Yehezkiel 31:6 - Eipomek

⁶ Maka yala-yala nirya, ayo taruk deiceuk, aik dobuka manyake. Tukwak mutuku kam unyak ning nirya ara, ayo deiyok damuk wekenyakce, mi deibuka unyake. Tonda, mutuku nirya unyak nang ara, keting buppu weik uplyopura, ‘Keting koa buknuyapʼ tenen, ayo tekukak amu tamuk wekelyangakirye, kanye deibuka bulyanganyake. Ara, mambul kum mutuku nang kume. Ayo deiyok dam bulyanganyak nang ara, dipkoprob pia mambul weik nang unyake.

Yehezkiel 31:6 Referans Kwoze

Matius 13:32

Kabalye yo duk, mitik duk arye dokamiki bukni, beteklirye, nepnin balamlya ani, neplyopura, taruk weik arye leklyopura, ataruk deice ara, yuk-yuk maka nirya, sik yo koak ati, bulyakirye manyake. Ayo duk ara mitikto duk ulul bukni, aduk paplirye, ayo ara weik arye nelule. Aning atonun, Allah arye ninye weike lyeplirye, sik talima talinamle ara, deiyok bikna talak ara, mitik anun ulul bukni, pia weik kipnin banamle,” Yesus arye nyabuk.

Yehezkiel 17:23

Israel mutuku noutam bukuk mutuku kon, cang weik mambul mutuku ara, ayo dup tuba tamubuka, narye koupneba paplirye, el yo bok ap, taruk ap, pia weik tonun upnamle. Winiplirye el taruk babye, weik tonun leklirye, panapnamle. Bilirye, el duk pia teleb kibuka moupnamle. Winiplyopura, akeipyal yo ara, pia urasin teleb cang yo upnamle. Wininamle talak ara, ayo dup nirya ara, maka yala-yala nirya arye, ayo dup, sik maka aik donamake. Tonda, ayo akunum paplye talak ara, ayo weik cang arye tiklyeba, ayo taruk deice tam nirya ara, sik amaka yala-yala nirya, nukmanto kum yanuka unamake.

Daniel 4:21

“Winyamukce, ayo bok siliklamuk ara, pia sulum-sulum alamukce, el duk ara, pia weik moulamuk. Winilamukba ninye ap, bai tam kam un ning ap nirya, ayo dukuk dilamikce, kam ulamik. Tonda, ayo tikamuka amu tam ara, pata mutuku ulamik kam ning nirya ara, ayo amu koa wekelyangalamik. Tonda, maka ayala-yala nirya, ayo taruk deice, sik aik dolamik.

Daniel 4:12

Tikamukce, ayo bok ara, pia sukup-sukup abuka palamukce, el duk ara, pia weik moulamuk. Moulamukba, ninye nirya, ayo dukuk dilamikce, kam ulamik. Tonda, ayo tikamuka amu tam ara, pata mutuku ulamik kam ulamle ning nirya ara, ayo amu koa wekelyangalamik. Tonda, maka ayala-ayala nirya, ayo taruk deice, sik aik dolamik. Tonda, ayo duk ara, bai tam kam unyak ning nirya ara, asukumuk dilyangalamik.

Markus 4:32

Kabalye yo, mitik duk arye dokikibuk, beteklirye, nepnin balamnya ani, neplyopura, kwa weik arye leklyopura, ataruk deice ara, maka yala nirya, sik miknak ati, bulyakirye manyake. Yuk yo ara, mitik bukni, ayo ara, weik yo nelule. Aning atonun, sikce na yupu dobuka peteremunyebuk, yuk nang ton mitik anun diba tenepnamak bukni, anang arye ton, mutuk sirya im sirya nirya dapeterepra balamicebuk, ninye weik tonap, diba tenebikirye, weik upnin banamake,” Yesus arye nyabuk.

Yehezkiel 31:7

Keipyal yo tekukak ara, nong pia weik nebukce, el moubuka urasin pia teleb kat yo tikuk. Ayo el taruk ara, cang weik yo tikuk. El yating ara, tuku amu tam noutam wekukce, mek weik biyuka noutamuk biyukba, ayo arye mek weik dilule.

Yehezkiel 31:13

Maka yuk-yuk ning nirya yakirye, ayo wepmakiba, yo deiyok poulbinmalya deice ara, yanuka buknamake. Tonda, ayo wepmakiba, el taruk poulbinmalya deice ara, talye tukwak kam ulamle ning nirya arye, ayo taruk dam, sik aik dobikirye, asukumuk manyake.

Yehezkiel 31:17

Keipyal yo dobuka, Sheol mutuku donokuka dongopse talak ara, yuk nang ap, neika tuku pum tam wekik. Ara, ninye arye mal olan talak noutam arye, olamik nang, el ubuka atouk, ninye dipnarye, banyak mutuku uk, Sheol mutuku binuka ulamik. Tonda, min talak ara, ninye mutuku sirya, im sirya nirya, weik keipyal yo damuk bulubuka wekelyangalamik nang babye, tuku pum tam ninye dipnarye, banyak mutuku uk, Sheol mutuku binuka ulamik. Anang ara, minop talak, sikce, ‘E aweik yo ap, nun ap, neikauk binapna, yanapna, asukumuk neika teleb kibuka unamabe,’ tenelamik nang ulamika ati, sik babye Sheol mutuku uk, binuka ulamik.

Daniel 4:10

Lengdar mapmase deice arye, dinmasibuk, tukwak mutuku noutamak arye, konoba yo ton tikamuk. Ayo ara, cang weik yo tikamuk.

Mazmur 104:17

Ayo dupak, mitik maka ayala-yala nirya, sik aik donyake. Tonda, cang yan ap, kurun pol ap ulul maka, el si ara, ranggung maka, weik cang yo dupak, sik aik donyake.