Yehezkiel 47:10 - Eipomek

¹⁰ Minop talak ara, aweik mekwen, el si ara Laut Mati, garam weik ubuka ati, amek pum tam ara ikan pia kum uamuk bukni, aminyan talak ara, amitik mekwen akunum balirye weklyeura, aweik laut mekwen dana-dana tam nirya ara, ninye arye ikan tomonamake. Ara, keting komulbalamle tam, mutuku si En-Gelaim arye anyapce, dipdongobuka binamlya ani, otam keting panalyangan tam mutuku, el si En-Eglaim mutuku nirya ara, amekwen pia teleb upnamlarya. Winiplyeura, alaut mekwen lilun arye, ikan don nang nirya ara, pin-pin aryuk unamake. Winikceura, sik ikan don aling, el si ara jala, kalekuka deilinamake. Amekwen akunum teleb uplyeura, amekwen noutam nirya ara, ikan yala-yala nirya aunamake. Ara, weik Laut Mekwen, el si Laut Mediterania, tonda Laut Tengah nyalamak laut mekwen ulye touk, Laut Mati babye, atonun unamle.

Yehezkiel 47:10 Referans Kwoze

Matius 4:19

Sik wininmarikba, Yesus eibukopura, abitinye nang ati, nyabuk. “Anggunda, na melibuka dobolyanururume. Mekin bal dongobuka dolamrum touk, ninye bulubuka don nang kipdeipnamsine. Ara, ‘Allah lyeplirye, sik talima talinamle’ tenen, anggunce ninye weike bulubuka, na dam boyanamnurume,” nyabuk.

Mazmur 104:25

Aning atonun, Allah ancuk, weik pala laut mekwen kintinibuka deiplumba, mekwen amu unyak ning mitik ning ap, weik ning ap, mekwen amu tam tuku deice balamak ning ap, mekwen noutamak balamle ning ap, pia weik unyake. Aning nirya ara, pia kum nukmanto.

Bilangan 34:6

Tonda keting kumulban tam ati ara, anggunce weik laut mekwen kup-kup, el si Laut Mediterania, asukum arye wilipdopmunyakarye, keting panalyangan tam ulye tuku ara, dopropnamlume.

Markus 1:17

Yesus eibukce, abitinye nang ati nyabuk. “Anggunda, na melibuka yanurume. Mekin bal youbuka dolamlum atonun, ninye bulubuka dolon nang kipdeipnamsine. Winipsinyeba, ninye weik arye Yesus ati, ‘Dib tenepnamak’ tenen, na dam boyanganamnurume,” nyabuk.

Yehezkiel 48:28

Gad yala nang arye unamakak bukni, iknapye tam ara (arah selatan), sik wililonak deiyok kouna ara, keting panalyangan tam, Tamar mutuku arye dipdongobuka, keting kumulban tam, weik kata mutuku bukni, Kades-Meriba mek puak arye dipdongobuka, keting kumulban tam ton anyapce dipdongobuka, otam Mesir mutuku wililonak, Mesir mek balula lilun dam arye, dipdongobuka otam wilipdongobuka, binamuka ani, Laut Tengah mekwen deiamukakuk, binuka deipnamlume.

Yehezkiel 47:15

Israel nang nirya arye, dopropnamaka mutuku tuku bokuka wililonak ara, lak nyapnusine. Ara, dabu tam, (arah utara) arye deiyok kibuka wilipdopmunce, weik laut mekwen, Laut Tengah (Mediterania) dam, keting komulbalamle tam arye, dipdongobuka binamuk ani, keting palanyangan tam, mutuku si Hetlon mutuku arye, wilipdopmunyak arye, bokdopnamlulume. Tonda, asukum arye dipdongobuka, mutuku si Hamat tam arye, dipdongobuka binamuka ani, Zedad mutuku deice tam binuka, wilipdopnamlume.

2 Tawarikh 20:2

Ton nang arye, aning kekebikopura, sik anang arye yupu bobuka, Yudea mutuku taleamuknye, Raja Yosafat dam nyalyayik. Ara, “Edom mutuku tam bukni, weik laut mekwen buk akunum dibuk laut mekwen otam arye, sik yin nang weik arye yangamake. Sikda, yin nang yupa pia weik arye yanganmakce, an ona ati akunum yangamake. Sik anang aryuk, Asezon-Tamar tam dam akunum yanganmake,” nyabuka laka nyabik. Ura, Asezon-Tamar mutuku atibuk, amutuku yuk si ton nyalamik ning ara, En-Gedi mutuku nyalamik.

Yehezkiel 26:5

Tirus mutuku ara, weik laut mekwen lilun uamuk mutuku ati, sik asik nirya alubuka, sice buklopnamak ning, narye kum kipdeipnyeura, keiluk beleplyeba, sik ikan don nang arye, sik ikan tomon ning, el si jala ara, amutuku keil belebuka, deice lapnamake. Na Allah Yahweh, aning-aning nirya deice tam erebuka, Pia Mikip Weik Deiyoknye birye nyapsina ati, anyapmasin ning ara, dipkoprob winipnamlarya. Tirus mutuku noutam ubuk ning ap, ninye ap nirya ara, ninye yuk mutuku nang arye, talye upula lukparabuka dopropnamake.

Yesaya 49:20

Babel mutuku nang arye bobinamsik talak ara, imun kanye bobuka ulamlum talak arye deiamlum mapu arye nyanamsiyake. ‘Amutuku nun unamabak ara, lo mitik tonun ati, tonap amutuku arepsutumba, lo weik upsutopura, aunamabe,’ nyabuka moropsikiba, anggunce kekenamlume.

Yesaya 49:12

Winipnyopura, na mapu ara pera mutuku arye, Yerusalem mutuku uk tamubuka yanganamake. Ara, outam arye yanganamake. Tonda, keting kulamle tam arye yanganamake. Tonda eitam arye, mutuku si Sinim mutuku arye Yerusalem mutuku tamubuka yanganamake.

1 Samuel 23:29

Atalak aryuk Daud birye, amutuku batakuka yuk mutuku si En-Gedi mutuku, binuka ulamuk. Ara, ‘Nun mal olan nang arye, yanuka opsicakʼ tenen, amutuku ninye ara, minop talak ara, weik keil arye domik asik sukumuk, yu nang arye kum wekmanto asik, amutuku binuka ulamuk.

Yosua 23:4

Na Yosua birye, Kanaan mutuku noutam ulamik ninye nirya, obuka sirya dakeipsirye, sik talibuka ulamik mutuku noutam nirya ara, anggun Israel yala nang ati, amutuku nirya ara, dopropserye, anggunti akunum bokuka areamsise. Anggun ti areamsise mutuku ara, Yordan mek koubuka, otam keting panalyangan tam arye, dipdongobuka binamuka ani, keting kumulban tam, weik laut mekwen dam arye binuka sekdobuk. Tonda, na Yosua birye, Kanaan mutuku noutam tuba aunamak nang, sik unyak mutuku babye, akunum dopropsirye bokuka, anggun Israel nang ati areamsise. Adeice arye, amutuku noutam nirya ara, anggun Israel nang arye, talibuka ululume.

Kejadian 14:7

Obuka sirya dakikura, tamubukabikce, En-Mispat mutuku noutamak, (ton el si ara, Kades mutuku) biyikce, sik Amalek nang obuka, sirya dakik. Amalek ninye taleamuk mutuku-mutuku tam nirya, alabuka doprobik. Aning atonun, Hazeson-Tamar mutuku ulamik nang, Amori nang babye, obuka sirya dakik.

1 Samuel 24:1

Ura yuk talak ara, Saul ap, el yin bon nang ap arye, Pilistin ninye olana ati, warikil balamik ani, aminyan talak tamubuka yayik. Yayikopura, yuk nang arye, Saul biti, “Daud bira mek ap, ninye ap kum mutuku, mutuku si En-Gedi mutuku ulule,” nyabuka laka nyabikba, Saul kekebuk.

Yesaya 19:8

Tonda, aNil mekin ikan yangabuka tomonyak ning nirya ara, ikan nirya dibikceba, kanye ikin uplyeba, ikin kanye bobikirye engepnamake. Aning atonun, tapu ap, taica ning ap arye, ikan enyak nang nirya babye, ikan tomon ning el si jala arye tomonyak nang nirya babye, engepnamake. Nil mek pum tam ulamle ikan nirya kum danmala ati, ‘Kum tomoptibyeʼ tenen, malye kanye bobuka unamake.

Yehezkiel 26:14

Na Allah arye, anggun mutuku ning nirya, kum kipdeipnirye, bataknamne ning ara, talye keil yo uk beleplirye, tuku dem uplyeba, ikan don nang arye, sik ikan don ning, el si jala ara, akeil deice mikinamake. Amutuku weik asik ara, tonap ton tamubuka, kum dopnamake. Anyapmasin yupu ara, dipkoprob nong upnamle. Aning ara, talye kum nyapsine. Deiyok ara, na Allah, mikip weik ununye birye nyapsine. Tonda, na Allah Yahweh, aning-aning nirya deice tam erebuka, Pia Mikip Weik Deioyoknye birye, akunum nyapmasina ati, aning nirya dipkoprob nong kunupnamle.

Yehezkiel 47:19

Ura, Tamar mutuku arye, iknapye tam (arah selatan) arye, wililonak arye dipdongobuka binamunya ani, keting komulban tam (arah barat) dabinuka wilipdopnamlume. Asik domik ning ara, Kades-Meriba mek pu arye, dipdongobuka wilibuka binamunya ani, minop talak mek balamukak bukni, akunum diprobuk dam arye dipdongobuka epdamunyak arye, dabinuka wilipdopnamlume. Anyapce, weik laut mekwen, keting komulban tam uamuk ning, el si Laut Tengah (Mediterania) Mesir mutuku damuk dipdongobuka wilipdopnamlume.