Yehezkiel 25:2 - Eipomek

² Anda ninye arye deipkiknye ulyame! Sik Amon mutuku nang ati dipdemince, sik dam winipnamle ning, laka nyapnulyame.

Yehezkiel 25:2 Referans Kwoze

Yehezkiel 6:2

Se, Yehezkiel anda ninye koprop arye, deipkiknye ulyame. An urasin erepmince, Israel mutuku noutam bukuk mutuku-mutuku dupak dipdemince, narye aminyan arye winipnamne ning ati, lak nyapnukine. Ara narye, ‘Sik amutuku unyak nang arye, malye weik ulamikce, tuba malye unyaka anya arye, narye sik wenena ati, kanye imun weik ning dobuka, amutuku deice deipnamne,’ nyapdeipne yupu ara, sik kekena ati, lak nyalbinulyame. Ance nyapnalam yupu ara, anyapnukine.

Yehezkiel 35:2

Se, anda ninye sirika arye, deipkiknye ulyame. Ati ara, ance asok erebuka Seir mutuku bukuk tam dilbimince, amutuku noutam unyak nang nirya ati, ‘Allah arye, anggun malye winilulum ning ati, aminyan talak wenebuka opnamsilca,’ nyabuka, laka nyanamlame.

Yehezkiel 21:2

Se, anda ninye arye deipkiknye ulyame. Ance Yerusalem mutuku domik tam dipdemince amutuku ati, wenen yupu nyapnulyame. Ara, narye sikti, ikin ning arepyeba, Israel nang ap, Israel nang dam unyak tam nirya ap, na si erena ati domik aik ap ati, sik wenena ati, malye kipdeipnamne. Winipnamne ati, yupu laka nyanamlyame. Aning ara, ance nyapnulyame. ‘Allah arye wenepnamsileʼ nyabuka, laka nyapnulyame. Winipminyeura, sik Israel mutuku noutam unyak nang nirya bikinamake.

Yehezkiel 20:46

Allah Yahweh arye nyapnuk. Se Yehezkiel anda, ninye sirika arye deipkiknye ulyame. Anda an nong tamubuka iknapye tam, arah selatan dinulyame. Winipmince, sik iknapye tam, arah selatan unyak nang ati, na nyapnukin yupu dobuka, weik yupu deice arye nyapnulyame. Ara, aminyan winipnamle ning ati, lak nyapnulyame. Tonda, mek mitik uamuk mutuku, el si Negeb mutuku noutam unyak nang ati, na wenen yupu bobuka, lak nyapnulyame.

Yeremia 27:3

Tonda, Allah arye ayupu ton nyabuk. “Ninye deiyok nang dam binuka, laka nyapnulyame. Ara, Edom mutuku talibuka ulye Raja ap, Moab mutuku talibuka ulye Raja ap, Amon mutuku talibuka ulye Raja ap, Tirus mutuku talibuka ulye Raja ap, Sidon mutuku talibuka ulye Raja ap ati, sik anang deiyok-deiyok nang ati, yupu dopdeipnulyame. Ara, sik aninye deiyok nang arye, sik mapu yuk-yuk dobuka deibikba, Yerusalem mutuku, ninye deiyoknye, Raja Zedekia talibuka ulyak, yupu nyalyayik nang damuk nyapmimba, anang arye, ayupu dobuka laka nyalbinamake,” nyabuka, Allah arye nyapdeipmasile.

Yeremia 25:21

Edom mutuku ap, Amon mutuku ap, Moab mutuku ap, unyak nang nirya ara,

Kejadian 19:38

Akil, el weit kil babye, sal mi deibukce, ‘El si ara, Ben-Ammi,’ nyabuka sisibuk. Ami arye nebukce, deiamuk ninye ara, sik yala si Amon ninye tuba nyanyabe.

Yehezkiel 25:1

Allah arye, na Yehezkiel dam yanuka nyapdeipnuke.

Yehezkiel 28:21

Se, an Yezekiel bira, ninye sirika arye deipkiknye, an urasin ara, Sidon mutuku dimince, aminyan talak ara, ikin ning, anggun nong deice deipnamsin ning ati, narye nyapdeipkinye touk, ance tamubuka, ‘Anggunti supnamsile,’ nyapnulyame.

Yehezkiel 11:4

Abitinye nang arye, amutuku nang kekenmacak arye, talye yupu nyaruraka ati ara, na Allah arye aminyan talak, amutuku nang ati, ikin weik ning arepnamaka ara, wenen yupu nyapdeipkin yupu nirya ara, ance kekepmince, amutuku nang ati, lak nyalbinulyame. Yeheskiel anda ninye sirika arye, deipkiknye ulyama ati, ance atalye yupu nyarurak nang ati, wenen yupu lak nyapnamlyame,” nyamnuk.