Yehezkiel 25:4 - Eipomek

⁴ Winyamluma ara, na Allah arye, sik Amon tam nang ati biknyeura, keting yangan tam pata mutuku noutam unyak nang ati, lo arepnyeura, sikda keting yangan tam arye yakirye, anggun Amon tam nang ati, malye kibuka opnamsiyake. Sik ayanganyak nang arye, anggun Amon mutuku nang ululum mutuku noutam, tia dolina tenda aik dobuka, asukumuk unamake. Winibikirye, sik Amon mutuku nang arye, anggun kouamlum yo duk ap, anggunce weilamlum ning, sapi basam do, kambing basam do, moum yung wamlye ning ara, ubula dobuka dipnamake.

Yehezkiel 25:4 Referans Kwoze

Hakim-Hakim 6:33

Atalak ara, sik Midian tam ap, Amalek mutuku nang ap, tonda yuk-yuk mutuku nang, keting yangan tam ulamik nang ap bulubuka, tonok sukumuk wekikce, Yordan mek koubuka otam mutuku si Yisreel mekin binuka, sik tenda cang kain aik amutuku binuka dobik.

Ulangan 28:51

Tonda, ayu nang arye, mal olyanamsiyak talak ara, anggun domba basam do, sapi do, maka do, anggun weilulum ning yala-yala nirya ap, tonda anggun koululum ning nirya ap ara, kum kipdeipnamsiake. Winibikirye, daupnin balamica ani, anggun din ning yala-yala nirya kum kipdeipsicopura, anggun babye ton, obuka kum daneipnamsiake. Ara, anggun gandum duk nirya ap, tonda anggur duk ap, anggur mek ap, minyak zaitun mek ap, tonda anggun weilulum sapi basam ap, kambing basam ap, domba basam ap, aning nirya kum kipdeipsikiba, aning nirya ara, kum dalirye, anggun nirya babye dipnalume.

Ulangan 28:33

Tonda, anggunce deibuka, pil domunce, tuku deice koulalum ning nirya ara, anggun kum bikamlum nang, yuk pera mutuku arye yangan nang yakirye, yanuka anggun wa tuku nirya doropnamsiake. Bukni, anggun ning ara, ton kum dopropnalume. Tonda, yuk nang arye yu uplyeura, anggun dam tuba-tuba ikin ning delinamsiake. Anggun ti, olbisinauk wininamsiake.

Yesaya 1:7

Aning atonun, anggun mutuku nirya ara, yuk pera mutuku yu weik nang arye, akunum opsike. Anggun aik dolamlum ning nirya ara, akunum uku dongopsikba, uku dibuka sirya daksuke. Yuk pera mutuku ninye arye, anggun taleamlum mutuku dalubuka dopropsikce, anggun wa wibuka kouamlumba, palamuk ning nirya ara, alabuka dololanyake. Anggun mining dam dinmamunyak arye, malye winilisinyake. Anggun ning nirya dibuka sirya dakanyake. Winibikirye, anggun mutuku nirya obuka atu kiplopsike.

1 Raja-Raja 4:30

Salomo bira, keting panalyangan tam ulamik nang ap, Mesir mutuku ulamik nang ap, sik bikamik touk kume. Elda pia weik kel arye bikne ning bikamukce, ulamuk.

Yesaya 65:22

Minop talak ara, anggunce domlum aik ara, yuk pera mutuku nang arye yanuka dalubuka dopromsik touk, pia kum wininamsiyake. Aning atonun, anggun wa wiamluma nirya, yuk pera mutuku nang arye yanuka dalubuka kipromsik touk, pia kum wininamsiyake. Amutuku ara, na wipdeiamse nang, sik unamaka ara, lo weik tonap, tabakuka arepneba unamake. Winipmanto ara, yo pia tiknamle atonun, ‘Naʼ tenen, ninye sikda keting tamun yupa pia weika arye kam uk unamake. Sik taruk deice arye, aning-aning nirya pil donamak nirya ara, sik dem aryuk talibikirye, kanye deibuka unamake.

Yesaya 41:2

Anggun teneipdelulume. Yatanye birye yukubukba, keting panalyangan tam arye weik yin talina deiyoknye kekebukce yanganmal do? Yatanye birye anye binyak, ‘Na amu tam ulirye, na tenelamse pil donamle’ tenen, mikip kililulba yanamle do? Yatanye birye ayin talina deiyoknye biti, mikip kipliba yuk mutuku nirya unyak ninye ati bisibuka opra yanganmal do? Atonun yatanye birye, anye biti mikip arebukba, el parang ya ap, el yin ap boplirye, yuk mutuku ninye deiyok nang nirya, yaniptabuka obuka sirya daknamle do? Aninye nirya obuka sirya daklirye, nirya daknamle. Winipmanto ning ara, kumanya doplyopura, kel-kel alamle tuku erebuka balule. Tonda, kumanya arye doplye talak ara, maning kolupmaliba, kumanya yalirye bobuka balamle touk, yuk mutuku weik nang nirya babye, atonun winipnamake. Aning atonun, anye birye, yuk yala ninye ap, sik ninye deiyok nang ap ati, obuka sirya daklyopura, aninye nirya kum danamake. Winibuka olyalyopura, amutuku nirya ara obuka uku sice buklopnamle.

2 Samuel 12:26

Atalak noutamuk, Yoab bira, Amon yala nang, sik weik asik, sik mutuku deiyok dam dobuka ulamik mutuku, ara Raba mutuku ulamik nang ati, tuba olbanauk ulamika ani, amutuku ulamik nang nirya, obuka sirya dakikce, amutuku babye, alubuka doprobuk.

Hakim-Hakim 8:10

Minop talak ara, sik keting yangan tam ulamik nang, sik yin nang ara, yupa pia weik seratus tiga puluh lima ribu nang (135.000) ulamik bukni, Gideon ap, el mapu arye, yupa weike dua puluh ribu nang (20.000) oplobikba, mitik tonunuk lima belas ribu nang (15.000) tuba kam ulamik. Ati, atalak ara Sebah ap, Salmuna ap, tonda sik mapu yin nang ara, lima belas ribu nanguk, mutuku si Karkor mutuku unmek.

Hakim-Hakim 7:12

Ura, sik Midian yala nang ap, Amalek yala nang ap, tonda yuk yala nang, keting panalyangalamle tam ulamik nang ap, mekinak, weik lyu noutamak akunum aik dobuka ulamik. Sik ninye ara, sul kwising pia weika arye amulamak tonun, nukmanto kum pia weik ulamik. Tonda sik unta basam ara, mek wininga yamulamla atonun, pia weik ubika ati, kum nukmanto kibuk. Ati sik ninye ap, unta basam ap ara, kum nukmanto ubuk.

Bilangan 23:7

Atalak ara, Allah arye, Bileam biti arepmok yupu, dotam upre binamuk yupu ati, nyabuk. Elce nyabuk yupu ara, ani. “Keting yangan tam, Aram mutuku timur tam oulamsebuk, Moab mutuku ninye taleamuknye, ninye deiyoknye, Balak birye nyapnukba yase. Yasopura, Balak birye nati nyapnuk. ‘An yamince, Yakub birye deibukba, dadeipdanin yangalamika ani, wini talak unyak Israel ninye nirya ati, malye ulina yupu nyapminba, sik deice supnamalame,’ nyapnuke.

Imamat 26:16

Narye anggunti, “Wenenamsine,” nyapmasina ara, talye ati kum nyapmane. Ara, narye anggun wenena ati, anggun dam ara, kanye imun weik ning arepsinyopura, ilil pia weik unamsile. Ara, anggun nong nirya, buppu kibuka talin nakina uk, el si malaria ap, tonda ilong talibuka ngosokne talin ning ap, arepnamsine. Arepsinyopura, auk dilamsiliba, pia min kum lopnamsile. Winibuka disilyeura, anggun asing kuna deiyok uk ton dilamlya ani, asing malye kupnamsile. Tonda, bol malye bopmunye, uk dilamsilya ani, anggun nong nirya mitang upsilyopura, dibinauk unamlume. Tonda, anggun wenena ati, ikin ning ton, anggun dam deipnyopura, anggun wa wiplumce, ‘Din ning kouplum ning nirya ara, nong uplyeba, din dipnamapʼ tenen, wa wipmunce, kounamlum bukni, ‘Din ning yuk-yuk ning nirya ara, nong upliba dinamapʼ tenen, wa wipmunce kounamlum bukni, din ning nong ara dipkoprob libuka kum dinamlume. Deiyok ara, yuk mutuku yu nang, anggun mal olan nang yakirye, anggunti yanuka, obuka sirya daksikirye, anggun wa wibuka yala kouamunye ning nirya ara, libuka sirya dakdopnamsiake. Anggun mal olan nang aryuk, aning nirya libuka dinamake.

Kejadian 29:1

Yakub bira, el lengdar mapmok ning nirya, akunum eibukce, bisik banmoka ani, keting yangan tam bukni, mutuku si Padan-Aram mutuku biyuk.

Ratapan 1:14

Winilirye, na malye wininye ning nirya, elcuk dobuka, tonok sukum dobuka kintinililule. Tonda, na ngang dam karang lamak ning atonun ubuka delinulule. Wininilirye, awininye ning ikin arye, na nong nirya mitang kilinulule. Wininilirye, na ni Allah Yahweh arye, na yu un ninguk arenulule. Adeice arye, na nong mitang ubuka, sikti, on kanye kum bonune.

Yehezkiel 25:10

Winipnyopura, na Allah arye, asi nyapman winilye mutuku ap, tonda sik Amon yala nang unyak mutuku ap, opnirye, amutuku nirya dobuka, sik keting yangan tam arye, olyanganamak mutuku unyak nang ati, arenamnarya. Sik Moab tam nirya dobuka, sik keting yangan tam unyak nang, sik taruk deice deipnyeba, sikce amutuku dopropbikirye, sikce, ‘Amutuku-amutuku nirya ara, wini talak nun mutuku koproba kipdeibabe,’ tenebikirye, sik mutuku talibuka unamake. Winibikceura, aminyan talak, yuk mutuku nang, im sirya, mutuku sirya nirya arye, Amon yala nang ati, ton tuba kum tenenamake. Lubakinauk unamake.