Yehezkiel 31:7 - Eipomek

⁷ Keipyal yo tekukak ara, nong pia weik nebukce, el moubuka urasin pia teleb kat yo tikuk. Ayo el taruk ara, cang weik yo tikuk. El yating ara, tuku amu tam noutam wekukce, mek weik biyuka noutamuk biyukba, ayo arye mek weik dilule.

Yehezkiel 31:7 Referans Kwoze

Yehezkiel 31:6

Maka yala-yala nirya, ayo taruk deiceuk, aik dobuka manyake. Tukwak mutuku kam unyak ning nirya ara, ayo deiyok damuk wekenyakce, mi deibuka unyake. Tonda, mutuku nirya unyak nang ara, keting buppu weik uplyopura, ‘Keting koa buknuyapʼ tenen, ayo tekukak amu tamuk wekelyangakirye, kanye deibuka bulyanganyake. Ara, mambul kum mutuku nang kume. Ayo deiyok dam bulyanganyak nang ara, dipkoprob pia mambul weik nang unyake.

Yehezkiel 31:8

Allah arye minop talak kwepdeibuk mutuku, Eden mutuku tikamuk keipyal yo ara, Libanon mutuku tikuk keipyal yo atonun kume. Libanon mutuku keipyal yo ara, urasin pia teleb ubuk. Tonda, yuk mutuku tikuk yo, el si Sanobar yo ara, taruk weik ton aulul bukni, elti dektinga babye, pia kume. Libanon keipyal yo ara, el taruk cang ara, weik anya arye, yuk yo ton atonun kum ulule. Eden mutuku tikuk yo ara, Allah arye kwepdeiamuk bukni, Libanon mutuku tiklamle yo ara, el kamo urasin atonun, yuk yo ton pia kum ulule. Libanon tikilul yo ara, urasin pia teleb ninge.

Daniel 4:12

Tikamukce, ayo bok ara, pia sukup-sukup abuka palamukce, el duk ara, pia weik moulamuk. Moulamukba, ninye nirya, ayo dukuk dilamikce, kam ulamik. Tonda, ayo tikamuka amu tam ara, pata mutuku ulamik kam ulamle ning nirya ara, ayo amu koa wekelyangalamik. Tonda, maka ayala-ayala nirya, ayo taruk deice, sik aik dolamik. Tonda, ayo duk ara, bai tam kam unyak ning nirya ara, asukumuk dilyangalamik.