Ulangan 4:14 - Eipomek

¹⁴ Aninguk kum bukni, Allah arye nati ayupu ton nyapnuk. “Ance, Israel nang ati, na arepnamsin yupu peterenamlyame. Ara, narye, ‘Aning wininamlulume. Tonda aning ara, kum wininamlulume,’ nyabuka, laka nyapnukin yupu ara, Israel ninye ati peterenamlyame,” nyapdeipnuke. Aning ati, anggunce ayupu bobuka, Yordan mek koubuka, otam mutuku, Allah arye arepnamsil mutuku noutamak bimunyopura, ayupu pia moubuka kekepmunce, talinamlulume. Allah arye, ‘Amutuku ara, anggun dokola mutuku pia unamle’ tenen, arepsuka ati ara, elce nyapdeipsuk yupu dopropmunce, pia kum bataknamlulume. Ayupu talinauk unamlume. Musa birye Israel ninye ati, nyabuk.

Ulangan 4:14 Referans Kwoze

Keluaran 21:1

Allah arye Musa biti nyabuk. Na Allah arye, Aning ara wininamlume, aning ara pia kum wininamlume nyapdeipnusin yupu ara, Musa ance sik Israel ninye nirya ati laka nyalbinulyame.

Ulangan 4:2

Anggun ni koproba Allah, el si Yahweh arye, ‘Aning ara, wininamlulume. Aning ara, ton kum wininamlulume,’ nyapdeipsilyopura, narye nyapsinye yupu ara, anggunce tonap tabakana ap, kolukulina ap pia meme. Allah arye anggunti, ‘Aning ara, wininamlulume. Aning ara, kum wininamlulume,’ nyalisilye yupu, narye dobuka anggunti nyapsine. ‘Anggunce ayupu nirya, pia moubuka kekebuka unamlum’ tenen, ati nyapne. Tonok ning babye batakna meme.

Ulangan 4:13

“Tonda wini talak babye, amutuku noutamak Allah arye, el yupu deiyok tagu barye (10) nyabukce, keil pala bitinye deice arye sekeipsuk ning ara, laka nyapnuke. Elce nati, laka nyapnukba, narye anggunti, laka nyapsiseba akunum kekeplume. Ayupu deiyok ara, Allah arye, ‘Israel nang ara, ‘Naʼ tenen, ninye unamak’ tenen, ‘Na Allah arye anggunti, wininamsine. Tonda, anggunda wininamlulume, aning ara ton kum wininamlulume,’ nyapdeipsuk yupu atia.”

Ulangan 4:15

Musa birye Israel ninye ati, nyabuk. “Anggun pia tenebuka unamlulume. Ara, Sinai mutuku, tonda mutuku si Horeb mutuku deice, Allah arye weik uku buk noutam arye, yupu nyapdeipsuk talak ara, el yupu kekeplum bukni, el nong ara, pia kum eiplume.

Ulangan 11:8

Musa birye sik Israel nang ati, ayupu ton dukdongobuka nyabuk. “Ati, Allah arye nyapdeipnukba, narye anggunti, ‘Aning ara, wininamlume. Aning ara, pia kum wininamlume,’ nyamsise yupu nirya ara, arup arye nyapmasin ning ara, diba tenepmunce, moubuka talipmunce wininamlume. Winipmunya deice arye, anggun mikip kipsiliba, Yordan mek koubuka, otam mutuku binuka wekmunce, malye kipnamlume. Allah arye, ‘Anggun ti amutuku arepsiniba, talibuka unamlume,’ nyapdeiamsuk mutuku uk, obinuka wekmunce, talibuka unamlume.