Yehezkiel 14:1 - Eipomek

¹ Israel yala nang, sik ninye deiyok nang nirya, yata barye nang arye, Israel mutuku talibuka ulamik nang nirya arye, na Yeheskiel dam yayikce, Allah Yahweh el tenelamuk ning ati, yanuka asilyanik.

Yehezkiel 14:1 Referans Kwoze

Yehezkiel 8:1

Babel mutuku yin talin nang arye, obikce tapu koubuka, sik pera mutuku bobinamsikce, ikin pil dilamsika ani, aminyan talak, keting tamun nakub barye akunum ubukba, wala nakub barye noutam bukni, tanggal lima deice arye, na Yeheskiel bira, na aik bukmase. Anyasik noutam bukmase talak ara, Yehuda tam ulamik ninye deiyok nang nirya ara, na dam neika yayikba bukmapu. Winibuka bukmapuba, Allah Yahweh aning-aning nirya deice tam erebuka, pia mikip weik ululnye birye, el mikip weik ara, na deice yayukce wekuka langdipnuk.

Yehezkiel 20:1

Keting tamun tekbarye bukni, wala pamubarye akunum ubukopura, tanggal sepuluh deice arye, atalak aryuk Israel nang, sik ninye deiyok talibuka ulamik nang ton, bokuka na Yeheskiel dam yanuka, yupu nyapnik. Deiyok ara, sikce, “Naio, Allah Yahweh arye, yata yupu nyapnusil do? Ance lak nyapdeipsutume,” nyabuka, na dam yanuka, morona ati yayik.

Yehezkiel 33:31

Dan mutuku do nirya winilamak touk, amutuku unyak nang babye, ‘Mambul weik yupu kekepnuyapʼ tenen, ninye weik tonun bikbik abuka bulubikirye, anang arye, an dam yanuka bunyake. Wininyaka ara, na Allah, na mapu koproba atonun winibikirye, weik tonun an dam yakirye, an yupu nyanamlam ning ara, pia moubuka kekenamake. Amol deice arye kekenyak bukni, ance, “Aning ara, winipnamlume. Aning ara, kum winipnamlume,’ nyabuka, nyapminye ning ara, sikce moubuka talibikirye, kum dobolbanamake. Deiyok ara, sik anang ara, sik si bam bol deice arye, ‘El kanye deipnamsilʼ tenen, kekena teleb yupu nyapnamak bukni, sik talima noutam arye teninamak ning ara, pia yuke. Ara, sikce, ‘Nun tenina deice arye, tilila yupu nyabibiba, yuk nang arye arepsikiba, nun diamuk teleb kipdeipdatibye. Nun dem aryuk, teleb ning dopropnamabe,’ tenenyake.

Yesaya 29:13

Aning-aning nirya ati, Pia Mikip Weik ulye deiyoknye Allah arye, na Yesaya biti nyapnuk. Sik Israel nang ara, yupu deice aryuk, na si ereninyake. Bukni, dipkoprob ara, sik kanye talima noutam arye, nati pia moubuka kum teneninyake. Nati, walwal nang unyaka ati, sikda pia pera ninye asik nang atonun unyake. Tonda, sikce talibuka, si erenyak ning ara, talye nang sik kanye aryuk, ‘Aning-aning talibuka, si erenamlume,’ nyanyak ninguk, sik asok deice deilinyak bukni, sik talima noutam ara, nati moubuka kum tenepnikirye, na si dipkoprob kum ereninyake.

2 Raja-Raja 6:32

Atalak ara, Elisa el aik uk ulamukba, wisi-wisi nang Israel deiyok nang ton bulubuka el aik yupu talipmek. Winipmekba, Elisa el ona ati Raja birye, tonoknye ton wipdeibukba, el aik dam kalikil yayuk bukni, amutuku min kum yanmok talak ara, Elisa birye nyabuk. “Anggun akunum bikmalum do? Weik deiyoknye Raja bira ninye talye onanye ulula anya arye, na ona ati, ‘El minop obikirye, el kisok seknuyak’ tenen, ninye dopdeipmalba, yanganmak nang ara, anggun ton kum eipmalum do?” nyabuka, Elisa birye awisi-wisi deiyok nang ati laka nyabuk. Nyabukce ayupu ton nyabuk. “Ati ara, anggunce moubuka bikmunyeura, na ona ati yanmalinye anyaik ‘Yanuka weknun’ tenen, bublan dam yalyopura, anggunce bublan kukulina kume, mikip asa arye, talipnamlume. Tonda, na kanye ara, ayanamalanye bukni, el aminyan tam ara, el weik deiyoknye pola yanamalarya. El yanamal lelim akunum kekepne,” nyabuk.

Rasul 22:3

Nara, Yahudi yalanye unune. Kilikia tam noutamak, Tarsus mutuku arye deipnik bukni, Yerusalem mutuku asukumuk na ni ap, na nin ap, melilamnirikura, sik mikip deice arye nepse. Ulamse ani, nepsopura, weik kel keamuknye Gamaliel arye, nun ni yapu diba tenebuka talyamik mem yupu ara, elce peterelamnukura, kel kiyamse. Aning kel kiyamsiryeura, anggun awekmalum nang atonun, ‘Allah pia talinamap’ tenen, anggun kanye talima tenen ning ap, anggun nong ap, Allah ati arimunce umunya atonun, na babye winilamse.

Rasul 4:8

Asipdeyikura, Peterus arye Allah El Dib Kanye minop arye wekamuk anya arye, atalak langdibuka dinibuk deice arye ayupu nyabuk. “Telebe na kayapu. Nun Yahudi yala nang na ni yapu ap, nun yupu lipsisikna ati wisi nang ap, anggunti telebe nyapsine. Anggun nirya kekepnuse.

Rasul 4:5

Anang sik mapmeka berekukopura, Yahudi yala nang, sik deiyok nang ap, wisi nang ap, Allah arye, ‘Wininamlulume, aning kum wininamlulune,’ nyapdeiamukba, Musa arye sekeiamuk yupu, mem yupu peterena deiyok nang ap, ara Yerusalem mutuku yupu talipnuyika ati, tonok aikuk bulubuka wekik.

Lukas 10:39

Wekuka bulbiyik talak ara, Marta el weit kil Maria ara, Yesus el yan dam bukmokce, el peterenmok yupu pia moubuka kekenauk unmok.

Yehezkiel 14:2

Winibikba, Allah Yahweh arye, na Yeheskiel biti nyapnuk.

Yehezkiel 33:32

Winipmanto ara, ani. Sikce anti tenekenyaka ara, ‘Anye Yeheskiel bira, mot nyana kel weiknye binya arye, sal ap, kilapu ap, kanye deipdakirye, pia kanye teleb mot nyalanyake. Ati, sikce anti, ‘Kume, elda pia kanye delin ninguk nyalule,’ tenekenyake. Tonda, ‘Elda mot nyana ati, el yupu lelim ara, kekena pia teleb ning nyasulule. Tonda, mot nyana ati, gitar ona kelnye ulule,’ tenenamkiake. Ati ara, ance nyanamlam yupu ara, sikce amul deiceuk kekenamak bukni, moubuka kum tenebikirye, aning kum winipnin banamake.

Yesaya 21:12

Nyabuka asipnukba, narye tamubuka, el anye biti nyapse. “Berekna ara yanul, bukni aminyan talak ara lukunyan babye tamubuka yanamale. Aning ati, aminyan talak, ‘Ton ap asipdenune,’ tenepminyeura, tamubuka yan asilyanamsilyame,” nyapse.

Yehezkiel 20:3

“An Yehezkiel bira, ninye koproba aryuk deipkikba, ulyamnye, ance sik Israel yala nang, sik ninye deiyok nang nirya ati, ayupu nyapdeipnulyame. Nara Allah Yahweh, aning-aning nirya talibuka, deice tam erebuka, Pia Mikip Weik Deiyoknye ululnye birye, nyapsine. Anggunda, yata deiyok ning ati, ayanuka yupu nyabuka moropmalum do? Anggunda, talye luba kibuka, na dam yanuka, ‘Allah ati moropnuyapʼ tenen, yanamlum do? Kume, nara Allah, pia kam ununye birye, dipkoprob nyapsine. Anggun yanuka moropmanulum yupu ara, kekepsinirye, pia kum nyapdeipnamsine! Nara Allah Yahweh, aning-aning nirya talibuka, deice tam erebuka Pia Mikip Weik Deiyoknye ununye birye, akunum nyapsina anya arye, pia dipkoprob nyapne.