Yehezkiel 3:25 - Eipomek

²⁵ Tonda elce nyapnuk yupu ara, ani. Se, anda tukwak ninye arye deipkiknye bira, yu nang arye, an tongobuka tapu koupnamkiyake. Koupkicopura, ance ton kupsakuka, yuk ninye dam ton kum banamlame. Anyaik pum tamuk pia unamlame.

Yehezkiel 3:25 Referans Kwoze

Yehezkiel 4:8

“Ati anda dipkoprob akeil deice kintinipnalam ning ance dinmaminba, an nong atonun tamubuka taruk kwanim tam arye, aminyan ara sirik taruk tam mapnalam talak ara, narye tapu arye koupdongopnamkine. Winipkinyopura, ance kum tamuptume. Narye, ‘Atalak arye, yuk mutuku yin talin nang aik, Yerusalem mutuku wekuka antanap dongopnamak talak ara ani. Narye, ‘Sik Israel yala nang ap, Yehuda yala nang ap ati, wenepnamne talak ara,” akunum tenepse touk, asukumuk unamlame. ‘Atapu ara, narye kum lopnamne.”

Rasul 20:23

Tonok ning ara, kele kipne. Yuk-yuk mutuku sik asik dokcak nirya, wenena aik deipnamniak ap, kanye imun ning winipnamnil ning ap, abanamnak nirya wininamnile. Allah El Dib Kanye arye, ‘Moubuka tenipnamle’ tenen, mikip arye lak nyanmanila ati, ayupu ara, kel kipne.

Rasul 9:16

Na si dobuka peterelbilibuk, aminyan ara, sikce na si ati yu uplyaura, kanye imun ning arepnamaka ati, narye benepnamne. El yuk kel biknamlarye,” nyabuk.

Yohanes 21:18

Yesus arye nyabukopura, ayupu tonap dukdongobuka Peterus ati nyabuk. “Dipkoprop nyapkine. Min arye anda welnye ulamlum talak ara, an baju ongoplumce, ‘Asukum binune,’ tenyamlum mutuku uk balamlume. Bukni, anda wisi akunum daminyopura, an taruk bibikeipminyopura, yuk nang arye anti, baju ongopdeipkikcopura, ‘Asukum kum binune, na like,’ tenepnalam akuk dobuka bobinamkiyake,” Yesus arye nyabuk.

Markus 3:21

Wininmek bukni, Yesus el li, el lin koprop ap, el weit yapu koprop ap, kekebikce, ‘Yesus ara, motonanye atouk unmala ati, el talipnamap’ tenen, yayik.

Yeremia 15:17

Nara, ninye yuk nang bulubuka wekmakirye, kanye deibuka, pia teleb-teleb yupu nyanmacak ara, na kum unune. Anda, weik mambul yupu nyapnulumce, mambul pil arepnuluma deice, na ikin kanye bobuka unune. Talye kanye bobuka unyak ninye ap, sik ap kum unune. An taruk arye, na deice deipnulumba, mambul kanye bobuka, na yuk uk unune. Ara, sik amutuku ninye arye, malye winin ning weik wininyaka ati, na babye, ‘Se, sik Israel ninye ara, malyeuk wininyake,’ tenen, mambul kanye bobuka unune.