Ulangan 4:11 - Eipomek

¹¹ Nyabukce, ayupu ton nyabuk. “Anggun kele, Allah arye el yupu nyapnuk talak ara, anggun nirya amutuku dam amu tam yanuka buluplumba, Sinai mutuku dup deice ara, weik uku buk pakanmokce, uku buk im noutamak welebuka biyuk bukni, amutuku dana-dana nirya ara, dua weik ubukba, Sinai mutuku lelipdobukba, asukum nirya kunukuk. Awinibuk ning nirya, anggunce akunum eiplume.

Ulangan 4:11 Referans Kwoze

Ulangan 5:23

Musa birye, sik Israel nang ati, ayupu ton dukdongobuka nyabuk. Atalak ara, amutuku nirya uku dinmokce, weik dua kunukmoka kan-kan noutam arye, Allah el yupu nyanmokba, kekeplum talak ara, anggun Israel nang, yala yuk-yuk ulamlum nang ap, nun Israel nang nirya ati, ninye deiyok talibuka ulamlum nang ap nirya ara, na damuk yanamlume.

Keluaran 19:9

Anyalbiyuk talak ara, Allah el si Yahweh arye tamubuka Musa biti nyabuk. “Na, an dam yanamna ara, weik dua kan-kan yanamne. Dua noutamak yanirye, anti yupu nyapkiniba, Israel ninye nirya babye kekenamniyake. Wininamna deiyok ara, wini talak ara, na yupu an dam nyapkiniba, Israel ninye nirya eibikirye kekebikcopura, anti, ‘E Musa bira, Allah el pil dolinye’ tenen, diba tenebuka kekenamkiyake,” nyabuk. Nyabukura, Musa birye sik Israel ninye arye nyapmik yupu, Yahweh ati laka nyabuk.

Ulangan 4:12

Winibuk talak ara, uku buk noutamak tikukce, Allah el si Yahweh arye, el yupu weika arye anggunti nyabuk bukni, el nong ara, kum eiplume. Dipkoprop elce nyanmok yupu kekeplum bukni, el nong ara, kum eiplume.”

Mazmur 18:11

Allah anda pia minop yalum talak ara, im deice mikip weik ulyam malaikat, el si ara Kerub, el balye deice buklumce, el pol arye im deice arye lakuka, tukwak mutuku dam yalume. Winipmanto ara, mikip weik kumanya, pu apliba, pola yangalamle touk, atalak ara, Allah an minopce tukwak mutuku yalume.

Mazmur 97:2

Allah el dam ara, weik dua ap, kuna ap aulule. Ara, ninye arye, el urasin kum elinamaka ati upnamle. Bukni, Allah arye aning-aning nirya talibuka ulula deiyok ara, diksukum winin ninguk talibuka winilule. Tonda, ninye nirya winilamice touk, akunum elilula ati, elce dipkoprob diksukum kibuka, yupu lipsisikuka bokeipsilirye, dengna arepnamsile.

2 Samuel 22:10

Winipmanto ara, Allah el si Yahweh arye, im noutam ara, dilikukba dua kan-kan arye, tukwak yayuk. El yan amu tam ara, kunukuk dua kan-kan deice arye yayuk.

1 Raja-Raja 19:12

Mutuku lulukna akunum dobukopura, weik uku buk ton kutukuk. Uku kutukuk bukni, auku buk kutukukak ara ton, Allah lak yanuka tikukba kum eibuk. Weik uku buk akunum dibukce tunimabuk talak ara, Elia kekebuk bukni, mitik anun arye, mur-mur nyalamak yupu ton nyabukba, Elia kekebuk.