Ulangan 5:11 - Eipomek

¹¹ Tonda, anggun ni koproba Allah, na Yahweh ara, deiyok ton kum upmalibuk, na si talye-talye pia kum sisinamninyake. Deiyok ara, nara anggun ni Allah Yahweh ununa ati nyapne. Yatanye do nirya, na si talye-talye, na si sisipnilinye bira, elda dipkoprob pia malye ning upmalul anya arye, narye anye biti, wenebuka opnamne. Ato nang ara, kum bataknamne bukni, anggun wenena ati, ikin ning anggun nong deice uk delinamsine.

Ulangan 5:11 Referans Kwoze

Keluaran 20:7

“Anggun ni koproba Allah, na si Yahweh ati ara, na si talye-talye si nyana meme. Yatanye do, na si talye-talye si nyalamlinye biti ara, ‘Dauaplye’ kum tenenamne. Na si talye nyaplobikce nang ara, dipkoprob pia weika arye wenepnamne,” Allah arye nyabuk.

Ulangan 6:13

Amutuku unamlum talak nirya ara, anggunce anggun ni koproba Allah, el si Yahweh ati, ‘Se, elda pia mambule, el siuk erenamabe,’ tenenamlulume. Allah ati el si erebuka, el amu tamuk namin asa arye unamlulume. Tonda, anggunce, ‘Wininamne,’ nyabuka, nyalin yupu deice nyanamlum talak ara, Allah el siuk erebuka, ‘Dipkoprop wininamne,’ nyabuka, nyalin yupu nyanamlume. Yuknye si ton, kum nyanamlume.

Imamat 19:12

Nyabukce, ayupu tonap dukdongobuka nyabuk. “Anggunce tilila yupu nyapnya deice arye, ‘Yuk nang arye, dib tenepnamniyak’ tenen, ‘Allah el si deice, dipkoprob yupu nyapkine,’ pia kum nyanamlulume. Na Allah si deice tabakuka, tilila yupu nyapmunyopura, ara na si malye ubuka deilina ati, aning ara, winina meme, nyapsine. Na si talye kum nyaltakanamlulume. Nara Yahweh, anggun ni Allah unirye nyapsine,” Allah arye nyabuk.

Yakobus 5:12

Winira nun du weit atonun unyap nang ati, weik mambul yupu ara nyapnusine. Anggunce, “Wininamabe,” nyalulum talak nirya ara, ‘Yuk nang arye diba tenepnamsiyak’ tenen, mambul ning si ap deice arye nyana kume. Tonda, yupu canga arye nyana meme. Ara, yata ning si do nirya, im deice ulul ning si ap, tukwak ulul ning si ap, tabakuka nyana meme. Tonda, ‘Yuk ninye arye, diba tenepnamniak’ tenen, “Nara, talinye birye nyapmakin do?” nyabuka, yupu weika arye nyalamak touk winina meme. Ati, malye yupu nyapmunyebuk, Allah arye wenepsilyak ati, ‘Telebe, aning winipnune,’ tenepmunyopura, “Teleb, aning winipnune,” nyana uka. Aning atonun, “Kume, aning kum winipnune,” tenepmunyopura, lak akarye, “Kume aning kum winipnune,” nyana uka. ‘Yuk nang arye, nun nyanyap yupu diba tenepnamsiyak’ tenen, mambul ning si ap tabakuka nyana meme.

Yeremia 4:2

Winimunce, na Allah si deice arye, “Dipkoprob uk unamabe,” nyapmunce, Nun ni koproba Allah, pia kam ulye touk, elce nyapsilye yupu nirya babye, pia dipkoprob uk ulule. Ati nun babye teleb diksukum una ap, tonda tilila yupu nyana ap, kum nyanamabe,” nyabuka, antonun winipmunyopura, yuk mutuku nirya unyak nang arye, anggunti eibuka biksikceura, sikce nati, “Naio, nun ton melipsilyame,” nyabuka moropnamake. Winibuka morobikceura, na Allah arye sik ayuk mutuku nang ati, melibuka teleb kipdeipnamne. Winipnyeba, sikce nati, na si pia erenamniyake. Allah arye nyabuk.

Mazmur 139:20

Sik amalye winin ninguk talibuka, unyak nang nirya arye, Allah an si ati, pia malye nyalikinyake. Tonda, Allah an kanye deiplum mutuku si deice arye, pia dipkoprob malye nyabuka, tilila yupu uk nyaltakanyake.

Ulangan 10:20

Winibuka anggun unalum talak nirya ara, anggun ni koproba Allah ati, ‘Elda pia mambule’ tenen, el siuk erenamlulume. Allah ati, el amu tam ulamunce, el pil donamlulume. El tibuk, ilil tenebuka, eluk talibuka ulamunce, anggun kanye talima, el deiceuk delinamlulume. Anggun nyalin yupu nyanamlum talak ara, Allah el siuk nyanamlume. Ati, anggun kanye lamapdongobuka arye, el amu tam unamlulume.

Hosea 4:2

Tonda, nun wininyap ning ara, ani. ‘Na kwit ikin ninguk doprotu’ tenen, sulongolanauk unayabe. Tonda, tilila yupu nyana ap, ninye olana ap, ubula dona ap, nun mince domupu kilapu batakuka, yuk talye kilapu yolana ap uk, wininyabe. Tonda, nun malye kibuka, ninye oldanauk unyaba deice arye, ninye malye winin ning ara, pia weik uplirye, yuk nang sik mining ininguk dilamak touk wininyake. Olana weik unyake.