Yeremia 1:5 - Eipomek

⁵ ‘Yeremia, an nin mun pum tam, min kum kintinip deiamkise talak ap, tonda, an nin birye kum deiamkuk talak arye, na Allah arye anti, ‘Doryanamle talak ara, narye wininamne ning, anye Yeremia biti, laka nyaipneba, daunamak ninye ayala-yala nirya ati, na yupu laka nyananye, nabi unamle’ tenen, akunum kintinipkisirye anti wipdeiamkise,’ nyabukce, Allah arye na Yeremia biti nyapnuke,” nyabuk.

Yeremia 1:5 Referans Kwoze

Mazmur 139:16

Na min mun pum tam ulamse talak ara, ance minopce eibuka, bikamnulumce, akwamnulume. Akwamnulumce, ‘Anye bira, el kam unamle talak noutamak ara, winibuka-winibuka wininamle,’ tenelamnulum ning nirya ara, an kam una buku deice, na si sekuka deiamnulume. Tonok sum noutamak akunum winipnuk ning ap, aminyan talak winipnamniyake ap babye, min kum deiyok koupnuk talak arye, atalak-atalak wininamse ning nirya ara, minop talak, ance akunum tenebuka bikamnulume. Tonok pil ara, min kum deiyok kiamlum talak arye, atalak-atalak winipnamuk ning nirya ati ara, na ni ance, minop talak tenebuka akunum bikamlume.

Yesaya 49:1

Allah arye, ninye lyena ati, el melin pil donamuknye wipdeibukba, anye birye nyabuk. “Se, anggun pera mutuku dana-dana ululum ninye ap, laut mekwen noutam sekdongamuk mutuku kon ululum ninye ap, nirya arye, na yupu uk, moubuka kekeplulume. Ara, sik min kum deiamnirik talak arye, akunum Allah Yahweh arye, wipdeipnukce nyapnuke. Tonda, na nin mun pum tam, tuba bomnuk talak arye, akunum wipdeiamnukce, na si sisibuka yukupnuke.

Roma 8:29

Ayupu ara talye ati kum nyapsine. Deiyok ara ani. Ara, minop talak Allah arye akunum tenebuka kel bikamsukce, ‘Sikda, na mapu unamake anya arye, aninye teleb kipdeipniba, na Mi Kopropa el teleb kibuka ulul touk, sik babye atonun unamak’ tenen, akunum wibuka deiamsuke. ‘Unamake’ tenen, wipdeiyamsuka deiyok ara ani. Ara, Allah arye, ‘Na mi kopropa Yesus Kristus ara, minyuma du mi atonunye ulyopura, el weit yapu ara, noutam mapu atonun kibuka tabaknin bakirye, weik upra banamake,’ tenyamsukce, wipdeiyamsuka ati nyapsine.

Yesaya 49:5

Allah Yahweh arye, na min kum deiamnirik talak arye, ‘Na pil donamle’ tenen, wepdeiamnuke. Ara, Allah kanye deiamnukce, ‘Na pil melilamnuknye birye, na mapu Israel ninye nirya bulupdeipliba, sik nirya tamubuka na damuk yanamak’ tenen wiamnuke. Allah Yahweh arye, ‘Na pil melinamnilnye, ninye arye el si erenamak’ tenen, weik si sisibuka wepdeiamnuke. Na mambul pil donuna ara, Allah el mikip deice aryuk meliniliba apil donune. Ati, elda na melibuka mikip kilina deiyoknye unulule.

Yesaya 44:2

Ara, nara Allah, na si Yahweh arye an nin min kum deiamkuk talak arye, mun pum tam tuba ulamlumbuk, kintinp deiamkisirye wiamkise. Winyamkisa ati, tuba melikunune. Ati, ance nati ilil una kume. Israel anda, ‘Na amu tam ulirye, na pil donanye unamle’ tenen, akunum wibuka kintinip deiamkise.

Lukas 1:41

Maria arye “Telebe,” nyabukura, Elisabet kekebuk akarye adiparyuk, el mi mun pum tam arye lulukukura, Allah El Dib Kanye arye, Elisabet el kanya talima noutamak yanuka wekukce, langdibuk.

Lukas 1:76

Zakaria arye ayupu nyabukopura, el mi Yohanes deipmoka ati, ayupu nyabuk. Na mi Yohanes ara, nun Lyena Deiyoknye ati, el yanamle bisik menekuka kintinilinalama ati, yuk nang arye, ‘Allah aning-aning nirya alip tam ulirye, weik mikip ulinye bira ara, el yupu laka nyalulnye nabi bira, Yohanes el ulule,’ nyanamkiake.

Keluaran 33:17

Nyabukura, Allah el si Yahweh arye, Musa biti nyabuk. “An moropmanilam ning ara, aninguk narye melipnamsine. Deiyok ara, na kel kipkisirye, na kanye an deice deipkisa atia,” nyabuk.

Yeremia 1:10

“An kel biklyame. Asum arye, na Allah mikip dobuka an deice deipkine. Ati ance na mikip dobuka, mutuku-mutuku nirya unyak ninye ap, ninye deiyok yuk-yuk talibuka unyak weik deiyok nang ap, anang arye talinyak nang ap, an bimince na nyapkinye yupu nyapminyopura, ayupu nong upnamlarya. Ati, narye nyapdeipkiniba, ikin ning arena ap, koulamak ning kwinina ap, ninye arye donyak ning ululona ap, kum kilina ap, ninye malye kibuka ona ap, tonda, teleb ubuka lipsisikuka dona ap, winiryuk yala ning kouna ap, aning nirya, narye tenelamse touk winipnalama anya arye, ‘Ance ayupu laka nyalbinamlam’ tenen, na mikip an deice deipkine,” Allah arye nyapdeipnuk.

Keluaran 33:12

Tonok sum ton Musa birye Allah el si Yahweh ati nyabuk. “Ance nati nyamnuluma ara, ‘Anang dobuka narye nyalamse mutuku bobinamlam,’ nyamnulum bukni, anang bobana ati, melipnamnilanye bira, yatanye wipdeipnamlam do? Anye si min kum nyapnulume. Tonda, Allah ance nyamnuluma ara, ‘Narye an si kel bikisirye, na kanye ara, an deice deipkise,’ nyamnulume.

Lukas 1:15

Deiyok ara ami neplyopura, mambul pil dolamlye ati, Allah arye anye biti kanye pia delinamle. Ami neplyopura, anggur mek kanye wangalamak mek ap, yuk talye kanye wangalamak mek ap, pia kum dinamle. Tonda, el winiryuk deiplye talak anirye, do unamle talak nirya ara, Allah El Dib Kanye ami el talima wekuka, langdiplirye, pia puto weik areplyopura Allah El Dib Kanye arye anye pia talinamle.

Roma 1:1

Telebe, na kayapo. Na Paulus birye, anggun Roma mutuku diba tenelulum ninye ati, teleb nyabuka, asurat sekeipsene. Na Paulus ara, Yesus Kristus el amu tam bukuka, el pil melibuka donanye, Rasulnye unune. Allah arye nati, ‘Paulus ara, na laka teleb yupu, ninye lyena yupu dobuka peterelbinamle,’ tenen wibuka deipnukce, el laka teleb yupu dobuka peterelbana ati, deiyok kouna deiyoknye, Rasulnye kipnuke. Ati, elcuk wipdeipnukba, apiluk donune.

Yeremia 50:34

Bukni, Israel yala nang nirya ara, na Allah ara, sik melibuka lyena deiyoknye unune. Na Allah ara, sik Lyena Deiyoknye, pia mikip weiknye unune. Ati ara, na si bitinye ton, Allah Yahweh, im deice yin talin malaikat nirya, sik deiyoknye ulula ati, elda pia mikip weiknye nyabuka nyaninyake. Ati ara, na Allah dem aryuk, anggun lyena ati, pia pi dobuka melinamsine. Tonda, Israel nang lopdeipnyopura, sikce sik mutuku koproba tamubuka bikirye, talye kanye deibuka, telebuk unamake. Olana kumce, tunim abuka unamake. Bukni, sik Babel mutuku unyak nang nirya ara, sik deice ara, olan ning ap, ilil un ning ap, imun kanye bon ning ap, sik deice deipnamne.

Efesus 1:22

Tonda, Allah arye, Kristus ati weik arye, erepdeibukba, yata ning do nirya, aning-aning nirya el amu tam uliba, elda alip tam ulirye, aning yala-yala nirya talilule. Aning nirya talibuka, Weik Deiyoknye ulye atonun, nunce Allah ati dib tenenyap ninye nirya ababye, nun Weik Deiyoknye usulule.

Yohanes 10:36

Anang ati, “Na mapu,” nyabuka anya arye, Allah arye, ‘Na kanye delinunye’ tenen, kanye deibukce, wipdeiamuknye, tukwak mutuku dopdeipnuknye ati ara, “Allah el Mi Koprop,” kum nyapdatinye do? Ati narye, “Allah el Mi Koprop unune,” nyapmanu deice arye, anggunce, “Allah el si yanipmalame,” nyanmanuluma ara, yata deiyok ati do?

1 Korintus 8:3

Bukni, yata ninye do nirya, Allah ati sik kanye talima, el deiceuk delilamak ninye ara, Allah arye aninye, el kele.

Mazmur 139:15

Allah ance, na yok nirya kwepdeipnulum talak ara, moubuka dinmanulumce, dukdongobuka, darapdongamnulume. Ara, na nin mun pum tam, min kum ulamse talak arye, apil dopnulume. Winibuka kwepdeiamnulumba, na nin mun pum arye dungnubuka nelamse. Na adungnubuka nelamsak ara, Allah ance dina ara, kum duknupmanto ulamuke. Adiparyuk eibuka, bikamnulumce, akwamnulume.

Yeremia 1:4

Allah el si Yahweh arye, Yeremia biti wipdeibukce, yupu nyabukba, Yeremia birye ayupu nyabuk. “Allah Yahweh arye, na dam yanuka ayupu nyapdeipnuk.

Yeremia 25:13

Ara, Babel mutuku nirya ap, Babel mutuku noutam unyak nang ap, yuk-yuk mutuku nang nirya ara, sik wenena ati, “Narye winipnamne, ikin weik ning arepsinirye, winibuka opnamsine,” nyapdeipsiba, Yeremia birye kekebukce, anggun atam mutuku nirya ati, abukuka noutam sekdeibuk ning nirya ara, dipkoprob anggun dam arepnamsine. Aning nirya, dipkoprob nong upnamle nyapne.

Yeremia 36:2

“Yeremia ance kitilongolamak buku ton dopropmince, abuku noutamak ara, narye an dam Israel yala ninye ap, Yehuda yala ninye ap, tonda ninye yuk mutuku ninye nirya ap, sik malye wininyak ning wenena ati, ‘Winibuka ikin ning, sik nong deice deipnamne,’ nyabuka, laka nyapdeiamkise yupu ara, seknulyame. Ara, minop talak Raja Yosia birye, ninye deiyoknye ulamuk talak arye, minopce nyapdeiamkise yupu arye, dipdongobuka, asum nyapkin yupu nirya ara, seknulyame nyapkine.”

Yeremia 20:15

Tonda, na nin birye deipnuk talak, yuknye birye, na ni koproba dam biyukce, ‘An kil arye sal mi deiple,’ nyabukba, na ni koprop kanye deibuk bukni, ayupu laka nyalbiyuknye bira, batakamtue. Atonun, ayupu laka lelbiyuknye ati, malye kipdeiamtinge. Yata deiyok ati, ayupu nyalbiyukura, na ni koproba kekebukce, kanye deiamuk do? Aning ara, batakamtue.