Yehezkiel 48:19 - Eipomek

¹⁹ Ara, Israel nang yala-yala nirya ara, weik asik Yerusalem mutuku noutam pil donamak nang nirya ara, awa win sukum noutam, wa wibuka kunamnyake. Sik nirya talye tunim abuka namin asa arye daukirye, asukumuk wa wibuka unyak nang nirya ara, lin talak uplyeura, bulubuka, lilyanganamake.

Yehezkiel 48:19 Referans Kwoze

Yehezkiel 45:6

Pia teleb lek tuku kup-kup tam ara, adiparyuk tuku yuk ton bokuka, el cang ara, dua belas setengah (12,5) kilometer ap, el pala ara dua setengah (2.5) kilometer, yuk bokuka deipnulyame. Amutuku kintinipnalam mutuku noutam ara, sik Israel yala nang nirya ara, pia namin arye, tunim nyabuka, amutuku uk unamake.

Yehezkiel 48:18

Keting panalyangan tam ap, keting kumulban tam ap ara, mitik tonun tuba aupnamle tuku ara, wa winakuk upnamle. Atam el urasin ara, persegi empat kipnamle. Ati, atonun umunye tam yuk-yuk nirya ara, 5 kilometer kipnamle. Atuku nirya ara, sik Israel nang arye, wa win sukum ton kintinipnamake. Abitinye lo weik upnamle tuku ara, ninye arye yala ning nirya kouna ati, talinamake. Wa wiamikca, lin talak linamak ning ara, anggun weik asik dopnamlum ning noutam, aik dobuka unamak nang arye, adin ning dobuka dinamnyake.

Yehezkiel 48:20

Ati, anggunce wilibuka kintinip deipnamlum mutuku noutam nirya, el urasin ara, persegi empat kipnamle. Ati, atonun umunye tam yuk-yuk nirya ara, 12,5 kilometer kipnamle. Ara, wa win sukum ap, weik asik Yerusalem mutuku dopnamlum ning ap, na Allah Yahweh ati, na ‘Naʼ tenen ning, kintinipnamlum ning ap, sik imam-imam nang ati, wilibuka deipnamlum ning ap, amutuku-amutuku nirya, adiparyuk wilibuka kintinipnamlum ning ara, el pala ap, el cang ap, dana-dana tam nirya ap ara, persegi empat kipnamle. El kiklina ara, 12,5 kilo meter, atam, otam, eitam, outam nirya ara, atonun 12,5 kilometer wilibuka kiklipmunce, kintinipnamlume.