Wahyu 1:19 - Eipomek

¹⁹ Aning ati ara, an eipmalam ning nirya ara, seknamlyame. Ara, wini talak ulul ning ap, aminyan talak wininamle ning ap ati, seknamlyame.

Wahyu 1:19 Referans Kwoze

Wahyu 1:11

Kekepsiba, Allah arye nyapnuk. “An kekepnulam ning ap, eipnulam ning ap nirya ara, moubuka seklyame. Surat sekminyopopura, Asia tam noutamak diba tenenyak ninye ati, mutuku si tekbarye dopdeipnulyame. Amutuku si ara, ani. Efesus ap, Semirna ap, Pergamus ap, Tiatira ap, Sardis ap, Piladelpia ap, Laodikia ap, ulule,” nyabuk.

Habakuk 2:2

Aminyan talak ara, Allah el si Yahweh arye, nati nyapnuke. Narye arepkisiba, lengdar deice arye eiplum ning nirya ara, seknulyame. Tonda, ‘Teleb lak kibuka sekminba, ninye nirya arye, moubuka yinibikirye, biknamak’ tenen, ayupu ara, keil pala deice arye, puturubuka seknamlyame. Winipminyopura, lak teleb yupu, bikbik abuka laka lelbenamlanye birye, kanam aryuk nukturye, kel biktopura, bikbik abuka balirye, yuk mutuku ninye ati, laka nyalbalyopura, biknamake.

Wahyu 1:1

Ayupu nirya ara, minop talak Allah arye duknyamuk bukni, ‘Aminyan talak Yesus Kristus arye wininamle,’ tenena ati laka nyabuk. Ara, ‘Yesus arye aminyan sirya talak wininamle ning laka nyapliba, el amu tam bukuka, elti, dobolbanyak ninye kekenamak’ tenen, laka nyabuk. Allah arye, el im deice pil donanye, malaikat tonok dobuka dopkwetebukba, Yesus el pil donanye Yohanes dam laka nyalyayuk.

Wahyu 1:12

Nyapnukba, ‘Ayupu nyapnilnye urasin eipnun’ tenen, tamubuka dipdesiba, weisa ubuka dirina ning tekbarye ubukba, eipse. Aweisa dirina ning, el nong ara emas uamukak eipse.

Wahyu 10:4

Nyabukura, liman tekbarye noutamak arye, ninye yupu atonun arye nyabikba, sik nyabik yupu kekepsirye, ‘Ayupu seknun’ tenen, kintinipmase bukni, im deice tam arye yuk ninye yupu atonun arye nyapnuke. “Kume, sik tekbarye liman arye nyanmak yupu ara, sekna meme. Ayupu ara, dungnupnulyame,” nyapnuka ati ayupu kum sekse.

Wahyu 19:9

Ayupu kekepse talak ara, tonok malaikat arye nati nyapnuke. “Anyapnukin yupu ara, seknamlyame. Ayupu ara, ani. Domba Mi Atonye, el kil dopnamal talak ati, weik kwalya kwalibuka deipnamak ning ati, elce anggunti yukupsilirye, ‘Anggunda yalulume, yamunyeura, neika dipnamape,’ nyapnamle ninye ara, Allah arye aninye ati pia teleb updeipliba, kanye deibuka telebuk unamake. Anyapkin yupu ara, dipkoprop Allah elcuk nyapmanilba, nyapkine,” nyapnuk.