Yakobus 5:6 - Eipomek

⁶ Tonda, yuk nang arye, sik bona weik talin ninye ati, ‘Sik yupu ara nunce yanibuka bisipnamabe,’ kum tenelamikce, malye un ning kum ulamik bukni, anggun sisin nang arye anang ati, malye yupu nyabuka bokolilamlumce, oltakalulume. Ati, anggunda pia malye ululume nyapsine.

Yakobus 5:6 Referans Kwoze

Yakobus 4:2

‘Aning doproptinye’ tenen, pia patasilye bukni, kum dololulume. ‘Yuk nang talinyak ning dalubuka doproptibye’ tenen, ton talak arye pia patapsiliba, teniltonauk ululume. Ton talak ara, anang ara oltakanauk ululume. Winilulum bukni, anggun patatapsilyeura, tenelulum ning ara, kum usulule. Tonda, anggun patapsilye ning ara, kum dopmanto ululume. Anggun patapsilye ning ara, ‘Allah elce arilnamsil’ tenen, Allah ati kum morolulume anya arye, kum dololulume. Walana ap, yupu deice malye yupu nyaldana anyuk winilulume.

Rasul 8:32

Anye bira nyanmok yupu, nabi Yesaya arye sekuk yupu ara, ani. ‘Sik domba opnukirye turya talibuka balamak touk, tonda, mitik domba el potong seknulye talak ara, el potong sekelulnye dam lamapdongobuka tiklamle tok, el babye tunim abuka ulamuka ati, yupu tonok tonap kum nyabuk.

Matius 5:39

Bukni, na wini talak nyapsin yupu ara, sik pia yu nang, ‘Opnuyap’ tenen, opsikcopura, anggun bidamnye, ila tamubuka anang obuka lyeldana kume. Yu nang arye sirik katum opsikcopura, ila ton tam katum babye merekeipnamlulume.

Yesaya 53:7

Allah el wipdeibuknye bira, nun malye ning lyena ati, yu nang arye yu ubukba ikin ning weik el nong deice deibik. Bukni, yupu nyana kumce, talye tunim altaknauk ubuke. Elce tamubuka, ‘Yata deiyok ati wininmaniak do?’ nyabuka, malye yupu kum nyabuk. Domba basam opnamaca ati, dobuka bobanmace talak yupu kum talamle touk ubuk. Tonda domba basam potong kon nang arye, el potong konmace talak, yupu tana kumce, kanye lamapdongobuka dakeiyam asa arye, kintinililamle touk ubuk. Ara, yu nang arye elti, malye yupu weik nyanmek talak ara, elda ayupu kekena kumce, talye kanye bobuka ulamuk.

Ibrani 10:38

Bukni, el min kum yanmalye talak ara, sik diksukum unyak ninye ara, sik diba tenebica deice aryuk unamake. Diba tenebikiryuk, ilil ati, ila tuba tonap, sik diba tenenyak ning batakicopura, narye aninye ati, kanye kum delinamne. Allah arye nyabuk.’ (Habakuk 2:3-4)

Rasul 22:14

Eipseura, Ananias arye nyapnuk. “Nun ni yapu si erelamik Allah ara, ‘Na piluk donamle’ tenen, akunum wipdeipkuke. Ara, Allah akunum tenebuk ati aminyan winipnamle ning kel kipnalame. Tonda, Allah ulamle atonun telebuk ulamukce, Allah el piluk dolamuknye, Yesus Diksukum Ululnye eipnalame. Tonda ‘Diksukum Ululnye elcuk nyaplyeura, kekepnalam’ tenen, Allah arye wipkuke.

Yakobus 2:6

Kankan ninye wibuk bukni, anggunce, ‘Kankan ninye mambul kume,’ tenepmatum deice arye, anang sik nong deice malye yupu nyaplulume. Ton tenipdelulume. Sik bona weik talin ninye arye, anggun nong deice ikin ning deipsikirye, anggun ning dobuka malye ulisinyak ara, kum tenipmalum do? Tonda, sik sisin ninye bona weik talin ninye arye, ‘Anggun talipdongobuka, sik ning dalubuka dopropnamap’ tenen, yupu bokolina deiyok nang dam bobasinyak ara kum tenipmalum do?

Rasul 7:52

Allah el yupu laka nyalamik nang, nabi-nabi nang ulamik talak ara, anggun apu yapu arye tonok babye ton, sik nong deice ikin ning kum delilamik do? Kume nabi-nabi nang ati ara, ikin weik ning sik nong deice delilamlume. Tonda, Allah el yupu laka nyalamik nang arye, “Diksukum ululnye yanamle,” nyabuka, laka nyalilamik nang ababye, anggun apu yapu arye onauk ulamik. Ara, wini talak ara, anye binyuk Diksukumuk Ululnye Yesus ati, minyuma akunum oplume.

Matius 27:20

Nyabuk bukni, sik Allah arena ati deiyok nang ap, Yahudi yala sik deiyok nang, wisi nang ap arye, “Nyapnulyame, nyapnulyame,” nyabuka, yupu nyalinmek ati, sik talye bulubuka wekmek ninye arye kekenmek. Nyalinmek yupu ara, ani. “Barabas ara, lobuka arepsimince, Yesusuk ara, opdeipnamsulume,” nyabuka nyalinmek ati, awekmekce talye kekenmek ninye nirya arye, Pilatus ati, ayupu uk nyapdeibik.

Matius 21:38

Dopdeibukba, awa tuku tia talibuka pil dolamik nang dam yanganmokba, eibikce nyabik. “Awa tuku deiyoknye dipliba, el punupnamlanye bira, el mi koprop ayanmala atia. Aning ati ara, nunce el opnamabe. Obibyopura, awa tuku nun damanguk dobuka talipnamabe,” nyabik.

Yesaya 5:23

Tonda, anggun anang aryuk, anggunce namin kilongon yo bok dopropmunce, dipkoprob malye winipmalinye biti, ‘Kume daupmalye, elda malye kum winipmale,’ nyabuka, teleb kipdeipmunce, kum wenelulume. Aning atonun, dipkoprob malye pia kum winipmalinye biti, namin kilongon yo bok dopropmunce, ‘Elda malye winipmale,’ nyabuka, el nong deice ikin ning deipmunce, wenelulume.

1 Peterus 4:18

Aning atonun, Allah yupu noutamak, buku Amsal deice sekik ning ara, nyapnusine. Ara, ‘Diksukum ubuka unyak ninye ara, ikin ulya deice arye diba tenenyakbuk, Allah arye lyelula anya arye, sik malye winin nang arye, ‘Allah elda talinye,’ tenebuka, el yupu yaniltanyak ninye ati ara, yata wiribuka arye, dib teneptingbuk lyeptu do? Kume, kum lyepnamle.’ (Amsal 11:31)