Yehezkiel 16:34 - Eipomek

³⁴ Anggunce winilulum ning ara, yuke. Ara, ton nang arye wininyak ning ara, yuk ning wininyake. Sik dam ton yangalamikce, ‘Ubula yopnamasiyabe,’ nyabuka, pi dobuka, kum yukamsik. Tonda, sikce dengna ton, kum arelamsik. Aning kum bukni, angguncuk dengna dobuka, anggun dam yangalamik nang ati, arelamlume. Diba aning ara, yuk ning bukni, anggunce winimunye ning ara, pia yuk-yuk winilamlume.

Yehezkiel 16:34 Referans Kwoze

Kejadian 38:24

Sik nirya talye daulamika ani, wala winilye ton, akunum kibukura, yuk nang arye Yehuda biti, yanuka laka nyabik. “Amio, an mi arye domuk kil, el si Tamar bira, youwak ulul bukni, yuk nang ap, talye neika malamikba, winira mi akunum bopmala ati, laka nyapkiyabe,” nyabik. Nyabuka laka nyabikba, Yehuda birye nyabuk. “E, aning ara, pia malye weik anya arye, nun winilamap touk, akil dobuka boyamunce, weik uku sekuka dongopmunyopura, uku arye dipnamle,” nyabuk.

Yehezkiel 16:33

Talya yolan kilapu arye morobikiba, ninye arye, atalye-talye yolamikce kilapu ati ara, yo bok dekenyake. Bukni, anggun Israel nang ara, aning atonun kume. Anggunce, tamubukapmunce, anggunce pia, ‘Anang ara, na talima pia patapnile’ tenen, pia tuba-tuba anang atibuk dekna ara, arelulume. Tonda, sik yuk-yuk mutuku nang yukuna nang ara, angguncuk, yo bok deice arye, libuka yukupmunyeba, dana-dana pera mutuku unyak nang nirya yayikba, anggun ap, neika malulume.

Yehezkiel 16:35

Ati ara, na Yahweh arye, anggun Israel yala nang ara, talye yolana atonun ululum nang ati, nyapnusin yupu ara, kekepnululume!

Hosea 8:9

Aning ara, talye ati kum nyapsine. Deiyok ara ani. Ara, winipmanto ara, keledai basam, bai talye kam daulamlirye, kisok kat kibuka ulamlirye, ‘Dan mutuku binun do, yata upnamne do?’ tenen, walwal kiplirye, obinapna, ayanapna kilamle touk, anggun Israel nang nirya babye, atonun ululume. Ara, anggun Israel nang arye, ‘Yata mutuku nang arye melipsiting do? tenen, anggun melina ati, Asyur mutuku nang dam binamlumce, morolamlume. Atonun ton, Efraim yala nang arye, ‘Yata mutuku nang arye, nun kwitcapu tenepsikirye, melipsiting do?’ tenen, yuk mutuku dabinuka dekelbinamike.

Kejadian 39:7

Winilamuka anya arye, Yusup el deiyoknye Potipar birye domuk kil arye, Yusup biti pia elilamukce, kanye delilamuka ati nyabuk. “Yusupo, na ap neika maptinimnye,” nyabuka morobuk.