dup arye, ‘Dua yatue,’ teneplye talak ara, dua yangalule. Winiplyopura, Allah elcuk nyapliba, weik mok celirye, bebeya laklamle touk ulule. Tonda, Allah arye kumanya dobuka deibukak arye, ‘Kumanya dopnule,’ teneplirye, dopdeiplye talak ara, kumanya mikip arye dolule.

Amos 4:13

Aning nirya ara, talye kum nyapsine. Mutuku-mutuku nirya ap, kumanya nirya ap ara, Allah elcuk kwepdeibuke. Tonda, na Allah Yahweh arye, ‘Winipnamne,’ teninun ning nirya ara, talye tukwak ninye ati, laka nyalisunune. Tonda keting noutam babye, lukunyan babye, na Allah aryuk kintinibuka delinune. Winibuka unirye, tukwak mutuku noutamak, weik mutuku deice yanipdongobuka, banune. Na si ara, Allah Yahweh unune. Nara, im deice yin talin ninye nirya talibuka unune. Nara aning-aning nirya talibuka deice tam Pia Mikip Weiknye unune. Allah arye, sik Israel ninye ati nyabuk.

Yeremia 5:24

Anggun awinilulum nang arye, anggun kanye talima namin upsutuba, anggunce, “Se, nun ni koproba Allah ati, dipkoprob ilil asa unamabe. El yupu uk kekebikirye, aninguk talibuka wininamabe,” nyaptum bukni, aning kum tenebuka nyalulume. Tonda, anggunce, “Se, nun ni koproba Allah aryuk, mok li talak ara, mok aresilyeba, mok celule. Tonda, aketing tamun, aketing tamun nirya, mok li ap, dou man ning deiyok koun talak ap, mok li sirya daklyeura, wa wibuka koumice ning, lin talak ap ara, Allah arye teneplirye, elcuk asum-asum nirya, teleb kibuka arisulule,” nyapmatume. Allah arye, ‘Winipnamakeʼ tenen, ‘Akunum kintinip deiamuk touk, tuba aresululʼ tenen, na Allah ati, si erebuka dopnutum bukni, aning babye, pia kum tenelulume.

Yeremia 14:22

Nun ni Allah, nun kele. Mutuku-mutuku nirya arye, kwemdina ning Isa Mutuku Dongonye si erenyak ning ati, ‘Mok arepsilyame,’ nyabuka moroptibye babye, mok kintinibuka kum arepsutue. Tonda, im noutamak ulul ning aryuk, mok tukwak mutuku kum dopkweteptue. Aning nirya kum bukni, Allah ancuk, nun patapsilye ning nirya arisilyame. Ati ara, nunce an deiceuk, nun kanye delinyabe. An dem aryuk, aning-aning nirya arisilyame.” Israel ninye arye, Allah ati ayupu nyabik.

Yeremia 19:12

Yeremia birye nyabuk. “Ara, urdem ati kum nyapsile. Allah el si Yahweh arye, ayupu dipkoprob nyapmasile anya arye, nong upnamle. Anggun amutuku ululum ninye arye, Topet mutuku ululum ninye nirya, malye winilimunye touk, Allah Yahweh arye, ‘Amutuku ap, Yudea tam ap, Yerusalem mutuku ap, amutuku unyak ninye nirya ap, malye winilinamle. Amutuku unyak ninye nirya ara, Tofet mutuku pia malye ulye touk, kipdeipnamsine,’ nyapdeipnuka ati nyapsine.”