Wahyu 19:5 - Eipomek

⁵ Ayupu nyabikba, Kekepsopura, adiparyuk tonoknye Allah el weik ninye deiyoknye bun ning dam arye ayupu tonap nyabukba, kekepse. “Allah el amu tam bukuka, el piluk dolulum ninye nirya arye, nun Ni Kopropa Allah ati, el siuk erepnululume. Allah ati, ‘Se, elda mambul pia weike’ tenen, elti, si erelulum ninye nirya, mambul nang babye, mambul kum nang babye, anggun nirya ansinibuka el siuk erenamlulume,” nyabuk.

Wahyu 19:5 Referans Kwoze

Mazmur 134:1

Nun ni Allah, el si Yahweh, el amu tam umunce, el si eren aik pum tam, pil dolulum nang nirya ara, Allah Yahweh ati, “Nun ni, anda pia telebuk ulyame,” nyabuka, el siuk pia erenamlulume. Ara, lukunyan noutamak bukni, Allah si eren aik pum, Allah ati, teleb ning arebuka, elti, kibuka, si eremunya deiyok nang nirya arye, Allah Yahweh ati, “Nun ni, anda pia telebuk ulyame,” nyabuka, el si pia erenamlulume.

Mazmur 150:6

Tonda, Allah elce kwepdeiamukba, tukwak mutuku noutamak kam ulul ning ayala-yala nirya arye, Allah Yahweh el tibuk kanye deibuka, kibuka erebikirye, el siuk erenamake. Nun ni koprop Allah, el si Yahweh ati, “Anda pia teleb ulyame,” nyabuka, el siuk erenamabe. Akunuma. ‘Tukwak mutuku noutamak kam ulul ning nirya arye, Allah ati, “Telebe,” nyapnamak’ tenen, Haleluya nyapne. Na Sisinanye Raja Daud arye, akunuma nyapne.

Mazmur 135:1

Nun nirya arye, nun ni Allah Yahweh ati, “Anda pia telebuk ulyame,” nyabuka, el siuk erenamabe! Tonda, nunce Allah ati, ‘Se an si Yahweh ara, pia mambul teleb si ulule,’ nyabuka, el si erenamabe! Tonda, Allah Yahweh, el amu tam umunce, el piluk dolulum nang babye, anggunce, Allah el si erenamlume!

Wahyu 7:15

Ati ara, aninye ati ayupu ton laka nyapnuke. “Diksukumuk akunum kipdeibuk ninye ara, Allah el dam noutamak tuba-tuba unyake. El bulya dam unyakce, keting noutam babye, lukunyan babye, el amu tam bukuka el piluk donyake. Allah arye sikti, pia kalikuka melinamle.

Mazmur 22:23

Ati ara, Allah Yahweh elti, diba tenebibirye, elti, ilil usilye ninye nirya arye, el siuk erenamabe. Tonda, nun apu koproba Yakub birye deibukba, dadeipdanin yanganyap nang nirya ara, Allah el siuk, erebuka kinamabe. Aning atonun, nun Israel yala ninye nirya arye, nun ni koproba Allah ati, “Elda weik mambule,” nyabuka, el siuk erebuka si erenmabe.

Wahyu 20:12

Dipdesiba, sik akunum diamik ninye mambul nang babye, mambul kum nang babye yanganmekak eipse. Sik nirya aweik kurun bun ning urasin tam tikilyanganmek ak, im deice tam ulul buku-buku nirya ara, yokeibik. Tonda, tonok buku ton, el si ara Kam Pia Unamak Ninye Si Sekna Buku ton yokeibmekbuk eipse. Abuku noutamak seklamik yupu nirya dipdeyikba, sik akunum diamik ninye nirya ara, sik kam tuba ulamik talak aning-aning nirya winilamik touk, sekuka delilamika ati ara, abuku sekeiyamika noutamak awamuk touk, sik akunum diamik ninye nirya ati, yupu lepsisikuka bokeibukce, wenebuk.

Wahyu 16:17

Bulubuka deibikura, malaikat teknye birye kanye imun ning, el karu makau pum bisik uamuk ning ara dobukabukce, im noutam akuk diklobukba, Allah el im deice tam si eren aik pum bisik arye, tonoknye weik arye yupu nyabuk. “Winira akunuma. Sirya dakle,” nyabukba, kekepse.

Mazmur 115:13

Allah ati ilil tenebuka unyak ninye ara, weik nang babye, mitik ninye babye nirya ara, Allah elcuk tuba melisilirye, telebuk kilinamsile.

Wahyu 13:16

Tonda, aminyan talak tuku pum bisik arye yayuknye, el yupu nyabuka deice arye, tukwak mutuku noutamak tuba ulamik ninye nirya sik sirik taruk deice laka kilin ning sekuka delilamik. Sik sirik taruk deice pitin kilina ati, kum seklamik ninye ara, sik asok deice sekelilamik. Ati ara, aminyan talak tuku pum bisik arya yayuknye birye nyapdeibukba, ninye ayala-ayala nirya, sik nong deice aning sekelilamik. Ara, weik mambul nang babye, mambul kum nang babye, tonda bona uto-uto talin nang babye, talye bona utotoa kum ninye babye, tonda dekna doldona kumce, yuk nang ati pil donyak ninye babye, sik kanye aryuk, sik yuk pil donyak ninye babye, ninye ayala-ayala nirya, sik nong deice aning laka kin ning sekelilamik.

Wahyu 19:18

Talye ninguk kum dipnamlum bukni, weik ninye deiyok nang Raja nang ap, yin talin nang sik weik deiyok nang ap, mikip unyak ninye ap, yin talin nang sik kuda basam ap, kuda balye deice bukikirye yin talibuka banyak nang ap, talye-talye unyak ninye nirya ap, mambul ninye babye, mambul kum ninye babye, yo bok deice dekikiba urdemuk pil don nang babye, sik kanye aryuk pil donyakce, yo bok donyak nang babye, aninye ayala-ayala nirya oplopniba, anggun maka nirya arye, sik nong tup dobuka dinamlume. Ati bulubuka yalulume,” nyabukba, kekepse.