Ulangan 9:19 - Eipomek

¹⁹ Atalak ara, Allah yu weik ubukba, anggun wenebuka, obuka sirya dakmanto upsuke. Winipsukba epsirye, na pia ilil weik upnukce, yok siriptalipnuke. Ara, ‘Se, Allah arye Israel ninye oplopnamal do?’ tenen, upnuk. Winipnuk bukni, anggun melina ati, Allah moropsiba, kekepnuke.

Ulangan 9:19 Referans Kwoze

Ulangan 10:10

Musa birye, Israel nang ati nyabuk. “Na Sinai mutuku dup tuba ualamse talak ara, min yuma talak atonun, like tonok keba koklom dikin, 40 sum ap, 40 lukunyan ap ulamsirye, anggun melina ati nyapse yupu, Allah el si Yahweh arye kekepnuke. Kekepnukce, anggun kum opsuke. El kanye yuk tenebuke.

Mazmur 99:6

Musa ap, Harun ap ara, Allah el si eren aik pum tam, pil talibuka dona deiyok nang, imam nang pil talibuka dolamdik. Tonda, Samuel babye, nun Israel nang melina ati, imam deiyoknye ulamukce, Allah el si nyabuka, nunti morolamuk. Aimam deiyok nang, winilye nang arye, nun ni Allah Yahweh ati, ‘Naio, nun Israel nang nirya ara, melipsilyame!” nyabuka morolamik. Sikce Allah ati, morolamikopura, Allah kekelamukce, nun Israel yala nang ati, yanuka melilamuk.

Keluaran 33:17

Nyabukura, Allah el si Yahweh arye, Musa biti nyabuk. “An moropmanilam ning ara, aninguk narye melipnamsine. Deiyok ara, na kel kipkisirye, na kanye an deice deipkisa atia,” nyabuk.

Keluaran 32:14

Musa birye, Allah el si Yahweh ati, ayupu nyabuka ati ara, Yahweh arye, ‘Yo, amalye ning wininmak ninye nirya wenepnirye, obuka sirya daknamane,’ tenepmanua ara, bataknirye, ‘Akilisal kum opnamane,’ tenebuk. Utenebukce, Allah arye yu upmok ning nirya ara, aninye sik nong deice ikin ning kum deibuk. Winibukce, Allah el yu upmok ning ara, batakukce, tonap teleb kanye bobuk.

Mazmur 106:23

Atalak ara, sik malye weik winilamika ati, Allah arye, “Sik Israel yala nang nirya ara, obuka malye kipnirye bataknamne!” nyabuk. Nyabuk touk, Allah arye anang nirya akunum obuka, sirya dakmatu bukni, Musa birye Allah el dam yanuka, Allah ati, ‘Se na nio, aning ara, kum winipnulame. Anang namin kipnalame,” nyabuka morobuka ati, Allah arye anang kum obuka, sirya dakuk.

Ulangan 9:8

Tonda, anggun Sinai mutuku unmalum talak ara, Allah ati malye winipluma ati, lik ubukba, derepsuke. Allah arye anggunti, yu ubukba, ‘Aninye wenebuka opnun do?’ tenebuk bukni, kum obuka sirya daksuke.

Ibrani 12:21

Winilamikba, amutuku uamuk ning nirya ara, pia mambul ulamukba, sik kisok kwisi mek bongobukba, ilil weik ubuk. Musa babye aning nirya eibukce nyabuk. ‘Se, na ilil weik upmanila ati, na nong nirya sirim talipmanile,’ nyabuk. (Ulangan 9:19)

Keluaran 34:10

Nyabukura, Allah el si Yahweh arye, Musa biti nyabuk. “Wini talak ara, narye, ‘Wininamlulume,’ nyapdeipsin yupu deice arye, nyalin yupu ton arepsine. Ara, Israel ninye din sukumuk, ninye kum winipmanto ning winipnamne. Sik dam unamne ara, yuk mutuku-mutuku nirya kum winibukba kum eibik bukni, sik dam weik mambul ning winipnyopura, anggun dam unamak nang eibice, adeice arye kel biknamake. Ara, ‘Se Allah el si Yahweh arye, sik Israel nang melina ati, sik noutamak mambul pil dolye ning ara, pia teleb’ tenen, kel kipnamniyake,” Allah arye nyabuk.

Ulangan 9:20

Tonda, atalak ara, Allah arye Harun biti, weik arye derebuka anya arye, opmanto ubukba, ‘Harun oplyak’ tenen, narye elti, Allah moropsiba, kekepnuke.

Ulangan 11:17

Aning ara, talye ati kum nyapsine. Winipmanto ara, Allah batakmunce, na nyapmasin yupu anggunce kum talipmunce, yanipmunyopura, Allah el yu upliba, anggunti wenepsilirye, ikin ning weik, anggun dam deipnamsile. Ara, anggun unamlum mutuku noutam ara, mok ton kum arenamsile. Winipsiliba, anggun koumunye ning nirya ara, duk teleb ubuka kum mounamsile. Anirya ara, koulupdopnamsile. Adeice arye, anggun nirya ara, lo mitik tonunuk kam unmamunya ani, adiparyuk dipnamlume. Ara, Allah Yahweh arye, pia teleb mutuku arepmasil bukni, malye winipmunyeba, wenepsilyopura, anggun teleb mutuku unmamunce, aning-aning nirya, dina kum aryuk, talye dipnamlume.

Mazmur 78:59

Sik Israel nang arye, amalye winin ning weik winipnin balamikba, Allah arye aning nirya eibuka kibukopura, yu weik ubukba, elce sik Israel yala nang ati, ‘Anang na lik ati, sikti, tonap kum melibuka kalikinamne,’ tenelamukce, sikti, bataklamuk.

Bilangan 11:2

Auku dinmok talak ara, Israel ninye arye ilil ubukba, malye yupu nyabuka, Musa dam anyuk biyikce morobikba, Musa birye, Allah el si Yahweh ati morobuk. Amorobuk ning kekebukce, auku buk tangabuk.

Mazmur 106:19

Tonda, daulamika ani, yuk talak ara, Allah ati bataklamika ati, Horeb mutuku binuka unmek talak ara, sapi basam mi urasin atonun ning memepdeibikce, aninguk si erelamik. ‘Aning ara, nun ni koproba aulule’ tenen, kat ning, el si emas dobuka, sapi basam mi urasin atonun ning memepdeibikce, isa si erelamik. Winilamika deice arye, pia malye weik winilamik.