Winiminye ati, sik Israel nang wekmakirye, yupu kekebikceura, sikce anti asipdenamkiake. Ara, ngalukuka malye nyabuka engepminyeba, Israel nang arye, ‘Se, yata deiyok ati, ngalukuka malye nyanmalam do?’ nyabuka asipkikceura, ance sik anang ati, nyapnulyame. Kume, dotalak ara, kanye ikin yupu ton boyasikceura, kekepnamaba atia. Ayupu nirya yanuka nyabikceura, kekepnamak nang ara, ‘Se, yata wiriptibye do?’ tenen, ikin kanye bobuka, sik talima dakalsanamle. Tonda, sik anang nirya ara, taruk mitang uplyeba, daksaknamle. Sik kanye bobuka unyak nang nirya ara, kum kipnamle. Tonda, sik anang yok sirim taliplya deice arye, sik yok babye, sirim talibuka, mikip kum upnamle. Sik kanye tenen ning ap, sik kisok yung ap ara, mek atonun uplyeba, pia mikip kum upnamle. ‘Weik ikin ning yanamle,’ nyapmasina ara, pia dipkoprob yanamle. Anggun dibinauk unamlume. Aning yalyopura, aning nirya ara, winipnamle. Na Allah Yahweh, aning-aning deice tam erebuka, Pia Mikip Weik Deiyoknya ununye birye, akunum nyapdeipsine. Allah arye, na Yeheskiel biti nyapnuke. Nyapnukopura, yupu tonap dukdongobuka nyapnuk.
Yehezkiel 21:8 - Eipomek8 Allah, el si Yahweh arye, na Yeheskiel dam yanuka nyapnuk ning ara, ani. Gade chapit la |
Yehezkiel 21:8
4 Referans Kwoze
Anda ninye arye deipkiknye ulyame. Dotalak upnamle ning ati, ance sik Israel nang dam laka nyapnulyame. Anyapnalam yupu ara, atia. Ayupu ara, na Allah arye nyapsine. Anggun nirya dipdelulume! Ninye on ya akunum kintineipne. Acang parang ya ara, el si akunum ketebuka kintinip deipse. ‘El urasin tam yu upnamle’ tenen, akunum kekepse.
Narye sik yuk pera mutuku mal olan nang ati, lo arepnirye, dopdeipniba, ninye una kum, pia kata ubuk mutuku kon deice ara, yanibuka banmakirye, ‘Naʼ tenen nang ati olyanamake. Narye sik mal olan nang dopdeipniba, amutuku nirya ara, yanuka malye kipdeipnamsiake. Winipniba, ninye tonok nang babye, teleb ton kum unamle. Winipmanto ara, na Allah Yahweh arye, na ninye on ya dobuka, Israel nang unyak mutuku noutam nirya, omutuku sirya, atam sirya, anoutam nirya babye, Israel nang weik tonun obuka, sirya dakanamake! Ninye tonoknye babye, talye kanye bobuka, kum unamake.
Winiptu ura, telebe. Winipmanto ning ton nyapnune. Aning atonun, arup lak nyapmanu mutuku atonun uptopura, naryuk, “Amutuku noutam ara, ninye ona ati, yu yin nang dopdeipnyeura, amutuku noutam nirya ara, ninye nirya obuka, sirya daknamake. Ara, ninye nirya, sikce weinyak kam ning ap, talye bai tam kam ulye ning ap nirya ara, obuka sirya daktinge.