Yehezkiel 42:3 - Eipomek

³ Anyaik domikce, el urasin deiamik tam, lo el pala ara, sepuluh meter (10) kibuk. Anyaik bukni ton tam ara, el urasin deibuka domik tam ara, bai tam arye ninye yanibuka yangana ati, keil pala yangap deiamikce, domik tam ara, lantai batu dam, anyaik urasin bai tam kipdeiamikce, domik. Anyaik domik ning, tonok minyuma domik ning ara, tuku deice amu tam domik. Anyapce ubuka, bitinye ning ara, noutam domik. Anyapce ubuka winilye ning ara, eitam domikce, tiga tingkat aik nyabuka dolamaka atonun, ubuka domik. Atiga tingkat aik domik ning, el urasin ara, Allah si eren aik iknapnye tam kipdeiamikce, domik tamuk kiamik.

Yehezkiel 42:3 Referans Kwoze

Yehezkiel 42:5

Anyaik noutam alip tam wilibuka domik aik ara, el lo pia mitik tonun kibuka domik. Bukni, yuk amu tam domik aik noutam nirya ara, mitik tonun, pala weik kibuka domik. Deiyok ara, pia mitik bisik el si ara, lorong-lorong dam domik aik, el pala ara, weik tonun domik. Anyapce amu tam domik aik ara, mitik tonun domik.

Kidung Agung 7:5

Winipmanto ara ton, nun unamap mutuku noutam, pia weik mutuku bukukak ara, amutuku aning-aning nirya ara, deice tamuk lak ulule. Amutuku si ara, Karmel mutuku tuba nyanyake. Aning atonun, an nong deice tam ara, an kisok deice ukulule. An kisok erebuka baminba, amutuku nang nirya, eipkikirye, ‘Se, akil ara, mambul weik kile,’ tenenamkiake.’ Aning babye, urasin pia teleb ukulul ati nyapne. Anda, dana-dana tam balamlumba, an kisok deice uamuk cang potong ara, welepmana, koulukmana kiltolule. ‘Apotong ara, pia teleb, mirin weik ulirye, mildang-dang alul bukni, cang weik ulula ati, ninye deiyoknye Raja babye, apotong noutam tomopkutua babye, pia lopdaturye, kum bitue,’ tenepne.

Kidung Agung 1:17

Tia talak un aik ayukumna, ikuka dopnumu yo ara, urasin pia teleb kat yo, el si aras yo arye, ikuka dopnumu ara, pia teleb ulule. Tonda, anyaik deice tam keting koa buna ati, cang yo el si ara, cemara yo tikilule. Aning nirya babye, pia telebuk ulule.

2 Tawarikh 7:3

Anyaik dam bulubuka wekmek ninye, sik Israel yala ninye nirya arye dinmekce, im deice arye auku buk saka yanganmok ning ap, Allah Yahweh el damnye weik dirina ara, Allah Yahweh el si eren aik noutam langdibuk ning ara, sik nirya arye gutam tuku dinikdongopmekce, sik asok ara tukwak kanupdongobik. Sik asok ara, tuku deice dinikdongopmekce, Allah ati si erenmek. Tonda, sik Israel ninye nirya arye, Allah ati si erena ap, mot nyana ap, unmekce, el si erenmek. Sikce tanmek yupu ara ani. “Se, nun ni koprop Allah ara, pia teleb ulirye, nunti weik tonun teleb kilisulule. Elce nunti, weik tonun bico tenesilirye, elce Wininamlulume, winipmunyopura, narye pia teleb kipdeipsinirye, kalekuka melinamsine nyabuka nyalin yupu deice arye nyapdeiamsuknye bira, luba kina kumce, pia kum bataknamsile. Tuba melinamsile nyabuka, si erenmek.