Yehezkiel 23:28 - Eipomek

²⁸ Allah Yahweh aning-aning nirya, deice tam erebuka unirye, Pia Mikip Weik Deiyoknye birye, ayupu nyapne. Moubuka eipmince biklyame! Min talak ance, anang ap neika talye yolalamlum bukni, aminyan talak ara, sikti, ‘Na like,’ teneplumce, yu upkukba, anang bataklume. Bukni, narye an dobuka, anang sik deice deipnamkine.

Yehezkiel 23:28 Referans Kwoze

Yehezkiel 23:22

Ati ara, na Allah Yahweh, aning-aning nirya deice tam erebuka, Pia Mikip Weik Deiyoknye ununye birye nyapkine. “Se, an Oholiba bira, minop talak ance, ‘Se anang ara, pia patanulule,’ tenelalum nang bukni, aminyan talak ance, ‘Kume anang ara, na likeʼ tenen, lik upkukba, bataklum nang ara, narye sik anang ati, ‘Winiplulume,’ nyapyeura, sikce anti, dana-dana tam nirya arye, an dam yanuka warekiceura, akil opnamabe,’ nyapnamake.

Yehezkiel 23:17

Winibukba, sik Babel mutuku tam nang yayikopura, el ap neika mabik. Winilamika ani, sik anang arye akil ati, malye kipdeibikba, akil arye, sik anang dina ara, lik pia weik kibuk ati, batakuk.

Yehezkiel 16:37

Ati ara, anggun bico tenelamlumba, malye-malye una ati, neika malamlum nang nirya ara, bulupdeipnamne. Winipnamne ning ara, anggunce imun tenelamlum nang ap, tonda anggunce, ‘Nun lik,’ tenelamlumba, anggun olana ati, yanganmek nang nirya ara, tuba tonap bulubuka, anggun dam deipnamne. Atalak ara, anggun damuk tikikirye, antanap dongopnamsiake. Winipsikceba, narye anggun baju nirya, kwiripnamsine. Winipsinyeba, sik anang nirya arye, anggun nong banang umunyak eipnamsiake.

Yeremia 34:20

Ati ara, na Allah arye anggun dobuka arepnyopura, anggun mal olan nang arye, ‘Se, anang optibyeʼ tenen, weik tonun pataplye nang ati, sik deice deipnamsine. Ati anggun alye dakana ati, narye lo arepniba, anggun mal olan nang arye, anggun malye winilulum nang opsikirye, anggun nong dobuka, tuku deice kata sukum arye bataksicopura, im noutam talye lakuka balamle maka arye, yanuka anggun kalipdoba dipnamake. Tonda, bai tam talye kam unyak ning ap yakirye, sik nong dipnamake.

Yeremia 24:8

Bukni, na Allah Yahweh arye, ayupu ton nyapnukine. Aning ton moubuka kekepnulyame. Aning ara, nyapnukine. Ance kwarang duk malye ning, ninye kum dipmanto ning lipdeipmanunguba, eipmalama ning deiyok ara, ani. Ara, narye Yehuda yala nang, taleamuknye, sik deiyoknye Raja Zedekia ap, el amu tam deiyok kibuka ulamik nang ap, sikce talibikba, Yerusalem mutuku tuba ton aunyak nang ap, tonda Israel yala nang bukni, Mesir mutuku binuka unyak nang ap ati, weik ikin ning, sik deice deipnamnarya!