Yehezkiel 10:14 - Eipomek

¹⁴ Akerub nirya bukni, sik yuk-yuk, sik nong ara tonok, sik urasin ara, dumbarye yuk-yuk uamuk. Urasin minop ning ara, malaikat atonun, Kerub urasin uamuk. Bitinye urasin ara, ninye urasin atonun uamuk. Winilinye ning ara, bai tam ulamle weik pus, el si singa kus urasin atonun uamuk. Tonda, dumbarye ning urasin ara, maplya maka urasin atonun (Raja wali) maka urasin atonun uamuk.

Yehezkiel 10:14 Referans Kwoze

Wahyu 4:7

Akam ulul ning minyuma ning tonok ara, el nong ara weik singa kuse atonun ubuk. Bitinye ning ara, sapi basam nong atonun ubuk. Winilye ning, el urasin ara ninye urasin atonun ubuk. Dum barye ning ara, el nong ara bipmakona lakuka balamle touk winibuk.

Yehezkiel 10:21

AKerub nirya babye, yuk-yuk bukni, urasin dumbarye uamuk. Tonda, sik pol nirya bitinye otam, atam ubuka anya arye, anirya isibuka dumbarye uamuk. Tonda aning atonun, ninye taruk urasin ulamle touk, uamuk ning ara, sik pol amu tam uamukba eipse.

1 Raja-Raja 7:36

Barina ap, talena ap ati, ikamik ayukumna yo urasin ato ning nirya ap, papan yo lakase ato ning ap, aning deice ap nirya ara, urasin teleb una ati, gambar puturupdeibuk. Ara, Kerub urasin ato ning ap, singa kus urasin atonun ap, daun palem ap, tabakuka taplak deibukce domuk. Lo ton uamukak ara, aninguk taplakdebuka domuk. Adopdeibuk kup-kup tam ara, bunga keit urasin aton ning arye, deibuka antanap dongomuk.

1 Raja-Raja 7:29

Ayo lakase deice ara, singa kuse urasin ato ning ap, sapi basam urasin ato ning ap, malaikat urasin ato ning, el si Kerub ap, memepdeibukce, teleb-teleb kipdeibuk. Ayo lakase deiyok tam babye, urup tam babye, sapi basam urasin ap, singa kus urasin ato ning ap, puturupdeibuk. Winibukce, bunga keit lalamle atonun kibuka, diripkwetebuk.

Yehezkiel 10:13

Tonda, na Yehezkiel birye kekepse ning ara, ayan roda nirya ara, “Aning ara, minopce bikbik abuka, ban ning ulule,” nyabikba kekepse.

Yehezkiel 41:19

AKerub urasin memepdeiamik ning kwanim tam ara, bai tam ulamle ning el si ara, yu singa kus urasin atonun kibuka deiamik. Tonda, aning atonun, sirik tam ara, ninye urasin atonun kibuka deiamik. Aurasin teleb una ati memepdeiamik ning ara, Allah el si eren aik, abilinga taram deice nirya ara, aning urasin atonun ubuka, gambar memepdeiamik.