Yehezkiel 27:35 - Eipomek

³⁵ Winipsuka anya arye, sik laut mekwen lilun tam unyak nang nirya ara, anggun winipmasuk ning kekebikopura, ilil pia weik ubukce, ‘Se, aning ara, pia mambuleʼ tenebikce, sirim talibuk. Sik anang talinyak ninye deiyok nang, Raja-Raja babye, awinipmuk ning kekebikirye, ilil kanye bobuka unamake. Tonda, sik urasin deice nirya babye, malye urasin bopnamake. Tonda, ilil weik ubukba, sik urasin malye bobikce, sik nong bol nirya, pia tililing abuk.

Yehezkiel 27:35 Referans Kwoze

Yehezkiel 32:10

Dipkoprob, narye aning nirya, anti winipnamkin talak ara, anang yuk-yuk nang nirya eibikirye, ‘Se, anye bira, el wenena ati, kanye imun ning dopropmala adano,’ nyabuka, ilil weik upnamle. Tonda, mutuku sirya, im sirya nirya unyak Raja-Raja ara, narye an dam ati winipnamne ning eipnamake. Narye, ‘Anang nirya eibikirye, biknamakʼ tenen, ninye on parang ya, ereptalibuka bobanamkin talak ara, aning nirya eipnamkiake. Eibikcopura, sik Raja-Raja ap, sik amutuku nang ap ara, narye an dam winipnamne ning eipnamake. Eibikirye, sikce, ‘Se, anye bira, el wenena ati, kanye imun ning dopropmala adano,’ nyabuka, ilil weik upnamle. Tonda, mutuku sirya, im sirya, nirya unyak Raja-Raja ara, ilil upliba, sik yok sirimtalipnamle. Narye anti obuka sirya daknamkin talak ara, sik anang nirya arye, ‘Se, nun babye, wenepsilirye, opsiliba, dipnamap do?’ tenen, ilil weik unamake.

Yesaya 23:6

Se, anggun laut mekwen lilun, Sidon mutuku noutam ululum nang ara, laut mekwen balamle ning, kapal laut wekmunce, bikbik abuka otam mutuku, Spanyol mutuku laut lilun, weik asik Tarsis mutuku dam binamlume. Anggun babye pia engenauk unamlume.