Yehezkiel 23:4 - Eipomek

⁴ Akilapu bitinye bukni, du kil el si ara, Ohola. El dukul ulamuk atonun ning ara, Samaria mutuku noutam ulamik nang atonun ulamuk. El weit kil si ara, Oholiba ulamuk. Tonda, el weit kil, malye pia weik winilamuk. Aning atonun ning ara, Yerusalem mutuku noutam ulamik nang atia. Winipmanto ara, sal arye, kilapu dolamak touk, na Allah arye amutuku bitinye noutam ulamik nang ati, ‘Naʼ tenen, ning tenen, domsebuk, sikce mapu weika arye delilamdik. Akil el si Ohola, bira domona ati nyapman bukni, el nong ara, Samaria tam ulamik nang ati nyapne. Tonda, Oholiba kil si nyapmana ara, el nong ara, Yerusalem mutuku noutam ulamik nang ati, nyapsine.

Yehezkiel 23:4 Referans Kwoze

Roma 7:4

Aning ati ara, na kayapo, arup nyapmasin touk, Kristus el nong dibuka deice, Allah arye anggun ap, Yesus ap, kanye talima dukdongopsuk ati, adeice arye anggun babye diplume. Kristus dibuk talak arye Musa sekamuk mem yupu amu tam tuba kum ulul touk, Kristus ap dukdongopsuk deice arye, anggun babye amem yupu amu tam tuba kum ululume. Allah arye winipsuka deiyok ara nyapnusine. Allah arye utenelamsuke. Ara ‘Narye nyapsiba, Musa birye sekamuk yupu talibuka ulamik bukni, wini talak ara, el dibukba narye kam bukeipsinye, Yesus Kristus, elcuk sik talilulba, el amutamuk unamake. Unyakce diksukumuk kibuka winibikirye, na Allah ati, kibuka na si erenamniake,’ Allah arye tenelamsuke.

Yohanes 4:22

Anggun Samaria tam ululum ninye ara, moubuka kum kel bikamlum ninguk si erelulume. Bukni, nun Yahudi yala nang arye, dipkoprop kel bikamubunye, el siuk erenyabe. Ara talya ati kum nyapkine. Ninye Lyena Deiyoknye bira, Yahudi yala ninye kan-kan arye yanamle ati, nyapkine.

Yehezkiel 16:40

Sikce yuk nang ati yukubikceba, keil dobukabirye, anggun nong deice donokuka, opnamsiake. Tonda anggun nong nirya, pia yu parang ya arye, sekuka opnamsiake.

Yehezkiel 16:20

Aning kum bukni, tonda, narye melilamsiseba, angguncuk, mapu ap, kilmapu ap, delilulum ning ara, amapu bobuka, sik isa si erena ati, obuka arelamik. Ara, na mapu koproba atonun mapu ara, anggunce amapu nirya bobuka, ‘Nun ni koproba, isa arye dipnul’ tenen, anggun si erelamlum isa ati, amapu dobuka oplumce, arenamlume. Apia malye ning winipmunyeura, anggunce, ‘Kume, nunce yuk nang ap, talye ubula yolalamap ning ara, mitik malye wininyap bukni, weik malye ning ton, tabakuka winiptibye deice arye, Allah yanibibyak,’ tenena deice arye, malye weik ton ululum do?

Mazmur 76:2

Yehuda mutuku unyak nang nirya ara, Allah ati akunum bikamik. Aning atonun, Israel yala nang nirya ara, Allah ati, “Elda pia telebe,” nyabuka, el siuk erenyake.

1 Raja-Raja 12:20

Aunmek talak Israel ninye arye kekenmekba, ‘'Yerobeam bira Mesir mutuku arye tamubuka yanmale,’ nyabikba kekebikopura, yukubikba yayuk. Yayukopura, Israel nang arye, ‘Yerobeam bira nun Raja unamsil’ tenen, erepdeibik. Winibikopura, Israel nang arye anang-anang nirya, anang arye, Yerobeam biti el yupu kekebuka ulamik bukni, Yehuda yala ninye ara, sikda kume. Sik Yehuda yala nang, ayala tonok babye, ‘Pia kume, Daud birye deibukba dadeipdanin balamik ninye ara, el yala nang ati, nun deiyok nang unamake. Yuk yala nang arye kume,’ tenelamikce, ayala nang atibuk, sik amu tam bukuka, sik yupu kekelamik. Ati ara, Yehuda yala nang aryuk, Rehabeam biti, ‘Nun Raja atia,’ tenelamikce ulamik.

1 Raja-Raja 8:29

“Moropkin ning ara, Allah ance, ‘Anyaik ara, anyaka dopminyeba, na si anyaka deipnamne,’ nyapdeiamnuluma ati ara, keting noutam babye, lukunyan babye, an asing labuka anyaik pia dimince, kekenamsilyame. Ara, ‘Winipmince, an amu tam ulamnanye, narye moronamkin yupu kekenamnilam’ tenen, moropkine.

Yeremia 3:6

Yosia birye, amutuku nang, sik ninye deiyoknye kibuka, taleamuk talak ara, Allah Yahweh arye, na dam yanuka nyapnuk. “Israel nang ara, sik wininyak ning ara akunum eiplum do? Winipmanto ara, sal yupu, moubuka kum kekelamlye kil ulamle touk, ulirye pil dolul ning nirya ara, an akunum elilyam do? El akil ara, na batakuka biyukce, weik erebuka bukuk mutuku kon ap, yo tikamlayak arye, yo bok weik poulamya dam amu tam duknubuka bilyeba, talye yolamak kil atonun ulule.

Yehezkiel 16:46

An dukul kil ap, elce deibuk kilmapu ap atonun ara, sik Samaria tam ulamik nang, an dam bukni, dabu tam (arah utara) ulamik nang atia. Tonda, aning atonun, an weit kil ap, elce deibuk kilmapu ap atonun ara, sik Sodom mutuku ulamik nang, an dam bukni, iknapye tam (arah selatan) noutam ulamik nang atia.

Yehezkiel 23:3

Akilapu bitinye ara, sik wel talak ara, Mesir mutuku noutam ulamdik. Amutuku ulamdik talak, sikda talye-talye yon kilapu ulamdika ati, ninye weika arye, neika malamik. Adeice arye, sikda wel kilapu ulamaka atonun, kum ulamikba, sal arye sik moum talilamik. Min arye, sal ap neika kum malamdik bukni, atalak ara, sal arye sik moum talilamikce, neika yolalamik deice arye, malye pia weik winilamdik.

Yehezkiel 23:5

Ura, Ohola akunum domsebuk, elda talye-talye yolamik kil ulamuk. Akil ara, Asyur mutuku ulamik nang ati, pia patalamukba, ‘Seʼ tenelamuk ati, sik ap neika malamikce, yolalamik.

Yehezkiel 23:36

Allah arye, na Yeheskiel dam yanuka, ayupu nyamnuk. “Se, anda ninye arye deipkiknye ulyame. Ance akil Ohola ap, Oholiba ap, sik wenena ati, akunum kintinibuka, yupu bokolinalam do? Tonda, sik abitinye kilapu arye, pia malye un ning weik winilamdik ning ara, narye, ‘Aning ara, pia meme, na like,’ nyalamse bukni, aning ara winipdike. Ati, ance sikti, ‘Aning-aning pia malye winin ning ati ara, malye pil dona meme. Aning ara, kume,’ nyabuka wenepnulyame.

Yehezkiel 23:44

“Winilulum ning ara, malye weik winilulume,” nyapse bukni, sik ayanmek nang nirya arye, akilapu bitinye dobuka, neika malamikce yolalamik. Ara, malye nang arye, talye-talye yolana kilapu ap, neika malamak touk, tuba winilamik. Ati, sik yolamikba, pia malye kiplobik kilapu, Ohola ap, Oholiba ap, sik dam yangana ati ara, tuba-tuba punulyanganauk ulamik.

Hosea 1:3

Nyabuka ati ara, nabi Hosea adiparyuk biyukce, ninye si Diblaim, el kilmu si ara, Gomer binuka dobuk. Dobukce, neika daulamdika ani, el akil mi bomuka ani, sal mi deibuk.

Hosea 2:7

Winipnyopura, el tenelamlye nang ati, ‘Epdatibye’ tenen, dobolbinamle bukni, pia kum epdanamake. Tonda akil arye, pia pi dobuka enamle bukni, el tenelamlye nang ati, pia kum eipnamle. Winiplye talak ara, ‘Na min arye domnuknye, el damuk tamubuka binune. Minop talak ara, na akanye ap, neika telebuk ulamnume bukni, wini talak ara, ikinuk ununa anya arye, namince domnuknye dam, tamubuka binamne,’ tenenamle.

Yeremia 3:7

Na tenepse ara, ‘Apil nirya dolamlya ani, akunum bataklyopura, tamubuka na Allah dam yatue,’ tenepse. Bukni, tamubuka kum yaturye, tuba pia talye yolamak kil atonun ulule. Adeiyok ara, narye elti, dona kumce bataknirye, el akil ati, “Anda bilyame!” nyabuka yakdoknamle. Aning winipnyeba, Israel yala nang, sik kwit Yehuda yalanye, el babye, aning eipnamle bukni, ilil kum upnamle. El babye tuba, pia talye yolamak kil atonun ulule.