Ulangan 8:13 - Eipomek

¹³ Tonda, anggun sapi ap, domba ap, kambing ap, mi deibicopura, weik upra banamle. Tonda, anggun dekna weik kat ning, emas ap, perak ap tabakuka, weik upra banamsil ning ap, tonda anggun talinamlum ning ayala-yala nirya, pia tapakra banamsile. Winipsilyopura, anggun ni koproba Allah ati, pia luba kina meme.

Ulangan 8:13 Referans Kwoze

Ayub 1:3

Tonda, el pil don nang babye pia weik ulamik. Ulamikce, domba basam yupa tujuh ribu (7.000) ap, unta basam yupa tiga ribu (3.000) ap, tonda keledai basam yupa ara, pamubarye ratus (500) ap, sapi basam yupa ara seribu (1.000) ap, aning nirya talibuka weilamik. Winilamikbuk, sik keting yangan tam ulamik ninye noutamak bona weik nang ton aulamik bukni, el Ayub bira pia weik sisinanye ap, pia telebnye bira, el tonok ulamuk. El atonunye ton kum ulamuk.

Mazmur 39:6

Na kele, ance nati, ‘Anye bira, keting tamun mitik tonun dem kam unamle,’ akunum tenepnulume. Ati ara, na kam unamne keting tamun nuktinyopura, mitik tonunuk kipnamle. Tonda, ance teneplum ning ara, ‘Ninye tukwak unyak talak ara, pia mitik tonun kam unyake,’ tenesilyame. Winipmanto ara, ninye tukwak nang nirya, kam unyap keting tamun ara, tonok ulule. Ninye isin ara, mok puru yo bok deice palipmalya miklamle touk ulule. Pia mitik tonun dem ulule.

Ulangan 8:12

Kumopura, anggun kanye talima erebuka, pia kwalinauk umunce, anggun ni koproba Allah arye nyasilye yupu ara, luba kinamlulume. Ura, yata teleb winin ning nirya ara, teleb updeipsilyopura, ‘E, nunda teleb nang unyabe,’ tenena meme. Tonda, anggun ni koproba Allah ati, luba kina meme. Ura, aning atonun, anggun din ning dipmunce, akunum boupsilirye, mun pum tam upsilyopura, anggun teleb aik dobuka manamlume.

Ulangan 8:14

Aning-aning nirya teleb upsilyopura, anggun kanye talima erebuka, kwalina pia meme. Aning kum bukni, ‘Nun ni Allah luba kibibyak’ tenen, moubuka kalikdamunce, namin asa arye unamlulume. Kumopura, anggun talima pum tam erepdamunce, ‘Nunda pia teleb ninye,’ tenepmunyopura, anggun ni Allah luba kipnamlume. Ara, Mesir mutuku ulamlum talak ara, ikin pil weik, anggun nong deice delilamsikba, talye piluk dobuka, kanye imun kanye bobuka ulamlum bukni, Allah arye lyepsuke. Ati, anggunce pia tenenamlume, ‘Nun ni Allah, el si Yahweh arye, lyebuka boyanamsuke,’ tenebuka, pia unamlume. El ti, luba kina pia meme.