Yehezkiel 9:11 - Eipomek

¹¹ Nyabukopura, atalak aryuk, pia namin teleb baju, el si kain lenan ongopmoknye birye, tamubuka yayukce, Allah ati yanuka lak nyabuk. Ara elce, “Na ni Allah, ance, ‘Aning winipnamlame. Aning ton kum winipnalame,’ nyapdeiamuk touk, aning nirya ara, adiparyuk akunum winibuka, sirya dakmane. Tonok babye, kum batakse,” nyabukba kekepse.

Yehezkiel 9:11 Referans Kwoze

Wahyu 16:17

Bulubuka deibikura, malaikat teknye birye kanye imun ning, el karu makau pum bisik uamuk ning ara dobukabukce, im noutam akuk diklobukba, Allah el im deice tam si eren aik pum bisik arye, tonoknye weik arye yupu nyabuk. “Winira akunuma. Sirya dakle,” nyabukba, kekepse.

Wahyu 16:2

Ayupu nyabukba, adiparyuk sik tekbarye bukni, minyuma malaikat arye el emas makau tuku deice diklobukba, atalak ulamik ninye deice ara, weik kanye imun torok moubuk. Ara, laut mekwen noutamak arye minyuma yayuknye, pia malye kam ululnye, el ap, el urasin atonun puturubuka deibik ning ap, tukwak ninye arye si erelamikce, el nomor sik nong deice seklamik ninye ati, torok pia weika arye aribukba, sik nong deice moubuk.

Mazmur 103:20

Aning ati ara, Allah el im deice pil talibuka donyak nang, sik malaikat nirya ara, Allah elce, “Winamlulume, amutuku binuka pil donamlulume,” nyalilul yupu nirya, kekepmunce, anyalye touk pil dobuka ululume. Anggunda, mikip weik malaikat ululume. Allah aryuk, “Wininamlyame,” nyabuka arisilye yupu nirya ara, kekebuka ululume. Ati, anggun malaikat-malaikat nirya babye, Allah Yahweh, el siuk erenamlume.

Yehezkiel 9:2

Nyabukba, lengdar mapsa deice arye dinmase talak ara, sik amutuku kalikina deiyok nang nirya ara, adiparyuk like tonok nakub barye (6) nang, Allah Yahweh el si eren aik dam yangan bisik bublan tam, dabu tam arye kibuka, yanganmekba eipse. Sik anang yayik talak ara, sik yuk-yuk yin taleamik ning ara, adiparyuk sik taruk deice arye, talipdakuka yayik. Sik ayayik kan-kan arye, ninye tonoknye ton, baju pia teleb namin ning, el si kain lenan ongopmoknye bira, yupu seken ning ap, talipdakuka yayuk. Winibikopura, sik anang nirya ara, adiparyuk, Allah si eren aik urasin tam, kam ning opnarye, uku dongonak, el si mesba, pia teleb kat ning si, perunggu deice arye kintinibuka deiamikak, asukumuk wekmekce, binuka tikmek.

Yehezkiel 9:10

Anang arye, nyanyaka ati ara, na Allah arye, sik anang nirya ati, eipnyopura, sikti bico pia kum tenepnamne. Kume, sik Israel nang nirya ara, yuk nang ati, pia malye-malye weik wininyak touk, narye sik anang ati, sik malye unyak ning ara, sik nong deice deipnamne. Winibuka pia wenebuka opnamne” Allah arye, na Yeheskiel biti, lengdar mapsa deice arye nyapnuke.

Yehezkiel 10:1

Ura, na Yeheskiel birye mapmasirye, lengdar deice atonun dinmasiba, Kerub bitinye, sik pol otam atam arye dukdongamdik ning bukni, sik Kerub bitinye, sik kisok deice belebuka lak uamuk ning eipse. Ara, pia urasin teleb dekna weik keil, el si ara, batu nilam, aning arye pia teleb ninye bun ning, memepdeibik ning, el si tahkta urasin atonun ning, lak ubukba, narye eipse.